:120146bمحتار بين مازدا 3 ايرو و اوبل استرا انجوى و لانسر الجديد 1500سىسى كامله يا شباب ساعدونى ؟و قولوا ارائكم بصراحه فى العربيات بدون حيادية و قول سبب اختيارك ليها :B4_007:
:120146bمحتار بين مازدا 3 ايرو و اوبل استرا انجوى و لانسر الجديد 1500سىسى كامله يا شباب ساعدونى ؟و قولوا ارائكم بصراحه فى العربيات بدون حيادية و قول سبب اختيارك ليها :B4_007:
لا دى و لا دى
ممكن استنى شويه و اجيب الميجان الجديده
اولا شكرا لردك السريع و اهتمامك .ثانيا هل الميجان هتبقى جديده عن اللى موجوده دلوقتى و فى اى معلومات تعرفها عنها؟
استنى لحد الاسعار مانشوف هترسى على ايه ؟؟؟
وانا سمعت ان الميجان هتنزل بشكل مختلف بس اسال برضه وحوش الرينو وهما يفيدوك
فى معلومات كتييييييييييييير
شوف اللينك ده
هتلاقى فى صوره للسياره و للصالون و قولى رايك
http://www.nilemotors.net/Nile/showthread.php?t=45203
يا باشا دى هتبقى مختلفه تمامااقتباس:
هل الميجان هتبقى جديده عن اللى موجوده دلوقتى
و تكنولوجى عاليه جداااااااا
شكرا يا باشمهندس محمد و يا كيمو على الردود بس انا فعلا محتار اوى اوى و انا مشدود اكتر للمازدا الايرو بس فى كذا عربيه استبعدتها عن تفكير بسبب عدم وجود اوتوماتيك منها زى الفيتارا للأسف و السيات الليون لانى مش بحب المانيوال فانحصر تفكير فى المازدا و الاوبل و اللانسر .فمعلش سؤال تانى حد من الاعضاء الكرام شايف ان المازدا ليها عيب قاتل غير موضوع التوكيل المشكوك فى امرة ده و لا الاوبل احسن.و اسف للاطاله.
اعتقد هتكون فى حدود 150 الف او 160 الفاقتباس:
طيب ماتعرفش ياباشا هتبقى نازلة فى رينج كام ؟؟؟ http://www.nilemotors.net/Nile/image..._no%5B1%5D.gif
مهما كان الغربال الجديد له شده
فى عيب قاتل ان الشكل الجديد نازل فى 2010اقتباس:
سؤال تانى حد من الاعضاء الكرام شايف ان المازدا ليها عيب قاتل غير موضوع التوكيل المشكوك
يعنى سنه واحده و تبقى راكب عربيه شكل قدييم
و كمان العربيه واطيه
انا فعلا قريت عن الموضوع بتاع الشكل الجديد بتاع مازدا و زعلت جدا انى لما نويت اشتريها لقيت الشكل الجديد نازل بس الصراحه بحاول اقنع نفسى انه اكيد الشكل الجديد هيكون اغلى بكتير و لا حضرتك رأيك ايه او لو تعرف سعرها هيبقى فى حدود كام تقريبا؟
السلام عليكم،
مازدا ٣ شكلها جامد جداً بس ضيقة من الكنبة جداً + واطية إلى الارض، ودة مش مناسب إلى شوارعنا الجميلة.
اللنسر، بتعجبني جداً شكلها بس معرفشي أي حاجة عنها.
الاسترا. عربيتي وبحبها جداً والحمد الله مرتاح فيها، حضرتك ممكن تضور على Astra GTC مستعملة وتكون أرخص من سعرها الاصلي وممكن يوصل إلا المبلغ اللي معاك.
http://www.nilemotors.net/Nile/showthread.php?t=29663
http://www.nilemotors.net/Nile/showthread.php?t=56079
بالنسبة إلى الميجان، بتعجبني الموجودة دلوقتي وخصوصاً الهاتشباك.
ممكن فوكاس هاتشباك.
