العربية بتغيب فى الدوارة

**akramlail** · 21-01-2009 02:07 AM

انا معايا لانوس 1 وبتطول معايا لما باجى ادورها ممكن تدور بعد مرتين او بعد تلاتة او بعد مرة وممكن تدور من اول مرة احترت معاها دة عيب اية

**MMamdouh** · 21-01-2009 09:54 AM

رشاشات

use the search function

MMamdouh

**samirayad** · 21-01-2009 04:09 PM

برضة الأول شوف حالة البوجيهات الأول...........وياريت تزودنا ببيانات كاملة.....عن الكيلومترات المقطوعة.....وآخر صيانة

**Hany A Fattah** · 21-01-2009 09:36 PM

90% رشاشات

**samirayad** · 21-01-2009 09:52 PM

المشاركة الأصلية كتبت بواسطة akramlail

انا معايا لانوس وممكن تدور من اول مرة احترت معاها دة عيب اية

طالما ممكن تدور من أول مرة......خلى موضوع الرشاشات دة فى الاّخر......لأن ماتنساش ان الجو بارد اليومين دول ...وممكن تكون البطارية كفاءتها قليلة.....وممكن يكون كفاءة الشحن مش قد كدة......وممكن المارش عزمة قل شوية.....فأنصحك فى الأول بالاطمئنان على حالة البطارية....كأسهل حل فى البداية وياريت توافينا بالأخبار لاستفادتنا جميعا...ولمتابعة العلاج مع حضرتك...........

**abouzaid555** · 22-01-2009 12:50 AM

100% رشاشات

**samirayad** · 22-01-2009 02:21 PM

المشاركة الأصلية كتبت بواسطة akramlail

اولا احب اشكركم على الرد والاستجابة السريعة اما البوجيهات غيرتها وطقم السلوك والبطارية لسة جايبها فى الصيف وهى بتعمل كدة حتى فى عز حر الصيف واخر صيانة كانت فى شهر 6 اللى فات وسؤال تانى لو هى الرشاشات مفيش علامة او حاجة تاكد انها هى اعرف منين انى المفروض اغيرها اى حاجة تبين يعنى وانا شاكر جدا لاهتمامكم وسعيد بوجودى معاكم فى المنتدى الرائع دة

طالما كل الأمور اللى قولتلك عليها كدة تمام......يبقى نروح للرشاشات.......ودى ممكن تتعرف بسهولة بواسطة جهاز تحديد الأعطال(السكانر).....لدى أى مركز صيانة متخصص......ولو مش عاوز تعمل الموضوع دة......أشترى طقم رشاشات وغيرة

**samirayad** · 22-01-2009 03:25 PM

المشاركة الأصلية كتبت بواسطة akramlail

اولا احب اشكركم على الرد والاستجابة السريعة اما البوجيهات غيرتها وطقم السلوك والبطارية لسة جايبها فى الصيف وهى بتعمل كدة حتى فى عز حر الصيف واخر صيانة كانت فى شهر 6 اللى فات وسؤال تانى لو هى الرشاشات مفيش علامة او حاجة تاكد انها هى اعرف منين انى المفروض اغيرها اى حاجة تبين يعنى وانا شاكر جدا لاهتمامكم وسعيد بوجودى معاكم فى المنتدى الرائع دة

معلش يا أخى .....حبييت أسألك سؤال أخير قبل الشروع فى موضوع الرشاشات.....موضوع تأخر الدوارة دة ظهر بعد تغيير البوجيهات والأسلاك....ولا كان موجود من الأساس وعلشان كدة غيرتهم.......وسؤال آخر ايه أخبار استهلاك البنزين وياك.....لأن دة حيحدد برضة وضع الرشاشات بصورة واقعية.......وياريت برضة تأكد على نقاط التوصيل بتاعة سلوك البوجيهات.....ياعنى أكد التوصيلات الداخلة للبوجيهات وشوف النتايات الموجودة داخلها وضعها كويس وبتعمل اتصال محكم على القطب الموجب بتاع البوجية ولا لا وجرب الدوارة