أفيدوني .. عايز عفشة رياضية للبونتو 2000

**SmartMega** · 21-01-2009 01:09 PM

السلام عليكم
أنا كنت عايز أركب جنوط للعربية البونتو بتاعتي مع العلم أن الجنط اللي فيها أصلا مقاس 13 وأنا بقي بصراحه كنت عايز أركب 16 مش 15 علشان لاقيت أنه هايبقي شكله أشيك علي العربيه وطبعا لازم قبل ما أجنط أركب عفشة رياضية وللأسف ملاقيش كوني للبونتو وبصراحة مش عارف مركات تانية وهل لو ركبت ال 16 هايبقي فيه ضرر علي العربيه ؟
ارجو من أهل الخبرة الإفادة وشكرا

**MohaMed_Refaat** · 21-01-2009 02:12 PM

ركب عفشة APEX هى عفشة رياضية ممتازة وانا قلبت الدنيا علشان الاقى حاجة منها تنفع تركب لعربيتى بس موش لقيت لكن انت موجود لعربيتك شوف الرابط بتاع الشركة موجود لعربيتك

http://www.apexsuspension.com/gb/ind...port_catalogue

**SmartMega** · 21-01-2009 02:23 PM

هو حضرتك عندك 132

**SmartMega** · 21-01-2009 02:30 PM

علي العموم الف شكر ياباشا علي الرابط دة ... بس كنت عايز أعرف ألاقيها بتتباع فين ولك مني جزيل الشكر

**MohaMed_Refaat** · 21-01-2009 02:40 PM

ايوة معايا فيات 132 ودوخت علشان الاقى حاجة سوست رياضى تركب عندى حتى لو موديل عربية تانية وموش لاقى لقيت مساعدين بس ...

هو انت لو كنت قدمت يومين بس كان فى عرض من محل حمادة غزى فى بورسعيد هنا على المنتدى بس للاسف انتهى
عموما الوكيل الوحيد للعفشة الرياضية APEX هو حمادة غزى فى بورسعيد انت ممكن تكلم العضو ايمن momo10000 وهو يفيدك اكتر لانة لة علاقة مع حمادة غزى .

**SmartMega** · 21-01-2009 03:41 PM

اوك الف شكر يا باشا بس بعد إذنك أوصله أزاي momo 10000
وبعدين معلش أنا فيه عربيه 132 بتيجي عندي المنطقه صاحبها مركبلها جنوط 17 ب 5 فتحات مسامير .. إن شاء الله أنا هاسأله ازاي عمل الحوار دة وأرد عليك والف شكر يا باشا مرة تانية

**zeyad1810** · 21-01-2009 04:27 PM

انت ممكن تركب للبونتو جنوط 15 بس هتضطر تتنى جزء من الرفرف لجوة علشان مايحكش فى الجنط فانت احسنلك ركب جنوط 14 وخليك فى العفشة العادية هتستحمل المقاس دة عادى

**MohaMed_Refaat** · 21-01-2009 06:23 PM

المشاركة الأصلية كتبت بواسطة SmartMega

اوك الف شكر يا باشا بس بعد إذنك أوصله أزاي momo 10000
وبعدين معلش أنا فيه عربيه 132 بتيجي عندي المنطقه صاحبها مركبلها جنوط 17 ب 5 فتحات مسامير .. إن شاء الله أنا هاسأله ازاي عمل الحوار دة وأرد عليك والف شكر يا باشا مرة تانية

ياباشا تحت امرك والشكر لللة انت ممكن تبعت للعضو ايمن momo 10000 على الخاص تبع المنتدى ابعتلة رسالة على الخاص وإن شاء الله يرد عليك وممكن تكلم العضو محمد ممدوح MMamdouh هو صاحب ايمن ممكن يقولة ودة رقمة 0127335920

وياريت لو تسالى صاحبك بتاع ال 32 اللى بتقول علية وترد عليا وياريت لو كان مركب سوست رياضى تسالة جايبهم منين والف شكر ليك ياباشا .

**Ahmed Selim** · 21-01-2009 07:03 PM

المشاركة الأصلية كتبت بواسطة zeyad1810

انت ممكن تركب للبونتو جنوط 15 بس هتضطر تتنى جزء من الرفرف لجوة علشان مايحكش فى الجنط فانت احسنلك ركب جنوط 14 وخليك فى العفشة العادية هتستحمل المقاس دة عادى

شفت قبل كده بونتو مركب 15 من غير لعب فى الرفارف خالص....لو فرق مقاس واحد فى الجنط معتقدش يحتاج تعديل رفارف.......المهم ميجبش كاوتش أعرض بكتير.

-

الموضوع: أفيدوني .. عايز عفشة رياضية للبونتو 2000

LinkBack

أدوات الموضوع

عرض

-

-

-

-

المواضيع المتشابهه

عمل عفشة رياضية لفيات 127

عفشة رياضية

فيه جين بدور عفشة رياضية ؟؟

عفشة رياضية للافيو

ماذا تعني عفشة رياضية؟

الكلمات الدلالية لهذا الموضوع

المفضلات

المفضلات

ضوابط المشاركة