أحد أقاربى مسافر فى نص فبراير لدبى واحتمال أسافر معاه واحتمال لأ ...:b4_556:
-
حخليه يشترى موبايل نوكيا 5800 الجديد من هناك .. :b4_564:
لو حد عايز موبايل من هناك يقول ومفيش مشكلة ...
----------
أحد أقاربى مسافر فى نص فبراير لدبى واحتمال أسافر معاه واحتمال لأ ...:b4_556:
-
حخليه يشترى موبايل نوكيا 5800 الجديد من هناك .. :b4_564:
لو حد عايز موبايل من هناك يقول ومفيش مشكلة ...
----------
هيقف بكام ال 5800 من هناك ؟؟
انا اسمع من واحد قريبى بردة ان دبي الموبيلات فيها ببلاش رخيصة جدااااااااا
من حكم تجاربى السابقة .. السعر هناك بيبقى أأقل من الموجود فى النت طالما الواحد بيدور على أأقل سعر فى المولات ... عموما أنا حاطتله من 2000 الى 2200 ويمكن أأقل .. أكتر من كده مش حاجيبه ...
-
للاسف الأسعار فى الامارات مش زى زمان و السعودية دلوقتى هى اللى تحفة فى شراء الموبايلات ...
-
ده موقع فيه الأسعار أول بأول فى كل الدول العربية ....
http://www.7ozo.com/nokia2/5800xpressmusic.htm
--------------
مكتوب فى مصر 2500 و فعلا فى مصر سعره كده بدون ضمان
فى الامارات لسه فى انتظار السعر الجديد للسوفت المعرب ( الدفعة التانية ) أتوقع يعمل 2200 لان السوفت 11 الجديد فيه التعريب لسه نازل من أسبوع بس ... للاسف الموبايل شأن كل الجديد صينى فقط باشراف فنلدنى :( !؟!.@#
-
عموما احتمال سفرى أأٌقل من 50% أتمنى أقدر أساعدكم وادعولى أأقدر أسافر
2500 بس في مصر ؟ طب يعني مهو بديل ظريف للIphone !
بس مفيش منه في التوكيل ؟؟؟ علشان GPS برده ؟
لو بالسعر ده انا عايز واحد ! من موزمبيق حتى :)
-
فعلا بعد البحث عن امكانياته وتجارب ممتلكيه .. التليفون مش بديل فقط لل iphone بل ينافس ال iphone بقوة
-
ال iphone مفيهوش تبادل ملفات بالبلوتوث عكس ال 5800
-
ال iphone بكاميرا واحدة 2 ميجا لكن ال 5800 بكاميرا 3 وكاميرا للفيديو كول أمامية
-
ال iphone بذاكرة ثابتة لكن ال 5800 بميمورى قابل للتوسيع الى 16 جيجا ( بييجى معاه واحد 8 جيجا )
-
ال iphone برامجه مش كتيير .. ال 5800 مع الوقت زى أى نوكيا حينزله ألاف البرامج والألعاب
-
برامج ال gps فى الiphone لسه مش موجودة
بعكس ال 5800 له برامج مكسور حمايتها زى أى نوكيا
-
ال 5800 بنص الثمن تقريبا ..:ma:
---------------------------
أنا مش شايف حاجة فى ال iphone تخلينى أجيبه بالسعر ده ...
-
ان شاء الله حجيب من 3 الى 4 تليفونات 5800 من هناك ....
-
اتنين منهم محتاجهم والباقى لاى حد عايزهم ....
-
هو لسه مش فى التوكيل فعلا .. والسعر ده بدون ضمان فى شارع عبدالعزيز ..... ب 2500
-
لو تعرف حد فى السعودية خليه يجيب لنا احنا الاتنين :ma:
-
سعره فى السعودية حوالى 1200 ريال فقط:k26:
لكن فى الامارات حوالى 1400 درهم -
-
والمويايل ده فكرنى ب 3310 زمان .. الموبايل ده بالحجز فى الامارات و السعودية والتسليم بعد 5 أيام تخيل ..... :B4_564:
في واحد صديقي جايبه لسة من الامارات من كام يوم بس فعلا و كان تمنه حوالي 1500 درهم.. يعني تقريبا 2250 جنيه..
