لو معاك 150000جنية تجيب اوبل استرا انجوى و لا مازدا 3ايرو ولا لانسر الجديد؟و ليه؟

**okacha** · 22-01-2009 03:43 PM

انا فعلا قريت عن الموضوع بتاع الشكل الجديد بتاع مازدا و زعلت جدا انى لما نويت اشتريها لقيت الشكل الجديد نازل بس الصراحه بحاول اقنع نفسى انه اكيد الشكل الجديد هيكون اغلى بكتير و لا حضرتك رأيك ايه او لو تعرف سعرها هيبقى فى حدود كام تقريبا؟

**Mustafa_Farouk** · 22-01-2009 03:47 PM

السلام عليكم،

مازدا ٣ شكلها جامد جداً بس ضيقة من الكنبة جداً + واطية إلى الارض، ودة مش مناسب إلى شوارعنا الجميلة.

اللنسر، بتعجبني جداً شكلها بس معرفشي أي حاجة عنها.

الاسترا. عربيتي وبحبها جداً والحمد الله مرتاح فيها، حضرتك ممكن تضور على Astra GTC مستعملة وتكون أرخص من سعرها الاصلي وممكن يوصل إلا المبلغ اللي معاك.

http://www.nilemotors.net/Nile/showthread.php?t=29663

http://www.nilemotors.net/Nile/showthread.php?t=56079

بالنسبة إلى الميجان، بتعجبني الموجودة دلوقتي وخصوصاً الهاتشباك.
ممكن فوكاس هاتشباك.

**eng/muhamad** · 22-01-2009 03:47 PM

هقول لحضرتك حاجه
المازدا الشكل الحالى اعلى فئه
ب 145000 تقريبا
المازدا الشكل الجديد
اولا تصميم جديد و حلو جدا
ثانيا تكنولوجى عاليه
ثالثا طبيعى جدا انها تكون اغلى من الشكل الحالى لكل العوامل السابقه
انا اتوقع ان سعرها هيكون زى الميجان
يعنى اول فئه هتلاقيها فى حدود 150 الف و بعد كده هتزيد حسب الكماليات
ممكن توصل ل 170 الف

**okacha** · 22-01-2009 03:54 PM

الف الف شكر على اهتمامك و ردودك يا باشمهندس محمدو ربنا يباركلك فى عربيتك و عقبالى يارب بس حضرتك اكيد عارف اللبخه و الحيرة اللى الواحد بيكون فيها قبل الشراء و بعدين انا فعلا كان فى تفكيرى عربيات كتير انحصرت اخيرا لعربيتين بس المازدا الايرو و الاوبل استرا و ان شاء الله هحاول اجرب سواقتهم قريب عشان اشوف انهى انسب ليا و معلش انا تقلت عليك بس كنت عايز استفسر لو حضرتك تعرف معاد نزول الشكل الجديد امتى مصر بالنسبه للمازدا؟

**okacha** · 22-01-2009 03:56 PM

شكرا لردك يا استاذ مصطفى فاروق و لأهتمامك و ان شاء الله لو استمريت فى حيرتى هعمل بنصيحتك و اشوف اوبل استر جى تى سى مستعمل نظيف و ربنا يقدم اللى فيه الخير.

**eng/muhamad** · 22-01-2009 03:58 PM

الف الف شكر على اهتمامك و ردودك يا باشمهندس محمد

اولا الموضوع مش مستاهل شكر احنا اخوات

ربنا يباركلك فى عربيتك و عقبالى يارب بس حضرتك اكيد عارف اللبخه و الحيرة

انا مش عندى عربيه و لسه بفكر اشترى ان شاء الله
و بصراحه انا مستنى الشكل الجديد للميجان

معاد نزول الشكل الجديد امتى مصر بالنسبه للمازدا؟

غالبا فى شهر ابريل الجاى

فى تعليق صغير احب اضيفه و هو مجرد توقع
اعتقد لما المازدا الجديده تنزل غبووووور (توكيل مازدا) هيخرج عن صمته تجاه هذه السياره و هيكون فى اهتمام اكبر بيها و ساعتها هتكون مشكله التكويل اتحلت

**okacha** · 22-01-2009 04:05 PM

شكرا يا باشمهندس على ردودك الوفيه و ذوقك و إن شاء الله انا هنزل سونساتا على يوم الاتنين و هسألهم عن توقعاتهم لنزول المازدا الجديده و بالنسبه لاسعارها كمان و اكتبها فى المنتدى .و ياريت غبور فعلا يخلى عنده دم و يشوف العربيه اللى وقف حالها الله يسامحه.***استفسار معلومه شهر ابريل دى اكيده؟؟

**eng/muhamad** · 22-01-2009 04:38 PM

استفسار معلومه شهر ابريل دى اكيده؟؟

مقدرش اقول اكيد
هو كلام سمعناه و توقعات
لكن مش اكيد
لكن راى شخصى العربيه هتنزل موديل 2010
و اى موديل جديد بينزل قبل السنه بتاعته ب 4 شهور
يعنى ممكن تنزل على شهر 8 او 9
اصلا لو نزلت فى شهر 4 تبقى موديل ايه ؟؟
لو 2009 تبقى نازله متاخر اوى
و لو 2010 تبقى نازله بدرى اووووى