محبش اشتغل موظف في الجوازات مثلا
او اي مصلحة حكومية من اللي كل شغلي فيها اعد املى طلبات الناس اللي جاية تخلص ورقها
وخلاص
كل يوم نفس الحاجة
.....................
عرض للطباعة
محبش اشتغل موظف في الجوازات مثلا
او اي مصلحة حكومية من اللي كل شغلي فيها اعد املى طلبات الناس اللي جاية تخلص ورقها
وخلاص
كل يوم نفس الحاجة
.....................
اسوء وظيفة ممكن اشتغلها هى السباكة
اخوكم يوسف
انا عاوز اطلع صيدلانى بس حظى رمانى على هندسة
دكتور أسنان :mahf(5):
اعرف كذا واحد معايا في الكلية وصحابي كانو عايزين صيدلة وفي الاخر دخلوا هندسةاقتباس:
انا عاوز اطلع صيدلانى بس حظى رمانى على هندسة
ليه مش عارف
انا نفسي زمان وانا صغير اوي (كنت في ابتدائي) كنت بعد مع واحدة صاحبة امي في صيدلية فكنت بقول عايز اطلع صيدلي
انا ما ينفعش خالص اكون مدرس
ما بعرفش افهم حد حاجة مهما انا كنت فاهمها
بتخنق على طول و اللى قدامى ما بيفهمش منى حاجة
فعلا اسؤا مهنة ان يكون صاحبها بيكرة
حتى فعلا لو كان رئيس جمهورية لو مش بيحب الوظيفة دى صعب يكمل فيها
ممكن يكون فيها مبلغة شوية عشان طبعا كل نفسو يبقا رئيس حى مش جمهورية ههههه
التدريس ده صعب جدااااااااااااااااااااااا اااا
والناس اللي بتمسح العربيات بالذات فالشتا بحس انهم بيتعزبو ومش متخيله نفسي فالشغلانه دي خاااااااااااااااالص
رئيس وزراء جمهورية مصر العربية
مفيش حل للمشاكل
تحل مشكلة من ناحية تتفتح مشكلة من ناحية تانية
اول ساعة لى كرئيس وزراء هقدم استقالتى فورا
ممثل مسرحي .. لا أتخيل أن أقوم بقول نفس الكلمات وأتحرك نفس الحركات وأغني نفس الأغاني يومياً .. ده غير أنني لا أتخيل نفسي أتحدث وأتحدث لمدة ساعتين بدون توقف!! حاجة آخر ملل وتعب.
مدربة سواقة :N_no[1]:
الشغلانة اللى مستحيل اشتغلهااااا ولو بمليون جنية فى الساعة شغلانة عشماوى انا مش عارف الراجل دة بينام ازاى
شغلانة الكمساري ... شغلانه صعبه فعلا وخصوصا لو في اتوبيس من ابو ربع جنيه او في قطر الدرجه التالته ... ويا سلام بقى لو شهر 8 والدنيا حر مووووت....
الكمساري لازم يخلي باله من الركاب والحرامية والبائعين المتجولين والحر والعرق ... كل ده ومعاه الفلوس والتذاكر اللي هى عهده ولازم يوردها اخر الوردية...
شغلانه فعلا صعبه جدا
الوظيفة الحكومية طبعا .... طالمنا مليانة نم وهم وغم وحقد وغل وشر ... والجديد ... الواسطة الكوسة والبذنجان والبطيخ .....