فعلا دى نقطه لسه بنحاول نوصل لحل ليها
بس بنتغلب عليها عن طريق الWIFI
فعلا مش بيدعم فيديو كول ولا MMS
بس جوده الكاميرا احلى بكتير من موبيلات نوكيا نازله 3 ميجا بكسل
دى مش فيها حاجة
تعرف ال jailbreak ؟؟؟
مجرد ما تنزله هتلاقى عندك عالم منظم من البرامج والالعاب والكتب و غيرها الكثير
برامج الايفون متفوقه عن برامج السيمبيان ولكن اعتقد اقل من برامج الوندوز موبيل
معلومه خاطئه
االايفون فيه google maps والحمد لله توصلنا لطريقه فتح ال GPS فى مصر حتى لو جايب الجهاز من فودافون او موبينيل
كفايه رمز التفاحه المقرومه يا مان
زى رمز بى ام كده
الشعار لوحده ليه تمن :ma:
ابل مميزه جدا فى حاجات كتير
واهمها ان الايفون يعتبر الاسرع على مستوى ال smartphones
كبروسيسور وكنظام تشغيل
واجهه استخدام فريده من نوعها وحاول يقلدها ناس كتير وبرده معرفوش يوصلوا لسهوله ولياقة الايفون
شاشه مالتى تاتش ودى تكنولوجى جديده كانت تنفرد بيها ابل
انا مش بقول ان الجهاز معدى
بس انا شايفه مميز عن اى جهاز تانى مهما كان
ده غير انه شيك جدا وليه استايل خاص بيه
بس فى بعض العيوب الخايبه (ايوه خايبه) مش عارف ابل تقصد بيها ايه بس ااكيد عشان يلاقوا سوق للنسخه الجديده اللى هتنزل
واخيرا لو عايز تبقى مميز لازم تدفع اكتر
انا ممكن اعوز واحد عشان ببيع الايفون حاليا :ma:
علي فكرة في Review لل5800 علي Moible-Review.com
اقراه .. سيبك من الموبايل نفسه
بس الراجل اتكلم عن ليه نوكيا اختارت الوقت ده و السعر و ليه ابل حتضرب بالنار خلال السنتين الي جايين .
اولا : نوكيا عارفة تماما ان الجهاز ده مش حينافس الIphone اوي او علي الاقل مش حيبيع زيه
بس الفكرة من نزول الجهاز ده هي رسالة مبداية للمستهلكين ان مش شرط ان يكون موبايل تاتش فيه جميع الامكانيات و المواصفات يكون تمنه تمن الIphone ودي نقطة مهمة حتبني نوكيا عليها مبيعات ال 5800 .
الهدف من نزول التليفون ده هو ببساطة " تحجيم سعر " الIphone و ان Apple منزلتوش حيبقى واضح للمستهلك ان ال Iphone مغالى في تمنه بدون اي سبب واقعي ( غير حكاية انه Apple) لان علي الارض الواقع الIphone جهاز ملتميديا متطور و سريع جدا و لكن كتليفون ... فهو وراء الاجيال الحالية .
نوكيا حتعمل " SERIES " كاملة بعد ال 5800 كلها مبنية علي نفس الفكرة .. ان مش شرط ان يكون موبايلك تتش ! يبقى غالي ! ودي مش بس للابل دي رسالة لسامسونج و اتش تي سي .
ومفيش حد يقدر يعمل موبايل بالامكانيات دي بالسعر ده الا نوكيا فعلا !
بس في نفس الوقت عمرهم محيعملوا موبايل " كامل " تاتش مثلا زي ال N علشان ده في فئة تانية .
اخر حاجة بس مش اقلها اهمية .. لنفترض انك مفتحتش ال Iphone بتاعك .. الطربقة القانونية الوحيدة انك تحط عليه اغاني ؟
هي Itunes عن طريق شراء الاغاني المفضلة ليك .
