صياد شغلهم كله خطورة وشقى .
عرض للطباعة
صياد شغلهم كله خطورة وشقى .
بوااااااااااااب.. أي حد ممكن يطلب منه أي حاجة في أي وقت و ما يقدرش يقول لأ :majd(4):
مش كلهم يا علا، عمارتنا مثلا فيها حارس ابن حلال و هو و مراته وولاده محترمين، بس انا متعقد من النوعية التانية بتاعة البيه البواب و بجد عشت تجربة حية فى عمارة خالى فى الدقى، كان مستعمرها بواب اخطبوط هو وولاده التسعة لمدة 12 سنة و مش هقدر اوفيه حقه مهما وصفت تناحته و خبثه و استنطاعه، كفاية مثلا اقولك ان كل يوم كانت مكونات أكلهم بتتجمع من الشقق بالمسكنة و التناحة، حتى السكر و الشاى و لأن العمارة كانت مليانة ناس مستواهم المادى مرتفع، فمكنش حد مركز قوى معاه و فضل كده و جوز بناته و دخل ولاده الجامعة و بعدين اتعرف عنه حاجات غريبة، ظهر ان عنده عمارتين فى بولاق الدكرور و عربيتين نقل و تاكسى و عربية ملاكى و ارض فى بلدهم، ساعتها ابتدت نظرة اتحاد الملاك تتغير و فى المقابل ابتدى هو يتعامل مع الحاجات اللى بياخدها من السكان زيادة عن حقه على انها حق أصيل و ابتدت المشاكل و قعدوا سنة مش عارفين يطلعوه و لما حصل الجلاء، الناس كانت فرحانة بطريقة غريبة، لدرجة انى كنت زعلان عليهم و على مراكزهم اللى اتمسحت على ايد الأخ ده.
البطالة هي اسوأ وظيفة في العالم
اسوء وظيفة ....
الأمين العام لجامعة الدول العربية .... في الموقف اللي اتحط فيه عمرو موسى في دافوس
بصراحة حاجة تخلي الواحد في نص هدومه
كنت مكسوف نيابة عنه
على فكرة اسم الموضوع ايه اسوا وظيفة ممكن تشتغلها
يعنى شغلانة الدكتور دى مش سيئة ولا حاجة ده الرجل بيدرس 7 سنين وبيتدرب وبيطلع عينه على ما بيعمل اول عملية فى حياته ازاى نتفرج عليه فى التليفزيون وهو بيعمل عملية ونقول دى شغلانة صعبة !!!
لا صعبة ولا حاجة بس ده شغله وواخد عليه مش اكتر ...
اسوا وظيفة بقي ممكن اشتغلها :
( تـاجـر مـخـدرات _ سايس _قواد ) :_Alshmokh08[1]::_Alshmokh08[1]:..
زبال بجد مش عارف ازاي بيستحملو يشيلو قرف ٧٠ مليون مواطن على الأقل
وكمان وظيفة دكتور جراح
حياته كلها دم ومشارط وعمليات
برغم انه بيبقى سبب لشفاء الناس لكن الله يكون في عونه
زمان كان فى واحد صاحبى عنده مكتب مشغل واحد معاه علاطول بيضحك لو قولتله اسمك ايه يضحك الساعه كام يضحك لغايه ما فى مره طلبنا منه واحد بيبسى وواحد بيريل لقينا اللى داخل علينا وماسك فى ايده الصنيه فيها واحد بيبسى وكيس بيريل بتاع التنظيف طبعا المره دى احنا اللى موتنا من الضحك فبساله انت كنت شغال ايه قبل كده مش راضى يقول ورافض نهائى وفى الاخر عرفت انه كان شغال فى مشرحه وبيعمل فيش للمتوفيين
لما تخيلت الموضوع لقيته صعب جدا على اغلب الناس ودى كانت اكتر شغلانه استصعبتها فى حياتى
صاحب معرض عربيات ميتسوبيشي لانسر بومة
يادي اللانسر البومة اللي معقداك من سنين
المهم انا معرفش حضرتك بس افتكرتك امبارح سبحان الله
قلت في نفسي المفروض يغير التوقيع بتاعه يخليه
احلم بمدينة بدون كيا سيراتو
الطب عموما كنت بكرهه قوي مع اني عيلتي كلها كان نفسها اطلع دكتور بس دايما كنت بفكر في الجانب المظلم وهو اني ممكن اكون سبب في وفاة شخص مع اني برده ممكن اكون سبب في انقاذ اشخاص كتيير من الموت
الحاجه بقه اللي باشفق علي صاحبها هي دكتور التشريح مش عارف الأسم صح ولا لآ
بس الواحد لما بيحضر جنازه او يشوف ميت بيفضل يجي اسبوع متعظ ومتذكر الموت لكن ده يوماتي عمال يقطع في بني ادمين وممكن تكون الجثث متعفنه كمان او محروقه واكيد الكلام ده بالنسبه ليه بعد فتره بيبقي عادي فبصراحه بحس انه بيبقد اكتر حاجه ممكن تفكره بالموت
انا مره شفت فيديو تشريح بصراحه مقدرتش اكمله وحسيت انه جزار بيتعامل مع دبيحه يوم العيد
