ممكن بس استفسر استفسار صغير أوي لو أنت مكاني تجيب لانسر موديل ٩٩ ولا نوبيرا ٢٠٠٢-٢٠٠٣? وليه ؟ بس كدة :Ob_mak1[1]:.. بس الموضوع التافه دة هيخليني اتجنن
عرض للطباعة
ممكن بس استفسر استفسار صغير أوي لو أنت مكاني تجيب لانسر موديل ٩٩ ولا نوبيرا ٢٠٠٢-٢٠٠٣? وليه ؟ بس كدة :Ob_mak1[1]:.. بس الموضوع التافه دة هيخليني اتجنن
بص يااباشا النوبيرا احسن كموتورأقوي واوسع عيبوها كتير خصوصا انها هتكون موديل قديم وياريت تبعد عنها لو اتو لان الاتوماتيك بتاعها انت وحظك:B4_556:
لانسر 99 لو نضيفه
تبقي احسن 100 مره اعطالها قليله جدااااااااااا وملهاش اعطال مميزه وسحبها حلو جدا علي انها 1300 cc وقطع غيارها مرميه ومعروفه وسهل اي حد يصلحلك فيها وكمان سهل جدا وبأقل حاجه العربيه تتظبط وتبقي شيك جدا
وربنا يوفقك
طبعااا لانسر 99 و لو مانيوال كمان و نظيفه هاتجرى عن النوبيرا و الstabilty عالى و اعطالها قليله جدا بس عيبها انها واطيه و لو محمله بتحك
لانوس بتجرى عن اللانسر ؟؟؟ مش غريبه شويه ؟؟؟
بص يا باشا انا كانت معايا العربيه دي من الزيرو بس كنت محافظ عليها جدااااا وصيانه علي طول لحد ما بعتها كانت بتجيب ال160 وكانت اتوماتيك
مع ابن خالتي وحد 98 مانوال وجايبها ماشيه 250000 وبجيب 170 وبيحوطلها بنزين 80:b4_556:
بالنسبه لللانوس فعلا اللانوس بتجري ممكن تكون بتجري عن لانسر بس لانوس موديل احدث وكمان انجكشن النوبيرا بتجري عن لانسر لانها 1600 وموتورها اقوي
بس لانسر سحبها حلو علي ان موتورها 1300 وكمان تكنولوجيا قديمه كربيراتير
الانسر طبعا اعطالها قليله جدا و شيك و سعر اعاده بيع كويس و الف مين يشتريها بعكس النوبيرا تقيله فى بيعها و اعطالها اكتر
صعب جدا يا باشا ان الانوس تكون بتجرى عن الانسر الا لو الانسر متبهدله اخر حاجه
مش عارف على أى أساس حكمت ان النوبيرا اعطالها كتير ؟؟؟؟؟؟؟؟؟؟؟؟
ولاهي موضوع أن ellanos بتجري أكتر من اللانسر حد هنا في المنتدى اللي قالهولي و كان معاه العربيتين و أنا أصلن حاسس أن ellanos مش سحابة أوي فياريت تفيدني في موضوع سحب الانسر دة ولو حد عندي أي معلومة بخصوص العربيتين أو حد ليه رأي تاني ياريت تفيدوني و ألف شكر ليكوا :k10:
يا باشا توكل على الله وهات الكريستاله وانت مغمض لانها افضل من الانوس والنوبيرا حتى لو هما زيرو بس شرط الكريستاله اكشف فى التوكيل ومتكونش عامله عداد كبير وتكون مانويل ولو مانويل حتشد مع لانوس وتطلع منها وده عن تجارب كتير بس النوبيرا ماتورها اقوى لان دى 1300 ودى 1600 بس انا مش عارف انت بتقارن الكريستاله بلانوس والا نوبيرا؟؟؟ وعلى العموم هى لو نظيفه افضل من الاتنين بس طبعا موتور النوبيرا اقوى لكن لانوس لا والمعادله بسيطه الانوس 1500 سى سى والكريستاله 1300 سى سى بس الاتنين حاجه وثمانين حصان بس مش فاكر كام بالظبط بس اللى يميز الكريستاله بقى عن الانوس لو الاتنين بيجروا ثبات الكريستاله مفيش زيوو فحيجرى وبتوصل لحد 185 لكن الانوس ثباتها ميجيش نقطه فى الكريستاله فمش حتوصل للسرعه دى ولو وصلت مش حتقدر تمشى عليها كتير لتميز الكريستاله طبعا فى العزل والثبات والفرامل والعفشه وطبعا العربيتين مانويل وانا ارشحلك الكريستاله وتوكل على الله بس اكشف فى التوكيل وتكون مانويل وبجد اسم على مسمى ( كريستاله) ومش حتخذلك ابدا وبالتوفيق