Nokia عملت صفقة مع FOX / Universal / Virgin
لما تشتري ال 5800 ممكن تخش علي Nokia Music تنزل جمييييييييييييييييييييييع الاغاني و الالبومات 100% مجانا بدون اي تريكات او خبايا !
ودي ضربة معلم تانية .
---
احنا مش بنقول ان ده موبايل يقضي علي ال Iphone بس بنقول بس الي بنقوله بقالانا كتير ان الIphone تمنه الحقيقي لا يتعدي حاجز ال 2500 جنيه مصري ( $450 ) بس و ده سبب امتناعي عن شراءه .. اني بفدع فلوس في حاجة علشان اسمها مش علشان مميزتها و ده مبدا انا رافضه تماما و الدليلي ان Iphone في اوروبا فاشل نسبيا لامريكا - بلده .
كلام مية مية :S_thum1[1]:
الف شكر يا باشا على الرد الجميل
بس عايز اقولك حاجة من حيث الاغانى
ال itunes بيقبل اى اغانى عندك وبيحطها على ال iPhone عادى
مش لازم تكون شاريها
بس انا عجبنى رد حضرتك
وعلى فكره ابل كمان بتطور النسخه الجديده من iPhone
يعنى مش نعرف ايه اللى ممكن تعمله ابل عشان طبعا دى شركه كبيره وفاهمه هى بتعمل ايه
المهم فى الاخر ان المستهلك هو المستفيد :Ob_mak1[1]:
+100
كمان ال 5800 بيصور فيديو بجودة dvd 30fbs 640*480 وده عيب فى ال iphone لاينكر ....
-
وفى برنامج نزلته اسمه My phone بيخلى التليفون زى ال iphone فى الواجهة بالضبط ..
-
صحيح جودة الشاشة اللمس فى ال 5800 مش عالية وشكله مش ملفت بس للاسف مش علشان يبقى اسمى شايل iphone أدفع الضعف تقريبا فى تليفون مش هو القمة ..
ونوكيا عاملة n97 وأكيد حينزل بعده حاجات أحدث تنافس ال iphone بقوة أكتر من كده
----------
على فكرة CryptonX ال 5800 يعمل بنظام symbian 9,5 وهو الأحدث من نظام نوكيا n96 ال 9,4 يعنى ال 5800 أحسن من أى N-series فى السوق فى الكماليات .. وكمان يعمل ببروسيسور ARM11 برامات 128 وهى الأسرع فى فئة السمببيان فى السوق ... وكمان فيه ال hand writing recognition
-
كل ده بالسعر ده .. فعلا حاجة تجنن:B4_556:
مفيش سبب لكده فعلا غير انهم بيضربوا ال iphone وال 5800 فعلا تليفون لا ينقصه شيىء فى نظرى ... أول مرة أشوف نوكيا بتحط كل امكانياتها فى جوال واحد من فترة طويلة ...
ماتنساش ان سعر نوكيا منافس عشان موبيلاتها بقت صينى
وطبعا ده بيقلل من تكلفه الانتاج
بس ماحدش يقدر ينكر ان نوكيا ليها وضعها فى سوق الموبيل خصوصا فى مصر
الف شكر ي M.Mokhtar :)
و شكرا يا استاذ احمد علي المعلومات .
انا لقيته عند الراجل الي بتشري من عنده كل موبايلاتي .. بس غالي شوية ب 2675 .
حستنى لما اشوف كدة - لو وقف ب 2200 فعلا يبفى لفطة جدا !