هقول لحضرتك حاجه
المازدا الشكل الحالى اعلى فئه
ب 145000 تقريبا
المازدا الشكل الجديد
اولا تصميم جديد و حلو جدا
ثانيا تكنولوجى عاليه
ثالثا طبيعى جدا انها تكون اغلى من الشكل الحالى لكل العوامل السابقه
انا اتوقع ان سعرها هيكون زى الميجان
يعنى اول فئه هتلاقيها فى حدود 150 الف و بعد كده هتزيد حسب الكماليات
ممكن توصل ل 170 الف
الف الف شكر على اهتمامك و ردودك يا باشمهندس محمدو ربنا يباركلك فى عربيتك و عقبالى يارب بس حضرتك اكيد عارف اللبخه و الحيرة اللى الواحد بيكون فيها قبل الشراء و بعدين انا فعلا كان فى تفكيرى عربيات كتير انحصرت اخيرا لعربيتين بس المازدا الايرو و الاوبل استرا و ان شاء الله هحاول اجرب سواقتهم قريب عشان اشوف انهى انسب ليا و معلش انا تقلت عليك بس كنت عايز استفسر لو حضرتك تعرف معاد نزول الشكل الجديد امتى مصر بالنسبه للمازدا؟
شكرا لردك يا استاذ مصطفى فاروق و لأهتمامك و ان شاء الله لو استمريت فى حيرتى هعمل بنصيحتك و اشوف اوبل استر جى تى سى مستعمل نظيف و ربنا يقدم اللى فيه الخير.
اولا الموضوع مش مستاهل شكر احنا اخواتاقتباس:
الف الف شكر على اهتمامك و ردودك يا باشمهندس محمد
انا مش عندى عربيه و لسه بفكر اشترى ان شاء اللهاقتباس:
ربنا يباركلك فى عربيتك و عقبالى يارب بس حضرتك اكيد عارف اللبخه و الحيرة
و بصراحه انا مستنى الشكل الجديد للميجان
غالبا فى شهر ابريل الجاىاقتباس:
معاد نزول الشكل الجديد امتى مصر بالنسبه للمازدا؟
فى تعليق صغير احب اضيفه و هو مجرد توقع
اعتقد لما المازدا الجديده تنزل غبووووور (توكيل مازدا) هيخرج عن صمته تجاه هذه السياره و هيكون فى اهتمام اكبر بيها و ساعتها هتكون مشكله التكويل اتحلت
شكرا يا باشمهندس على ردودك الوفيه و ذوقك و إن شاء الله انا هنزل سونساتا على يوم الاتنين و هسألهم عن توقعاتهم لنزول المازدا الجديده و بالنسبه لاسعارها كمان و اكتبها فى المنتدى .و ياريت غبور فعلا يخلى عنده دم و يشوف العربيه اللى وقف حالها الله يسامحه.***استفسار معلومه شهر ابريل دى اكيده؟؟
مقدرش اقول اكيداقتباس:
استفسار معلومه شهر ابريل دى اكيده؟؟
هو كلام سمعناه و توقعات
لكن مش اكيد
لكن راى شخصى العربيه هتنزل موديل 2010
و اى موديل جديد بينزل قبل السنه بتاعته ب 4 شهور
يعنى ممكن تنزل على شهر 8 او 9
اصلا لو نزلت فى شهر 4 تبقى موديل ايه ؟؟
لو 2009 تبقى نازله متاخر اوى
و لو 2010 تبقى نازله بدرى اووووى
لانسر شارك
هحط الفلوس في البنك و مش هشتري السنة دي و خلــــوهــا تـــصـــدي ....
أنا رأيي السوناتا
انا من رأيي انك تستني شويه
وبدل ما تجيب عربيه 2009 هات 2010
وكمان في اشكال جديده نازله
انا صراحة بحب ال لانسر جدا
انما المازدا اظن انها هتكون مختلفه تماما
برشحلك مازدا 2010
شكرا لردك يا باشمهندس محمد و اهتمامك
الف شكر لمروركم يا 1985mahmod_nov , ahesho91
بس كنت عاوز اعرف سبب اختيارتكم ايه ؟
شكرا ليك يا gassarian., musiccario
على ردودكم بس انا فعلا محتار و خايف استنى للموديل 2010 بتاع المازدا الاقى سعره عالى اوى و اضطر اجيب الموديل القديم .