يا باشا انا كان عندنا رينو كليو ودى اتباعت ودى عربيه لا يعبها سوا التوكيل واسعار قطع الغيار والصيانه غير كده عمرى ما كنت اسيبها ابدا وبالنسبه لليجانزا دى عداد الان 35 الف كيلو دى مدلعه على الاخر ومش بتتركب الا كل فين وفين وطبعا عربيه محترمه بكل المقايس ولا اختلاف فى ذلك وللعلم العربيه دى انا مش بعتبرها كورى والا دايو اصلا وبالنسبه للاكسنت بعتها 24 الف كيلو موديل 2006 لانها مش عجبتنى خالص وبدلها دلوقتى كريستاله 99 جميع الكماليات اتوماتيك فبريكه بره وجوه عداد 36 الف كيلو فقط كانت مرفوعه وبتاعت دكتور معرفه والحمد لله زى الجوهره العربيه دى مفيش مقارنه اصلا بينها وبين اللى بيقارنها بافيو او لانوس او فيرنا او اكسنت لكن مع النوبيرا الوضع يختلف لان النوبيرا اكبر واقوى فى الموتور فناس بتفضل ده لكن غير كده الكريستاله الملكه بتاعتهم وللعلم كلامى ده من تجارب انا كان معايا اكسنت وفيرنا وافيو ولانوس ونوبيرا اتوماتيك طبعا اتباعت 7000 الف كيلو وهى كانت زيرو موديل 2006 حريقه بنزين وصوت موتور عالى غير الفتيس اللى اكدلى انه فيه مشكله حد فى التوكيل بتاع دايو ومشكله فى كل فتيس النوبيرا الاتوماتيك فعلشان اريحك وبحق ربنا ومن خلال كل تجاربى مع العربيات فى الكورى اركب اللانترا الجديده وكانت معانا واتباعت لظروف خاصه مش عيب فيها او سيراتوا مع اخويا زى الف تحفه او ليجانزا وتبقى كده انت باشا عربيه بجد تقول مرسيدس او كريستاله ودى جوهره فعلا او نوبيرا موديل 2001 او 2002 وتكون مانويل دى كويسه برضوا ومع التوفيق
لا شكر على واجب يا باشا وربنا يرزقك بكريستاله نظيفه واستمتع بالجوهره وبجد عمرها ما حتخذلك ابدا واكشف فى التوكيل ومتجبش عداد كبير ومتجبهاش اتوماتيك علشان سحب المانويل احسن والاتوماتيك مش وحش برضوا واى خدمه انا تحت امرك وبالتوفيق يا باشا
**************************
لقد قمتم بمخالفة القاعدة رقم (6 ب) من قواعد المنتدى (كتابة اللغة العربية بالأحرف الانجليزية) لذا فقد تم حذف المشاركات المخالفة ، نرجو عدم تكرار ذلك.
يرجى مراجعة قواعد المنتدى
مشرف منتدى ميتسوبيشي
معلش أني كتبت فرانكو عرب بس الاب بتاعي مافيهوش عربي هعيد السؤال تاني هي elancer ال-٩٩ بس اللي فيها كونسول و-rpm والشبكة الجديدة وبتعمل حوالي 47-50 كدة عشان بس لما أجي اشتري أبقى عارف والتكييف بتاعها كويس وبيأثر جمد على السحب ولا مش أوي ومعلش أخر سؤال كنبتها واسعة ولا مش أوي وألف شكر على مساعدتكوا :k10:
الراجل ده بيقول كلام زى الفل
النوبيرا ال 2003 قديمة واللانسر ال 99 حديثة
كمان واحد كلامه زى الفل اللانسر ال 99 ال 1300 او ال 1500 حتى هتجرى مع النوبيرا
هو ده الكلام ان التكنولوجيا القديمة احسن من الجديدة
الراجل خبير يا استاذ حازم مش فاكر موضوعه فى قسم الدايو ولا ايه ؟؟
انا انصحك باللانسر بعد الكلام اللى اتقال ده كله بس بشرط واحد
ان الكلام ده يطلع صح :ma:
طب ممكن تقولي أنت رأيك
مع العلم اللي أنا بمشي 2000km في الشهر
(وهي دي تقريبن الحاجة الوحيده المخوفني من elnubira)
بص يا ماندو انا اقدر اقولك علي العيوب اللي في عربيتي لاكن مقدرش اقولك على عيوب في عربيه تانيه
زي مافي ناس هنا سورري يعني بتكتب اي كلام وخلاص حتي لو ماركبش العربيه اصلا انا هاقولك علي عيوب النوبيرا علشان العربيه ديه تحت ايدي
انما اللانسر ممكن تسشير الناس اللي راكبها وماتسمعش كلام اي حد بيفتي وخلاص علشان ماتدبسش في حاجه وادي ياسيدي الفاضل عيوب النوبيرا
1 - واطيه شويه
2- مقصاتها مش كويسه بس لو غيرتها بمقصات اسباني بتنساها
3- الطنابير نفس القصه وبتتغير بطنابير الماني
4- الرشاشات وبتتغير براشاشات البي ام m40
وفي الاخر انت قارن واللي قالبك يستريحله اشتريه وربنا يوفقك للى فيه الخير والصالح ليك