انا معايا واحد زميلى جابه من السراج مول ب 2400 و حاليا فى وسط البلد 2500 تقريبا
انا جالي الجهاز من الكويت وجايبه ب 129 دينار اي ما يساوي حوالي 2550 جنيه
طبعا هناك كان الجهاز ممكن اجيبه ب 115 دينار بس من غير ضمان
فأنا جيبته بالسعر دا من توكيل اي تو
بس سألت هنا قاله لسه ماوصلش
الجهاز من الجمب احمر
معرب
الجهاز بصراحة تحفه حاجة جديدة كده وشكله حلو
بس طبعا مصنوع في الصين
انا جايبه والعلبة فيها ريشة زيادة وسماعة وكارت ميموري 8 جيجا
وجراب وقاعدة له عشان لو حبيت تحطه بالجمب
الجهاز دة معايا من يوم 12 يناير .....وبصراحة اكثر من رائع وصوت الـ Mp3 ممتاز جداااا والفيديو والكاميرا ممتازين.......بس للاسف انا النسخة ايلي معايا مش معربة...وباضطر اكتب كل الرسايل بالانجليزي....ربنا يسهل وانزل الفيرجن الجديدة...
هو اية عيب السماعه ايلي الناس بتقول علية...؟
انا شايف ان الجهاز ممتاز واحسن من الايفون بكتير...وكفاية السعر مقابل الخدمات والقيمة ايلي بيقدمها ....ودي تعتبر اعلي قيمة لتليفون محمول....
جبت واحد !!!!! :)
الاحمر فيرجين 10 بس عملتله انا Update ل 11
بس هو كان معرب اصلا ! مفيهوش مشاكل يعني ؟
ايه عيب السماعة ده ؟
بقالوا يومين اهه شغال كويس جدا بس الكاميرا بتاعته بصراحة لا تضاهي موبايلي السامسونج خالص و لا تضاهي حتى ال N73 الي مفروض ان نفس الكاميرا بتاعته .
-
المشكلة فى توصيلات بسيطة بين السماعة والهاتف يمكن حلها بنفسك بدون اى مشكلة بس على مسئولية كل واحد .. ده الفيديو لكيفية اصلاح عيب السماعة اللى بيظهر غالبا بعد كذه يوم من الاستخدام ...
http://www.youtube.com/watch?v=a6leVScBJJA
-
http://www.youtube.com/watch?v=2veHZcKCEPE
lol
عامة ال5800 الي معايا مش صيني
Made In Finland
فنلندي اصيل .
نوكيا الصيني بينزل لدول الخليج و العالم العربي و اسيا و افريقيا .
الفنلندي لاوروبا و امريكا :)
الحمد الله الموبايل معايا بقالوا 4 ايام - مفيهوش مشاكل خالص و احسن الف مرة من ال Iphone بصراحة :) ( و بنص تمنه )
غير السعر و ده ( بنسبة 90% كان اهم حاجة ليا :C_laugh[1]: )
- كروت الذاكرة EXPENDABLE و بيجي معاه 8 جيجا و بيسبورت لحد 32 جيجا .. مش علشان 8 جيجا ادفع فيه الف و 16 جيجا ادفع فيه الفين .
- Bluetooth ممكن تبعت و تعمل بيه الف حاجة من ملفات لسماعات وايرلس او كار كيتس ( مفيش بلوتوث في الIPHONE الا لاستعمال السماعات فقط )
- فيه 4 حلول كاملة في اي وقت و في اي برنامج لادخال " كتابة من ارقام او حروف " مش متوفرة في الIphone
وهي
Alphanumeric ( زي الموبايلات العادية )
Mini Qwerty ( زي الكيبورد ولكن اصغر )
Full Landscape Qwerty ( كيبورد كاملة )
Handwriting ( تكتب بايدك او بالSTYLUS و بيتعرف علي الحروف بمنتهى السرعة والسلاسة و ممكن تكتب كلمات مش بس حروف ) .
- البطارية بتتغير ( علي عكس ال IPhone ) و نوكيا طورت بطارية جديدة جدا للموديل ده اسمها Li-Ion 1320 mAh(BL-5J
و Standby time 405 مقانرة ب 300 فقط في ال IPHONE كما انها بتتشحن كاملة في ساعة بالظبط .
- بيستخدم نظام Symbian S60 5th edition وهو احدث نظام من سمبيان ممكن ميكنش سريع او في قوة ال MacOSX بتاع الIphone بس برامجه بلالوف .
