التكييييييييييييييييييييي يييف

**yahia** · 18-08-2007 04:34 AM

معلش يا حماعة علي أن كل أشتراكاتي أسئلة بس والله لسة معندييش خبرة و منكم نتعلم
المهم .ينفع أركب تكييف فعربية مافيهاش تكيييف؟
أصل أنا بحب العربيات القديمة و عايز أظبط عربيتي 131

**hazem_khidr** · 18-08-2007 06:59 AM

اهلا بيك يا اخ يحي.
هو نظريا ممكن يتركب التكييف في ال 131 بس المواتير ال 2 كامه او المواتير ال 1 كامه الموجوده في السوبر انما المواتير القديمه استحاله.
و دا حيحتاج انك تنزل الوكاله او الحرفيين او عزبه شلبي تدور علي الكمبروسر و الطنابير و السربنتينه و الكويل و تجيب خراطيم و تركبهم او تشوف مكيفات ساندن الياباني جديده,
بس خلي بالك لازم يبقي موتور العربيه شديد اوي اوي اوي يعني بحاله الزيرو و الا التكييف دا حيكرهك في العربيه.
ولازم تكون العربيه محكومه جدا يعني الابواب مضبوطه و جلد الابواب متظبط و مفيش بارومه في الفجاوي تخلي الهوا يخش ليك من ورا علششان تاخد اداء كويس من التكييف.
بصراحه هو حيصرف لكن لو العربيه نضيفه يبقي تستاهل تعمل فيها اللي انت عاوزه دا طالما غاويها.

**sab3aawy** · 21-08-2007 09:41 PM

انا لى وجهة نظر مختلفة

ال 131 بالذات سهل تركيب تكييف ليها لأن موتورها وشاسيهها وصالونها هو نفس الشاهين 1300 وبالتالى اللى هيركب للشاهين يركب لها

اهم حاجة ان تكون حالة موتورك كويسة لانه لو نص نص وانت ركبتله تكييب هتجيب أجله

فيما عدا ذلك ممكن يركب لها تكييف جديد ساندن بحوالى 3500 او استيراد فى حدود 2000 ، وفيه موضوع كامل عن تركيب التكييف الساندن فى الشاهين موجود على ساحة الفيات هينطبق بنسبة 90% على عربيتك ما عدا بعض التفاصيل البسيطة، فقط هتحتاج زيارة للحرفيين علشان يصنعولك قاعدة كباس تناسب موتور عربيتك

الموضوع: التكييييييييييييييييييييي يييف

LinkBack

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة