سايس

**marsguy** · 22-01-2009 10:25 AM

في بعض السياس بيكونوا مفيدين فعلاً ويستحقوا الفلوس.

زي السايس اللي بيساعدك تركن في حته مزنوقه أو بيساعدك إنك تطلع.

مثلاً في شارع جانبي في الدقي عند المركز القومي للبحوث الركنه الصبح بتكون شبه مسنحيله فيه، السياس بيخلو الناس تقدر تركن صف ثاني وثالث ولما حد يحب يطلع بيزقوله العربيات اللي قافله عليه واﻷمور بتمشي، دول فعلاً يستاهلو الفلوس.

لكن في بعض السياس بيقوها بلطجه وبياخدوا حاجه مش من حقهم.

زي مثلاُ لما يكون طلع عينك في الركنه وبعض كده وإنت خلاص طالع تلاقي واحد طالعلك من العدم ويقولك هات فلوس، طب كنت فين لما كان طالع عيني وأنا باركن.

**kahamid** · 22-01-2009 10:35 AM

المشاركة الأصلية كتبت بواسطة m!na

فكرتني... :)

مرة كنت بركن برة باركينج محطة مصر... يعني مش تبعه...
و ألاقي واحد يطلعلي من تحت الأرض... و معاه دفتر... و بيقوللي جنيه (ولا جنيه و نص والله ما انا فاكر)
قلتله بكل ثقة...
أنتا تبع ايه؟؟
قاللي تبع المحافظة...
قلتله والله؟؟؟
و تبع مين في المحافظة بأة ان شاء الله عشان نبقا عارفين؟؟ قاللي تبع أسامة باشا...
قلتله أسامة باشا دا مالوش اسم؟؟؟ باقي اسمه ايه؟؟

قاللي خلاص يا باشا ... ولا يهمك خليها عليا... قلتله انتا بتبقشش عليا؟ قاللي لا يا باشا العفو و عربيتك ف عينيا لحد ما ترجع... :)

الأشكال ديه أول ما تسأله هو تبع ايه و تبتدي تستجوب فيه.... هتلاقيه بيجيب لورا علطول...

مرة تانية برضه... كنت مع والدتي و ركنت عند السلاب بتاع مكرم عبيد... و رجعت لقيت المساحات مرفوعة (و طبعا الإزاز زي ما هو متنضفش) و أول ما قربت من العربية لقيت واحد جايلي بيجري...
قبل ما يفتح بقه...
رحت مزعقله... قلتله مين الحيوااااااااان اللي رفع مساحات عربيتي؟؟؟؟
قاللي والله ماعرفه يا باشا دا واحد بيمسح عربيات في الشارع...
قلتله و هو فييييييييييين؟؟؟؟
قاللي كان هنا من شوية... و معرفش راح فين...
بس و رحت راكب و ماشي.... (طبعا ما جرؤش يطلب مني سحتوت)

حصل معايا موقف زي ده
بس باختلاف موش في عربية
كنت مرة راجع من سفر وعايز اكل جدا
فدخلت اول ما نزلت في المعادي علي مطعم من المطاعم اللي علي النيل
وانا داخل
لاقيت واحد غريب شكلة موش اكتر من بواب
بيقولي هات 7.50 ج
ليه ياعم
قالي دي رسوم دخول المطعم
قولتلة طيب ما انا هادخل المطعم وهاطلب اكل وهادفع حسابة
قاتل لا دي لازم تتدفع قبل ما تاكل ما لهاش علاقة بالاكل
المهم قولت انا موش هادفع وناديلي حد من جوة اكلمة
جاب ورا علي طول
وقال
ياباشا خليها علينا احنا ( نفس البق )

**karimone** · 22-01-2009 11:24 AM

هما ساعات فعلا بيبقوا مفيديين و الواحد مابيستخصرش فيهم الفلوس بس لما يعملوا بلطجيه ساعتها بقي يخبطوا دمغهم في الحيط لاني مش بديهم مليم واحد خصوصاً لما يجيوا ساعة لما الواحد يكون طالع و يكونوا قاعديين يتفرجوا عليك و انت بتركن
و بما ان بيتي جنب سيتي ستارز فانا بسمع عن التسعيره اللي هناك (مش عارف وصلت كام دلوقتي) بس طبعا انا مش عارف بظبط لاني مش بركن في الشارع بس قبل لما المول يفتح الواحد كان بيركن في نص الشارع و مكنش في كلب واحد هناك من ساعة لما المول فتح مش عارفين طبعا نركن في الشارع عشان الزحمه الرهيبه بس السياس هناك بقوا زي الرز بين كل واحد و واحد تلاقي اتنين