البارح كنت بشوف فييلم Set up وكان في لقطه كده بيفرم فيها واحد ميت في مكنه البرجر كانت قمة القرف
اما عن ان كل امرأ ميسر لما خلق له فدي اكتر مثال بشوفه هو انا ووالدي
نا والدي ربنا يديه الصحه كان سواق نص نقل وكان يفضل سايق العربيه باليومين رايح مصر اسكندريه وساعات يروح ليبا وياما شاف والناس تبقي نايمه في بيوتها وهو في عز الشتا والبرد ماشي علي الطريق واتعرض كذا مره لبلطجيه مرات هرب منهم ومرات انضرب واتسرق وانا مش عارف بيعمل كل ده اذاي ومع ذلك لما يشوفني طول النهار قاعد قدام الكمبيوتر يقولي انا مش فاهم انت اذاي بتقدر تقعد قدام الكمبيوتر
bar man
انا شوفت كل التعليقات لقيت ناس كتير بتخاف من المشرحةوبتشفق على الطبيب الشرعى والحانوتى والطبيب الجراح مع ان لو ركيزتم شوية حاتحسوا ان التعامل مع الناس الميته اسهل من الناس الحية يعنى لاحايخدع اللى قدامه ولا حايغشه ولاحايضرب زمبة فيك عند مديرك ولا حايتكلم عليك مع حد ولا حايضحك عليك فى حاجة كانك بتتعامل اسفة للتعبير مع جماد لاحول له ولاقوة
انا اصعب مهنة ماقدرش اشتغلها مديرة دار ايتام او مشرفة عليهم لان اليتيم بتاثر جدا به بيصعب حاله عليا جدا فامش حاعرف اعتنى به كويس فى تربيته يعنى لو عمل اى غلط حاعديه له
او ممرضة لانى مش بحب اشوف حد يتالم قدامى حتى مش بعرف ازور حد فى مستشفى وبتكون اعصابى تعبانة لما بيكون عندى مريض
بالضبط كده
اول يوم في المشرحة كنت متخيل اني حاخاف من منظر الجثث
فوجئت ان الاحساس اللي عندي احساس شفقة
شفقة انه مات وانقطع عمله ونايم لا حول له ولا قوة
(بس معلومة على جنب
عمر ما اي دكتور في مشرحة بيقطعوا فيه زي الافلام
الجثث بتبقى متشال من عليها الجلد بس عشان الاعضاء الداخلية تبان
اللي بيعمل كده هو الاستاذ والطلبة بتتفرج وبس
عشان مرة اتسألت ويا ترى بتسن المشرط كل اد ايه وانت بتقطع
كأني شغال في مصنع كفتة)
والله انا اتشرفت بحضرتك يا دكتور أحمد
انا اسمي عمرو وبشتغل بتاع جاز (مهندس بترول) وبقالي فترة مدخلتش المنتدى وبصراحة وحشني جدا
وكويس ان في حد لسة فاكرني
وبخصوص السيراتو طبعا حدث ولا حرج، ربنا يبارك لأصحابها
واظن الإلنترا الجديدة هاتخش اللعبة هي كمان
أسوأ وظيفة ممكن اشتغلها فى حياتى .... انى اكون تحت أمر واحد مدير (خليجى) وانك تكون مضطر انك-------------. كل يوم عشان أكل عيشك مايتقطعش
-------------
تنبيه بعدم التلميح بأي لفظ يخرج عن الأداب العامة
سيتم تطبيق عقوبة في حالة العودة لمثل ذلك
مشرف القسم 12ب
26-09-2011
11:00ص
Customer Service
مش عشان هي وظيفة وحشة، بس انا فعلا مش متخيلة نفسي فيها!
و كمان دكتور أسنان، بمناسبة إني رايحة لدكتور السنان بكرة إن شاء الله :))
customer service
outdoor sales
accountant/cashier
being unemployed
اي شغلانة فواعلية شغال في الفاعل يعني في مجال المعمار
اي شغلانة غير شريفة
اي شغلانة فيها تعامل مع الجمهور
عامل صرف صحي
حقيقي لهم ربنا
customer service
و في مصر بالذات
بما اني زهقت من التعامل مع الادميين
فاي وظيفه تخليني متعاملش معاهم انا حوافق عليها
بس ممكن صاحب مزرعه كلاب او تماسيح
علشان اللي يخنقني ادخله وسط منيو الغدا
الوظيفه اللي متخيلش نفسي بشتغلها وبعتبرها اسواء وظيفه
هي الناس اللي بتسلك البلاليع
وكانت ليا تجربه مع بلاعه الشقه لما اتسدت قبل كده
علي قد ما الناس دي معفنه
بس من غيرهم منعرفش نعيش ولا هما ولا الزبالين وليهم مني كل احترام
بتوع الفاعل يعينى بيطلع عنيهم ربنا يقوى الناس دى لو كل واحد بياخد على اد تعبة بدنيا بس كان الناس دى بقوا اغنى ناس فى العالم
التدريس
نسينا اكتر وظيفة مكروهه وصعبة في العالم
http://i429.photobucket.com/albums/q...5/6b7da699.jpg