لعشاق الفولكس ارجو الدخول

**ahmedali** · 20-01-2009 03:30 PM

يا جماعه انا من فترة كنت بفكر اجيب جديد هيونداى i10 1100 سي سي جديدة بس لما بصيت كويس لقيت ان فيه فولكس بوينتر 1600 سي سي وموديل قريب 2006 مثلا وفول اوبشن والسعر واحد طبعا هيونداي زيرو ودى مستعملة تنصحوني اجيب اى عربية فيهم وهل الموديل ده من فولكس كويس ؟ اتمنى ان الاخوه يدوني رايهم

**survey** · 20-01-2009 10:10 PM

البوينتر معايا من اكتر من 4 سنين والحمد لله زي الفل
بص من الاخر لو انت سواقتك جري وسباق وتخبيط وحفر ومطبات كتير فمينفعكش غير البوينتر
لكن لو سواقتك هادية وبتحب العربيات الناعمة ف اي تن هي الانسب ليك
لان بوينتر خشنة شوية

**biso_33** · 17-02-2010 01:00 AM

بص يا سيدي اشتري اي حاجه بس ما تكونش صيني او كوري
و انا معايا البوينتر 1000 cc و ماشاء الله عربيه عفيه و بتستحمل و ف نفس الوقت عمرها الافتراضي اطول

**happpykiddd** · 17-02-2010 01:22 AM

الرجاله قالو الكلام الصح
بس فى مشكله واحده قطع غيرها غاليه بالنسبه لسعرها بس اعتقد انها بتديك عمر طويييييييييل مش رخيص ويديك عمر قصير

**fathelbab** · 18-02-2010 04:01 AM

بلاش البوينتر

**bishoo33** · 19-02-2010 04:10 AM

بوينتر مستعمله = صيانه = قطع غيار =فلوس كتييييييييير= تعب أعصاب
كورى زيرو = صيانه مفيش = قطع غيار مفيش = راحه بال

**sarawe511** · 19-02-2010 08:16 PM

البوينتر و الباراتي و الجول من السيارات الغير مرغوب فيها ف مصر و اسمع انها مش حلوة و متحسش انك راكب فولكس خالص

**Islam_galal** · 19-02-2010 08:26 PM

معلوماتي عن البوينتر و الجول و الباراتي انها من مصنع البرازيل أو المكسيك و هي مصنعه لأمريكا اللاتينية بمحركات ذات تكنولوجيا قديمة نسبيا ، يعني تقريبا المحركات الـ 1600 هي التي كانت مزودة للسيارات جولف موديل تسعينات
للأسف وكيل فولكس سئ و مجهوده ضعيف و مشهور بإرتفاع أسعار قطع الغيار و الصيانة مما انعكس علي كل الفولكس و لكن العملية نسبية ، قطع الغيار للبوينتر و الجول و الباراتي غالية جدا لأن ثمن العربية الأصلي أقل من أقاربها الأوروبيين باسات و جيتا و جولف و بولو