- امكانية استخدام الموبايل كهارديسك من غير تعريفات ( وصلة ال USB -مجربتهاش في الIphone بصراحة - و بالتالي عدم الاحتياج لاي برنامج من نوكيا او غيرها ) .
- عمل UPDATE للFirmware من الموبايل نفسه بدون اي برامج اضافية باستخدام اي وسيلة اتصال ( WiFi - 3G )
- استخدام التليفون نفسه كمودم USB في حالة توصيله بلابتوب مثلا .
- سماعات الجهاز الخارجية اعلييييي بمراحل و انقى كتيييييير جدا من الIphone- وهي ايضا ستريو و في فيها خاصية BASS BOOST و STEREO WIDENING
- النوكيا يقدر يشغل الملفات التالية :
MP3/WMA/WAV/eAAC+ player
Midi
بالنسبة للصوت
و ملفات :
MPEG4/WMV/3gp video player
بالنسبة للفيديو:
- نقاء الصوت في السماعات الداخلية وفقا لمواقع كتير مماثلة او تنافس نقاء الصوت في ال Iphone
( جربت الاتنين و بصراحة اذني مش موسيقية فلم الاحظ فرق ملحوظ ).
- العلبة جايه معاه كابل Video/Audio Lineout للجهاز ممكن توصله علي اي جهاز LCD او TV عادي لعرض الافلام و الفيديو الي علي الموبايل ( الIPHONE فيه بس لازم تشتريها لوحدها او علي الاقل النسخة الي انا جربتها ) .
- شاشة ال Iphone مع انها اكبر ( 3.5" بوصة مقارنة مع ال 3.2" بوصة ) الا انه الResolution الي شغالة بيه اقل .. و هو 320X480 بينما شاشاة النوكيا شغالة 640x360 ونسبة 16:9( Widescreen ) لعرض الافلام في الشاشة كاملة مثللها مثل الشاشات ال LCD.
- امكانية تشغيل اي برامج اصلية او غير اصلية من غير ماتعمل اي Crack/Jailbreak للموبايل و من غير ماتفقد الضمان .
-ال5800 بيشتغل على شبكات 3.5G زي اتصلاات بسرعات اتصال لحد 3.6 بينما ال Iphone بيشغل علي 3G فقط (ابطئ نسبيا )
- ال WiFi بتاع ال Nokia فيه UPNP
- انظمة الرسائل في النوكيا :
SMS, MMS, Email, Instant Messaging
بينما في ال Iphone
ُE-mail و SMS فقط
- نظام التصفح في Iphone مع الرغم انه افضل في راي ( Safari Web browser ) الا انه محدد ل HTML بس بينما متصفح نوكيا بيدعم :
WAP 2.0/xHTML, HTML, RSS feeds
- ممكن اضافة اي برامج و العاب جافا الي النوكيا علي عكس ال Iphone .
- الكاميرا في الIPHONE
2 ميجابكسل و جودة جيدة و لكنها بسيطة جدا جدا و لا تسجل فيديو او اي اضافات و تحسينات للصورة
الكاميرا في النوكيا 3.2 ميجابكسل كارل زايس فيها اوتوفوكس و 2 LED فلاش و بتسجل فيديو VGA ب30 لقطة في الثانية ( غير محدد على حسب المساحة الفاضية ) ولكني احب اعلق و اقول ان الكاميرا من اسوا الكاميرات النوكيا 3.2 لاني كنت امتلك موبايل سامسونج 3.2 و نوكيل N73 و صورهم افضل بمرااااااااحل بس النتيجة النهائية افضل من ال IPHONE برده .
- النوكيا ممكن تستخدم خاصية ال VOICE commands مع انه في راي ملهاش لازمة بس شفت ناس بتستعملها كتير برة .
- اخيرا النوكيل اخف نسبيا .
---
ده كدة تقريبا كل حاجة غير السعر .. لو عايز مميزات الIPHONE عن ال 5800 قولي :)
يا جماعه من الاخر ....نوكيا عملتها وضربت كل التتش سكرين فووووونز.......وهاتخلي كل الشكات تراجع اسعارها والا مش هايبيعوا موبايل واحد....السعر النصف تقريبا....
