هل امتلاك سيارة في مصر اصبح ( نعمة ) ام (نقمة )...؟

**Eng. Rafy Samy** · 21-01-2009 10:02 AM

في ظل الوضع الحالي:
هل امتلاك عربية نعمة على مالكها أم نقمة..؟
1- اسعار العربيات والاشاعات وجشع التوكيلات
2- قانون المرور وبلطجة اللجان
3- الجراجات ومشكلة الركنات
4- قطع الغيار وفهلوه الوكلاء
5- جشع الميكانيكية والسمكرية
6- نصب تجار السيارات المستعمل
7- غلو سعر البنزين - الزيوت
8- تكسر الطرق والمطبات و البلاعات
9- طريقة السواقة وخاصة الميكروباصات والاوتوبيسات
10- الظاهرة الجديدة ( سرقة السيارات وتقطيعها وبيعها قطع غيار )

يا ريت تشركوني بارائكم واعزروني اذا كان الموضوع في شوية تشائم بس مواجهة الحقيقة احسن من تجاهلها.

انا وضحت كل العيوب الموجودة بخصوص امتلاك سيارة في مصر الحبيبة,, فيا ريت لو حد شايف اي مميزات يقولها لينا علشان يبقى الموضوع في توازن

ولكم جزيل الشكر وفائق الاحترام

**m_marmoush** · 21-01-2009 10:14 AM

فى مصر أكيد نقمه و بالأضافه للى أنت ذكرته أحب أضيف الشوارع اللى على طول واقفه, طبعا بره مصر أكيد نعمه
على فكره أنا بركن عربيتى و بروح بالمواصلات لو المنطقة أللى حروحها زحمه و مفيهاش ركنه.

**merosss** · 21-01-2009 10:17 AM

هى نعمة رغم انى متفق معاك فى كل الى انتا قلتة دة بس هى ارحم من ركوب المترو او الميكروباصات

**amrico** · 21-01-2009 10:32 AM

المشاركة الأصلية كتبت بواسطة m_marmoush

فى مصر أكيد نقمه و بالأضافه للى أنت ذكرته أحب أضيف الشوارع اللى على طول واقفه, طبعا بره مصر أكيد نعمه
على فكره أنا بركن عربيتى و بروح بالمواصلات لو المنطقة أللى حروحها زحمه و مفيهاش ركنه.

وانا كمان كتير بعمل كده
تبقى دافع دم قلبك فى عربية ومش عارف تروح بيها فى مكان عشان مش عارف تركن ولو ركنت هاتكون تحت رحمة بلطجية المواقف ويمكن تدفع بقشيش أكتر من اللى كنت هاتدفعه للتاكسي
أظن موضوع الركنات ده مصيبة المصايب لأن كل حاجة بتتباع!!!!
المفروض ان اى برج سكنى بيتبنى بيكون تحته الجراج الخاص بيه
أو اى مول تجارى او منطقة محلات بيكون ليها امكان انتظار خاصة بيها لكن عشان جشع الملاك وعدم وجود قانون يحكم الحاجات دى كله بيبنى على كل سنتى مربع وكله بيبيع الجراجات عشان تبقى محلات تجارية أو مخازن وكله بيبيع حتى الهوا لو أمكن وطبيعى الناس هاتركن فى الشارع
تخيلوا لو الشوارع مافيهاش عربيات راكنة وكل العربيات راكنة فى اماكن انتظار بعيد عن مجرى الشارع
اكيد المرور هايتحسن كتير
طبعا انا بتكلم عن العربيات اللى بتركن صف واحد وبيسوقها ناس محترمين ولكن حدث ولا حرج عن الصف التانى والتالت والعاشر كمان

**MohaMed_Refaat** · 21-01-2009 12:14 PM

انا عمرى معتبرت عربيتى تقمة ابدا مهما حصل لانها احلى حاجة فى حياتى ومع وجودها انا بحاول اتغلب على كل المشاكل اللى انت ذكرتها لان الحياة موش سوداوية قوى كدة كولة بيعدى بس مع المحافضة والعقل الرزين والحمد الله المرور كويس جدا فى طنطا وقطع الغيار موش عالية لانى موش بحب اركب عربيات موديل جديد المطبات انا مركب عفشة سبور والحمد الله الميكروباصات بتجنبهم قدر المستطاع الركنة بالصبر احيانا بتلاقى ولو حتى بعيد شوية اما تقطيع السيارات فدى ربنا يبعدها عننا يارب انت اهم حاجة تعلم اللى عليك(تامن العربية سنتر +انذار+الركن فى حتة امنة منورة موش مقطوعة) والباقى على الله .

**dr_abooody** · 21-01-2009 12:51 PM

بتكون نقمة لما تتزنق في الزحمة و تفضل اعد مستني بالساعة
او اكون مش لاقي مكان اركن فية

في الحالة دة بقول يا ريتني كنت اخدت المترو احسن

**Eng. Rafy Samy** · 21-01-2009 11:14 PM

اود ان اشكر سيادتكم على المشركات والاراء المختلفة و ارجو لو تقدروا تدعوا اصدقائكم للمشاركة معانا ومعرفة اراءهم لان الموضوع مهم من نواحي كتير وكمان ممكن نلاقي اقتراحات بناءه لحل اغلب المشاكل المذكورة.
ولكم فائق الاحترام

**ehab08** · 21-01-2009 11:30 PM

نقمه لما بكون فى مشوار لوحدى
نعمه لما بتكون الحاجه معايا

**ahmedsrs** · 21-01-2009 11:36 PM

نقمة لسكان القاهرة الكبرى ونعمة لسكان المحافظات بس مش كل المحافظات
القاهرة عشان
1- مفيش ركن
2- بلطجية المواقف
3- الشوارع المكسرة وكثرة المطبات
4- الزحام الشديد
5- استباحة العربية من المشاة والسيارات الأخرى
6- كثرة السرقات
المحصلة ضياع وقت ومجهود وصحة وفلوس

**LONLY** · 22-01-2009 02:04 AM

المشاركة الأصلية كتبت بواسطة ehab08

نقمه لما بكون فى مشوار لوحدى
نعمه لما بتكون الحاجه معايا

معاك 100% بس طبعا ده أرحم من بهدلة الموصلات و سواقين التاكسى

مشاهدة نتائج الإستطلاع: هل امتلاك سيارة في مصر اصبح

الموضوع: هل امتلاك سيارة في مصر اصبح ( نعمة ) ام (نقمة )...؟

LinkBack

أدوات الموضوع

عرض

هل امتلاك سيارة في مصر اصبح ( نعمة ) ام (نقمة )...؟ - انشر الموضوع فى :

-

-

-

-

-

-

-

المواضيع المتشابهه

الريموت سنسور نعمة ام نقمة

انتشار السيراتو نعمة ام نقمة ؟

التكنولجيا نعمة ام نقمة..................سؤال؟

سيارات الوحوش نعمة أم نقمة ؟

الانذار.... نعمة ام نقمة ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة