السلام عليكم يا شباب
بص يا أبو حميد.....كل لما العربية تمشى زيادة كل لما تستهلك أكتر......دى حاجة مفيهاش كلام بس هو الفيصل فى الموضوع ده هل صاحبها كان بيغير الحاجة اللى بتبوظ ولا طالما العربية بتمشى مش بيدق ؟؟؟
لو هو من النوع الأول يبقى أن شاء الله مفيش قلق
لو من النوع التانى يبقى أبعد و أنفد بجلدك
نصيحتى ليك أنك تجرب العربية و لو عاجباك أكشف عليها فى التوكيل مش فى مركز خدمة معتمد.
وكمان لو الراجل متعود يروح توكيل المقطم روح أكشف فى العبور يبقى أحسن عشان تشيل من دماغك قصة أنه ممكن يكون عارف حد و ميقولوش على مشاكل العربية كلها مثلاً.
كمان حاجة تتأكد منها......أبقى أطلب وأنت بتكشف تشوف الكويلات بتاعت العربية.....لو لقيتها لونها رمادى يبقى دى اللى كانت بتنزل فى مو 2005 ولسه متغيرتش و غالباً هتلاقيها قطعت منك قريب....لو لونها أسود أو بنى محمر يبقى دى الجديدة وهو مغيرها وأن شاء الله مفيش قلق منها.
ولو فى أستفسارات تانية أسأل
أنا عامل بالعربية 87 ألف كم
و أعتقد أن أيمن وشاركى أقل منى فى الكيلومتر
ممكن محمد مصطفى يفيدك....كان عامل حاجة و 80 من شهر كده.....بس هو بقاله فترة مختفى.
المفضلات