انا الموبايل اشتريتة بالصدفة...وانا في تدريب في ابوظبي...لاقيتة خلص من كارفور ومن كل مكان ما عدا محل واحد وكان اخر موبيلين عندة...وقررت اشترية واشوف اية حكايتة...رغم اني ماليش في الميوزيك اكسبريس والافلام دي....بس عجبني شكلة والتتش سكين وخصوصا لما تتصفح النت ...يغنيك عن االلاب توب خصوصا لو في مكان فية ويرليس مجاني....
نوكيا بايعه بس من موديل 5310 نفس الخط حوالي 10 مليون قطعه....وناوية تكسر الرقم دة بالموبايل الـ 5800 وانا فعلا متوقع ان دة يحصل...وكل الناس برة بيقولوا كدة ...خوصصا لما ثبتوا السعر علي 280 يورو قبل الخصومات...
الجهاز بسرعتة وامكانياتة وكارت الميموري بتاعه يعتبر صفقة رابحة...وصعب حد ممكن يروح يدفع ضعف السعر في اي ماركة تانية علشان خاطر اسم الموبايل التاني....علي الرغم ان اسم نوكيا مش قليل..
اي عيوب في الموبايل خصوصا السوفت وير دة لازم يكون موجود لان دي اول فيرجن من الـ S60 v5.0 بس فعلا نوكيا بتتابع وبتحدث وبتعالج المشاكل علي طول...
بس البراند والتميز والكوالتى حاجات ليها سعرها
ده اللى بيخلى البى ام سعرها اعلى من الفولكس مثلا
مش هنتكلم على الفلوس عشان طبعا الايفون غالى بلا شك
بلاش تقول الحاجات اللى ليها علاقه بالسوفت وير عشان كل الحاجات اللى ناقصه فى الايفون كسوفت وير حلناها خلاص
وبالنسبه للبلوتوث خلاص زودنا profile الى بيشوف اجهزه ويقدر يبعت ويستقبل ملفات زى ما انت عايز
شوف الفيديو ده
http://www.youtube.com/watch?v=y4sNfJuGWl0
والتعريب وال GPS و التشغيل على شبكه معينه وموضوع لازم رقمك يبقى خط مش كارت ومش ينفع تنزل برامج غير من Apple store وكل الحاجات اللى معروفه عن الايفون خلاص اتحلت وشغال 100%
كلهم طرق للكتابه
وبالنسبة للhandwriting نزل خلاص للايفون
- زى ما قولتلك كل الحاجات اللى فى السوفت وير اتحلت عشان فى اكتر من فريق شغالين على MAC OS وبيدعمونى مجانا معتقدش هتلاقى ناس بالخبره دى لل symbian -
اغلب اللى شغالين فى ال symbian بينزلوا برامج اضافيه
مش بيحاولوا يظبطوا حاجة فى ال firmware نفسه
اعتقد الايفون بيشحن فى اقل من ساعه
بس هيقعد قد ايه اعتقد نوكيا تتفوق
شكلك متعرفش برامج Mac OS كويس :36_9_4:
برامج الايفون بالملايين
خصوصا انه الموبيل المدلل فى امريكا
بس مازال الايفون هو الاسرع على الاطلاق
شئ جميل طبعا
بالنسبة للتحديثات مش هتبقى فى قوة الايفون
كل شويه بينزله تحديث مش كل فين وفين
ده غير ان ال Teams اللى شغاله فى البرامج بتنزلنا بعدها على طول تحديث لبرامج الفتح والهاك والكلام ده
وعلى فكره اغلب هذه البرامج بتحدث نفسها WIFI و 3G
واحلى ما فى الايفون انك لو منزل برنامج ونزله تحديث بتلاقى فى تنبيه فوق الايقون بيقولك فى تحديث نزل للبرنامج ده
مش تحديث للفيرم وير بس :S_thum1[1]:
الكلام ده نازل من زمان بس مين بيستخدمه فى ايه عشان؟