وللأسف أنا فيها .... بحبها لانها مؤهلي ومستقبلي ومقتنعة بيها وأحب بلدي اكتر من أي قطاع خاص .... لكن كارهة البيئة المحيطة فيها :fdsa::fun_36_3_4[1]::8954[1]::K_crying[1]::B4_611::36_1_50[1]::_Alshmokh08[1]::049::shyy::whtauwant:
جندى امن مركزى على باب السفارة الأسرائيلية او الأمريكية
موظف او قاعد على مكتب
مـــدرس ودا لانى مش بعرف اوصل معلومه...وكمان مدير اى حاجه لانى مش بعرف ابقى جد مده طويـلهhttp://img262.imageshack.us/img262/858/dancevg7.gif http://img262.imageshack.us/img262/858/dancevg7.gif
والله طالما حاجه شريفه يبقى خلاص مفيهاش عيب لكن انا مش متخيل نفسى و انا زبال او كمسرى او عجلاتى او نقاش طبعا فى ناس كتييييييييييييير هتشوف الكلام ده هتقول عليا فرفور و شاب سيس هههه بس معلش انا افضل انى مشتغلش حاجه متعبه اوى و اى حد كده و لو انى بتعب فى شغلى مع والدى و لكن مش لدرجه الزبال او الكمسرى .
الشغلانة إللى تغضب ربى ..
على سبيل المثال طبال فى كباريه :10d5c8~1107:
بياع الثلج في الشتاء ياسلام في نص شهر 2 تبقي تحفة
مش ممكن اتخيل نفسى بشتغل اى شغلانة غير اللى انا بشتغلها دلوقتى
حكون زى السمكة اللى طلعوها من المية
ربنا يديمها ويبارك فيها
وظيفة سواق من رابع المستحيلات انى اوافق
وجع دماغ و ووجع رجلين و قرف المرور و ظباط المرور
medical rep رغم ان الشغلانه ديه فلوسها كتير بس انا مش متخيل انى لازم اقرع للدكتور وانفخ فيه او اتفق معاه على مبلغ او فسحه عشان يكتبلى الدواء اللى انا بعمله دعايه رغم ان فيه بديل ممكن يكون ارخص واحسن لان فى الاخر اللى بيشترى الدواء ده انسان مريض وأوقات كتير بيكون شارى الدواء بالعافيه
انا مقدرش اشتغل محاسبة او في شركة ملاحة
اصلي بليدة اوي في الحساب بصراحة و ببعد عن كل حاجة فيها جمع و طرح
ده انا حتى بخاف اشتري حاجة لحسن اتلخبط في الحساب هاهاها
و مليش في الكيمياء و الفيزياء
و معرفش ابقى sales عشان مش بعرف اجيب عملاء
سواق تاكسي اصعب و اسوأ شغلانه ممكن اشتغلها
خلينا في تجاره يمكن تنفعنا
طواحيني..دي الشغلانة اللي مش ممكن اتخيل نفسي فيها ابداً
فرد أمن مش متخيل نفسى اقعد 10 ساعات كدا واقف فى مول او فى شركة وعمال ابص يمين وشمال
طبيب جراح فعلا صعب اوى منظر الطبيب وهو بيعمل عمليه طبعا انا شوفتوا فى التليفزيون فقط ولكن منظر الدم بيكون صعب عليه جدا .
كل ما أعدي من قدام المنصة و أشوف العساكر اللي بيبقوا واقفين بالساعات هناك ما بيتحركوش باقول يا رب ما اشتغل الشغلانة دي ابدا ابدا ابدا :N_no[1]:
اعتقد ان هى مش شغلانه بس حاجه بتبقا دايما مؤقته انا دايما بشفق فعلا على المجندين بتوع الجيش خصوصا اللى مش معاه واسطه و قاعد فى الصحرا بعيد عن بيته و اهله و بيضيع سنه او اتنين او تلاته من عمره نايم على الأرض وسط العقارب و التعابين بينام اربع ساعات و يصحا ساعتين طول الليل يقف خدمه و معرض دايما للحبس و معرض دايما للتفتيش فى الشارع بره على ايدين الشرطه العسكريه انا اصلى مجرب موضوع التجنيد ده ربنا يكون فى عون كل مجند فى الجيش والله
مدرس ...موت و خراب ديار
انا شايف ان اصعب شغلانة هيا الحانوتى والناس اللى بتشتغل فى المشرحة وكدااا بجد حاجة صعبة قوى
قائد الجيش فى حالة الحرب
يا يتقتل
يا تتقتل