انا بجد هقولك احلى حاجه وافضل نصيحه لوجه الله
تطلع تحج ب 50 الف مش هيكلفك اكتر من كده
وهيبقى معاك 100 الف هات بيه الانترا
وصدقني انها تجاره مع الله ومن يتاجر مع الله فهو الرابح
(
يا جماعه ,,,,,, والله اللي معاه قرشين انصحه يحج احسن , الفلوس تتعوض,العربيه تتعوض ,,, حتي السكن و اللبس و الاكل يتعوضوا ,,,,, بس والله العمر مايتعوضش. والله انا كان معايا قرشين و لما احترت اجيب انهي عربيه طلعت بيهم الحج و لسه جاي, والله ربنا باركلي و اول ماجيت جاللي شغل في الامارات بالعربيه و السواق و فلوس تخليني اجيب احسن عربيه في حدود 250,000في مصر و ده طبعا ماكنتش احلم بيه (ان الذين يتلون كتاب الله واقاموا الصلاة وانفقوا مما رزقناهم سرا وعلانية يرجون تجارة لن تبور ). سورة فاطر
عَنْ أَبِي أُمَامَةَ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : مَنْ لَمْ يَمْنَعْهُ عَنْ الْحَجِّ حَاجَةٌ ظَاهِرَةٌ أَوْ سُلْطَانٌ جَائِرٌ أَوْ مَرَضٌ حَابِسٌ فَمَاتَ وَلَمْ يَحُجَّ فَلْيَمُتْ إِنْ شَاءَ يَهُودِيًّا شَاءَ نَصْرَانِيًّا .
رواه الدارمي في سننه (2/28) ، والبيهقي في السنن (4/334) والروياني في مسنده (2/301) وابن الجوزي في الموضوعات (1155) من طرق عن شريك عن ليث عن عبد الرحمن ابن سابط عن أبي أمامة).... منقول من اخ كريم
شكرا يا اخsaryrabie على مداخلتك الاكثر من رائعه و انا اوفقك على كل كلمه قلتها و مقدرش قول غير ربنا يقدم اللى فيه الخير ليا و لكل الناس.:k32:
انا رأى استرا انجوى
بس انا لو مكانك حستنى شوية و اشوف الجولف الجديدة ( طبعا مع فارق السعر )
انا رايى استرا انجوى ثبات و شكل و ارتفاع عن الارض و توكيل و كماليات 0بس المازدا فيها كماليات اكتر) بس مشكله الاسترا ان مفيش استرا انجوى و الكلام ده انا شايفه فى فرع اسكندريه الصحراوى و كمان عادل خضر العضو المنتدب فى منصور قال الكلام ده فى الجرايد انما هى عموما انا شايفها افضل من الباقيين
شكرا على المداخلات القيمه اخ فهد و فينوس
اوبل استرا انجوى
شكرا يا احمد باشا على الرد بس كنت عايز اسالك ليه اخترت الاسترا كعربيه و مختارتش المازدا كعربيهبغض النظر عن قطع الغيار و التوكيل و سعر البيع انا بس عايز اعرف ليه الاسترا احسن من المازدا كعربيه مش اكتر و شكرا .
بصراحة و لا واحدة
هوندا سيتى الجديده افضل وارخص
شكرا يا كرازى لمبادا على ردك بس ارجو توضيح وجهه نظرك لرفضك جميع الخيارات بموضوعيه . وشكرا يا حسام على مداخلتك و لو تعرف حاجه عن الهوندا السيتى الجديده ياريت توضحلى عشان معرفش عنها كتير .
اللانسرالجديدة لاعتماديتها الضعيفة
استرا انجوي و المازدا مش بحبهم لراي شخصي و ليس لعيب منهم
عدا ان انا بسمع ان السحب بتاعها مش عالي و الله اعلم
و انا من راي ان الهوندا سيتي افضل
او الهوندا سيفيك
بس انا افضل السيتي عن السيفيك
شكرا يا لامبادا على توضيح وجهه نظرك
اوبا استرا انجوي بدون تفكير
عربيه الماني و واسعه من جوه و تقفيل و خامات فوق الممتاز و سحبها غرييييييييييييييييب ده غير ان صاجها ناشف جدا مش زي عربيات اليومين دول
انا شخصيا جربتها و اقتنعت بيها جدا
شكرا يا كريم على اهتمامك و ردك
الاسترا احسن من المازدا فى نظرى لعده اسباب
1- التوكيل
2-قطع الغيار و ده راجع لسوء توكيل المازدا
3-الثبات فى المازدا حلو و لكن ثبات الاسترا افضل و ده كلام ناس مجربه و كمان من غير تجربه دى المانى و دى يابانى و غالبا بيكون الالمانى اثبت
4-صاج الاسترا افضل
5-شنطه المازدا صغيره جداااااااا
و الله اعلم لكن انا لو بشترى هجيب استرا بالنسبه للسيتى فاعتقد انها مش منافس ليهم اساسا لان السيفيك هى الى بتنافسهم على الاقل فى السعر