ومش عارف الايفون فيه الخاصيه دى ولا لأ
محدش هيغلب Apple فى مجال الصوتيات
صاحبة اشهر جهاز تشغيل multimedia فى العالم
يمكن صوتها اعلى اه بس النقاء لا اعتقد
قولنا دى سوفت وير
وفى بدل البرنامج الف نازلين للايفون يخليه يشغل حتى ال rm
اوك
فعلا لازم تشتريه بس ده مش عيب فى الجهاز
كده عيب سعر وده اللى متفقين عليه من الاول
ما بلاش موضوع الشاشه ده
حتى لو الresolution اعلى فى النوكيا
بس الايفون مميز جدا
دقة عاليه جدا فى اللمس
وبيفهم اقل حركه
انا ماشوفتش النوكيا ده
بس الايفون متفوق جدا على كل موديلات ال HTC حتى ال HD الجديد فى موضوع ال Touch screen
واعتقد نوكيا مش هتتفوق على ال HTC
ده غير ان شاشة الايفون بتدعم ال multitouch technology وده كان انفراد للايفون
ده مش عيب ولا ميزة :U_thin1[1]:
مش متأكد من النقطه دى بس مش مشكله
نقطة تفوق جامده لصالح النوكيا
كل الكلام ده خلاص اتحل من زمان
كلها سوفت وير وتحديثات بنزلها والدنيا تشتغل عادى
برده اتحلت ونزل addons كتيره للمتصفح ونزل متصفحات تانيه كتير للتليفون
فى برامج بتشغلك الجافا على الايفون
(دى الحاجة الوحيده اللى مش جربتها حتى الان يعنى مش متأكد 100%)
الكاميرا فعلا من العيوب الواضحه مع انها نقيه جدا
بس برده ابل استعبطت فيها ده غير انها منزله الموبيل بكاميرا وحده مش 2 :_Alshmokh08[1]:
يا باشا الحاجات دى كلها نزلت خلااااص
ده انت حتى ممكن تعمل بحث فى النت او فى ارقام التليفونات او فى المفضلة بالصووووت
وجوجل نفسها اللى منزله البرنامج ده
http://www.google.com/mobile/apple/app.html
والايفون احلى واشيك ومصنوع من مواد تتحمل الخدش مش زى النوكيا اللى اللون بتاعه بيروح مع الاستعمال
الف شكر يا باشا
على فكره انا بدافع عن الاى فون لانه فعلا مميز جدا وغير اى تليفون ممكن تمسكه فى ايدك
مع انى بعته خلاص :B4_556:
بس هروح اجيب ال 16G الاسبوع ده او اجيب النوكيا واوفر فلوسى :44:
ياريت بقى تقولنا مميزات الايفون على النوكيا
عشان ادخل اعترض برده :khd:
بالنسبة لى كفاية فرق السعر و تصوير الفيديو ....
جودة الفيديو فى 5800 كمان near DvD ..
-
على فكرة ال 5800 نوكيا أعلنت انه يشيل لحد 16 gb ميمورى كارد لكن ال 32 ده مجربتوش الصراحة .. بس أعتقد ممكن يقراه عادى
رغم اسم ال apple الكبير لكن حتى الان ال iphone مفيهوش الامكانيات اللى تخليه مميز وبالسعر ده .. هو تليفون شيك بامكانيات متوسطة ... ممكن أفكر فيه لو نزلوا موديل فى كماليات تضرب النوكيا واى موبايل تانى ....
انا العيوب اللى شايفها فى الايفون
1- كاميرا الى حد ما ضعيفه
2- مفيهوش فيديو كول
3- بطارية مش عمليه ويلزم تغيرها الرجوع للشركة
والعيوب دى فى اللى ممكن مش تفرق معاه فى مقابل اقتناء تليفون مختلف وسريع
انا هحاول اشوف ال5800 على الطبيعه عشان على النت صوره مش قد كده (مسألة اذواق)