**zanativich** · 22-01-2009 11:42 AM

this is egypt

**goofy_in_love** · 22-01-2009 12:15 PM

يا جماعه دلوقتي هما بياخدوا الفلوس قبل ما تمشي من العربيه يعني حضرتك بتركن و تيجي نازل يقولك كذا علشان عارف انك ممكن تقوله مش هدفع بعد ما ترجع و بالتالي لو مش دفعتله و طولت في الكلام معاه ممكن ساعتها ينيملك عجل العربيه او يخبطها او يخربشها او يعمل فيها اي حاجه و يقولك العربيه مش تبعي انت مش وقفتها عندي و ابقي قابلني بقي هتتخانق و هتزعق و لا حياه لمن تنادي و هتبقي انت اللي خسرت علشان عربيتك اتخبطت بجد لازم حل للموضوع دا علشان بقي منتشر قوي في مصر و مش ممكن انحنا بندفع فلوس للباركينج اكتر من المرتب :s:s:s:s:s

**دينا أبوالعلا** · 22-01-2009 12:22 PM

المشاركة الأصلية كتبت بواسطة goofy_in_love

يا جماعه دلوقتي هما بياخدوا الفلوس قبل ما تمشي من العربيه يعني حضرتك بتركن و تيجي نازل يقولك كذا علشان عارف انك ممكن تقوله مش هدفع بعد ما ترجع و بالتالي لو مش دفعتله و طولت في الكلام معاه ممكن ساعتها ينيملك عجل العربيه او يخبطها او يخربشها او يعمل فيها اي حاجه و يقولك العربيه مش تبعي انت مش وقفتها عندي و ابقي قابلني بقي هتتخانق و هتزعق و لا حياه لمن تنادي و هتبقي انت اللي خسرت علشان عربيتك اتخبطت بجد لازم حل للموضوع دا علشان بقي منتشر قوي في مصر و مش ممكن انحنا بندفع فلوس للباركينج اكتر من المرتب :s:s:s:s:s

عندك حق مره حصلت معايا في جامعه الدول عند وادي النيل وده بقي بيقولي ايه حاسيبني عشان همشي قولتله نعم حضرتك عشان همشي المهم شديت معاه فالكلام وفالاخر قولتله مش هدفع لما ابقي ارجع لو لقيتك. عديت الشارع وقلقت انه يعمل حاجه فالعربيه رحت اطلعها واركنها فمكان تاني الظريف ايه انه طلعني وتعالي والكلمتين اللي هما حافظنهم دول وروحت سايباه ومشيت ولا حتي بصيت عليه فالمرايا وطبعا هو مستني ياخد حاجه

**دينا أبوالعلا** · 22-01-2009 12:30 PM

بس بصراحه بقيت بعمل حركه اني امشي واسيبهم من غير ما ادلهم حاجه لانه فعلا مبيعمليش حاجه اصلا وواحد تاني فعباس العقاد وقفت صف تاني كان معايا ناس بزلو يشوفو حاجه مفيش 5 دقايق قال وكان عايز مني فلوس علي ال5 دقايق طبعا ولا عبرته صحيح ساعات ببقي محرجه جدا بس كتير مبحسش انه عملي حاجه مفيده
علي راي احمد حلمي فاسف علي الازعاج:تعالا حلو قوي كده تعالا عجله يمين
تصور مكنتش هعرفها لوحدي دي
واسفه للاطاله

**Nistelrooy** · 22-01-2009 01:29 PM

جملة واحدة :

اذا رجعت ولقيت حاجة حصلت للعربية انتا المسئول ..

هايشلها في عنية : )

**دينا أبوالعلا** · 22-01-2009 01:32 PM

المشاركة الأصلية كتبت بواسطة Nistelrooy

جملة واحدة :

اذا رجعت ولقيت حاجة حصلت للعربية انتا المسئول ..

هايشلها في عنية : )

مش عارفه تفتكر كده ممكن ميعملش حاجه ولا

وابقي قابلني ؟؟؟؟؟؟؟؟؟؟؟؟؟؟
تيجو نعمل حمله لا للسياس بعد اليوم او علي الاقل اللي ميستحقش
او نشتغل احنا سياس ونكسب دهب وكل واحد بقي يكون مستقبله خلينا نشوف حياتنا

**Nistelrooy** · 22-01-2009 01:36 PM

المشاركة الأصلية كتبت بواسطة دينا أبوالعلا

مش عارفه تفتكر كده ممكن ميعملش حاجه ولا

وابقي قابلني ؟؟؟؟؟؟؟؟؟؟؟؟؟؟
تيجو نعمل حمله لا للسياس بعد اليوم او علي الاقل اللي ميستحقش
او نشتغل احنا سياس ونكسب دهب وكل واحد بقي يكون مستقبله خلينا نشوف حياتنا

اها كان في واحد عملها هنا في المنتدي قبل كدا ونفعت

الموضوع: سايس

LinkBack

أدوات الموضوع

عرض

-

-

-

-

-

-

-

المواضيع المتشابهه

( كوميديا ) برنامج التجربة - حنان ترك - سايس سيارات

بتتعامل إزاى مع سايس الشارع ؟

سايس الجراج بينصب عليا

بتعمل إيه مع سايس العربية

سايس الجراج كسر الدوفر

الكلمات الدلالية لهذا الموضوع

المفضلات

المفضلات

ضوابط المشاركة