اتوكل على الله واجيب فيكترا ٢٠٠٨ و الا اتريث ?

**zoz123** · 21-01-2009 01:55 AM

السلام عليكم
انا قارئ للمنتدى المتميز من فتره. اعمل بالتدريس بالجامعه و عمرى ٣٦ سنه. طبعا نوعيه العمل تتطلب وجود سياره متميزه وانا من عاشقي السيارات الالمانيه لكن كنت لم استطيع شراءها نظرا لثمنها المرتفع.

لكن والحمد لله ادخرت مبلغا من المال استطيع شراء سياره مثل الفيكترا به.

ولكن شائعات انخفاض السعار دعتنى للتريث كما انى مترد د قليلا بسبب السعر العالى للسياره ولذى يتراوح من ١٥٧ - ١٧٠ الف.

ذهبت للوكيل والعربيه تحفه بكل معان الكلمه. متانه - جوده خامات - شكل خرجى رائع و داخلى اروع. جلست فى التوب لين و كان هاين عليا اروح بيها

اللاوكتافيا مش عجبانى والجيتا غاليه فوقع الختيار على الفيكترا

يا جماعه ال هاى لين مكونتش ناوى اجيبها بس لما عرفت الكماليات بجد احترت. فيها درج تخزين لحفظ المبردات و ده مفيد اوى فى الجو الحر و الرحلات. كمان الفرش جلد والتكييف رقمى وفيها مثبت سرعه.

الفتيس الايزي ترونك دا حكايه بمجرد تحريكه للشمال لوضع A يرجع لمكانه ولا تحتاج لتحريكه طوال السير. التابلوه شىك والعربيه برستيج جدا.

فى رايكم استنى ولا اتوكل على الله و اشتر ى فى شهر 4?

تانى حاجه هل تستحق كماليات الهاي لاين فرق ال 13 الف?

وشكرا مقدما لكل من سيتفضل بالنصيحه

**mnageeb** · 21-01-2009 02:13 AM

الف مبروك مقدما

بس انا شايف انك تستنى لان فعلا فى حالة من الركود الايام دى و اكيد الاسعار هاتنزل زى بقية دول العالم

**Hesham_91** · 21-01-2009 02:21 AM

أعتقد لو حضرتك استنيت كام شهر هيكون أفضل لأن الأسعار هتنزل هتنزل و خاصة أوبل (GM) و حضرتك مش خسران حاجةhttp://www.nilemotors.net

**tamertamer** · 21-01-2009 02:33 AM

انا شايف تظبر شوية بس هى حسب احتياجك لو حابب تشترى عربية انا شايف الوكتفياء افضل ارخص فى قطع الغيار يوجد بدايل غير الفكتراء الجديدة

**zoz123** · 21-01-2009 02:57 AM

شكرا جزيلا على الردود. انا ماجل الشراء من فتره وممكن استنى لشهر ابريل او يوليه بس يارب السعر ينزل.

اما عن الوكتافيا ف الفيكترا عجبانى اكترمن جوه و بره كمان هى منتشره جد اعكس الفيكترا بتدى احساس بالتميز

**Ahmad Allawy** · 21-01-2009 09:43 AM

من ناحية الاسعار هتنزل.. فده اكيد هيحصل..
لأن التوكيل من دلوقتي نزل اسعارها شوية كويسين..
و مع الركود.. و ان التوكيل عايز يخلص الستوك اللي عنده.. عشان الموديل ده بطل انتاجه خلاص في المانيا.. يبقي اكيد هيرخص كمان..
و العربةي بكل المقاييس تحفة.. و اللي يميزها عن الاوكتافيا و الجيتا كمان.. انها تقفيل الماني 100% مش تشيكي ولا مكسيكي..
و توكيل.. منصور كويس.. و بالتأكيد افضل من ارتوك.. و من توكيل فولكس اللي مفيش حد بيروحه من الزحام و التأخير..

**Islam Amer** · 21-01-2009 12:54 PM

الف مبروك مقدما يا استاذي واختيار موفق ان شاء الله بس انصحك بعدم التسرع
اخوك اسلام

**A.Elsheikh.01** · 21-01-2009 02:05 PM

بص يا سيدي
ردى دا من بعد كلام كتير مع الاعضاء هنا وبذات العضو المميز احمد بك علاوى والراجل دا بجد بحترم كلامه وهو قالى على حاجه
وهى ان من بعد شهر 2 الجاى الحركه هتظهر وتبان وعليها الامان
استنا لبعد شهر 2
وعلى فكره الوكيل نزل من سعر كل عربيه حوالى 2000 جنيه تقريبا
هو مبلغ مش وقدرة خالص بس دى البشاير زي ما بيقولو
والخبر الى بفلوس بكره يبقى ببلاش

**Ahmad Allawy** · 21-01-2009 02:44 PM

المشاركة الأصلية كتبت بواسطة kazanova

بص يا سيدي
ردى دا من بعد كلام كتير مع الاعضاء هنا وبذات العضو المميز احمد بك علاوى والراجل دا بجد بحترم كلامه وهو قالى على حاجه
وهى ان من بعد شهر 2 الجاى الحركه هتظهر وتبان وعليها الامان
استنا لبعد شهر 2
وعلى فكره الوكيل نزل من سعر كل عربيه حوالى 2000 جنيه تقريبا
هو مبلغ مش وقدرة خالص بس دى البشاير زي ما بيقولو
والخبر الى بفلوس بكره يبقى ببلاش

ربنا يكرمك يا باشا..
الجميل كمان اني سمعت من تاجر عربيات عنده معرض بطريقة غير مباشرة انه الاسعار هتنزل فعلا علي شهر 3.. (هذا والله اعلم)

**A.Elsheikh.01** · 21-01-2009 04:02 PM

ياخوفى يا بو حميد الموضوع دا ميبقاش فى 2 ولا 3 ويبقى فى 4
ومين يزود :):):)

الموضوع: اتوكل على الله واجيب فيكترا ٢٠٠٨ و الا اتريث ?

LinkBack

أدوات الموضوع

عرض

-

-

-

-

-

المواضيع المتشابهه

ارجووووووكم ساعدونى كورسا ٢٠٠٦ ولا ماتيريا ٢٠٠٨ ولا سيراتو٢٠٠٨

عايز فيكترا ٢٠٠٧-٢٠٠٨

اجيب خليجى ٢٠٠٨ ولا وكيل ٢٠٠٩ بنفس السعر?

هيونداى فيرنا للبيع موديل ٢٠٠٨ ١٦٠٠ ٣٠٠٠٠ كيلو

كاسيت لانسر سبورت ٢٠٠٨/٢٠٠٩ الشكل القديم

الكلمات الدلالية لهذا الموضوع

المفضلات

المفضلات

ضوابط المشاركة