طب ممكن تقولي أنت بتمشي إد إيه والعربية بتحتاج تتصلح معاك كل إد إيه تقريبن يعني أنا عارف أن النوبيرا فئة أعلى من اللانسر بس في ناس كتير بتقولي أنت مشيك كتير(بسافر كل أسبوع اسكندرية ) هات ياباني أحسن فهو دة اللي مقلقني
ياسلام الموضوع ده جي عليا بالتفصيل اقولك ليه بقي
علشان انا كان معايا نوبيرا 2001 قبل الكريستاله بفتره
العربيه زي ماقلت 2001 كامله اوتوماتيك
مميزات :
1- صالون واسع ومريح جدا
2- موتور قوي
3- من الاخر الصالون من جوه تحفه عاجبني جدا
العيوب :
1-بتحك في المطبات كتير وده علشان العربيه طويله
2- غيرتلها طنابير مرتين في اقل من سنه
3- طبعا غيرت مقصات
4- كنت كل 3 شهور تقريبا اعملها جلب مقاصات (مش عارف ليه)
5- ودي المشكله الكبري الفتيس انا صرفت عليه كتير لحد ما جه في الاخر ولقيته بقي بيعلق يعني اجيب ال D مايمشيش
المهم في الأخر بعت العربيه علي عيبها كده
وقعدت حوالي سنه من غير عربيه وبعدها قررت اجيب عربيه
وكنت محتار بين فيرنا كسر الزيرو او كريستاله
والحمد لله ربنا وفقني وجبت كريستاله والحمد لله مش ندمان
ولو كنت هاختار قبل النوبيرا فعلا كنت هختار كريستاله
العربيه بقالها معايا 3 سنين الحمد لله مغيرتش فيها اي حاجه غير لما اخدتها من 3 سنين غيرت اسطوانه وكانت ساعتها عامله 150000 كيلو
وكانت اول مره تجيب اسطوانه
يعني من اول ما جت العربيه اللي غيرته كالتالي
طقم سيور
طقم فلاتر (جبت فلتر هوا من كام شهر)
طقم بوجيهات
تيل امامي وخلفي (غيرت الامامي من 4 شهور تقريبا يعني كده مرتين تيل امامي)
والحمد لله مغيرتش حاجه تاني في ال 3 سنين
ده عن تجربتي مع الاتنين ويمكن الموضوع يختلف من عربيه لأخري لكن ده من استعمالي للأتنين وعلي فكره النوبيرا كانت عامله 50000 كيلو تقريبا علي ما اتذكر
طبعا في فرق في السحب ياباشا النوبيرا 1600 ازاي بقي تتقارن ب 1300
بس علي فكره اللانسر سحبها جامد جدا علي انه 1300
وطبعا الانسر واسعه مش ضيقه خالص
ياريت تجرب كل عربيه فيهم وشوف هتستريح لمين فيهم
بص يا ماندو كان فيه هنا لانوس ماشيه اكتر من 900.000 يعني داخله على مليون ك/م كان حاطط صورتها محمد ممدوح
وماتورها ماتفتحش اللي عايز اوصلهولك طول ما انت ماحافظ على عربيتك وبتصرف عليها مش هاتكسفك في يوم من الايام
وطول ما انت مهملها ومش بتعمل صيانها هاتبهدلك حتي لو راكب هامر اما من ناحيه السفر والمشي كتير فا ماتقلقش
النوبيرا حماله اسيه امشي بيها زي مانت عايز وماتقلقش من الكيلوات الكتير اللي بتعملها في السفر ماتور النوبيرا الحمد لله
عفي جدا وجربها في سفر او طريق مفتوح وانت تعرف واسف على الاطاله
ألف شكر يا رجالة على رددكوا وأهتمامكوا
بص ياباشا انا عربيتي جايبها يوزد من سنه واول ما اخدها كانت عامله 75000 الف ك/م موديل 2001
وطبعا كشفت عليها وغيرت الحاجات المهمه قبل ما امشي بيها زي
1- السيور
2- الطنابير
3-المقصات وجبتها كوري لاني مكنتش اعرف قصه الاسباني
بس لحد دلوقتي شغاله تمام وماحتاجتش اغير جلب ولا حاجه الحمدلله
4- تيل فرامل امامي وخلفي
5- رشاشات و طرمبه بنزين
ولحد دلوقتي عامل تقريبا 92500 كيلو والحمدلله تمام
اما بالنسبه لاستهالك البنزين انا حسبتها مره واحده وانا رايح مرسي مطروح في طريق مفتوح يعني
وكنت مفول قبل ما اطلع من القاهره واول ما دخلت مرسي مطروح فولت تاني اخدت مني 35 لتر وتقريبا الطريق 500 كيلو
اما عن استهلاك البنزين جوه البلد عمري ما حسبتها بصراحه
يا جماعة بصراحة انا كانت معايا نوبيرا 2002 مانيوال عربية فوق المحترمة جدا مش ممكن كل حاجة فيها جامدة بس فيها بعض العيوب الممكن حلها اولا البنزين كانت بتاكل بنزين جدا لحد ماوصلت 120 في 20لتربس مكنتش اعرف حكاية تغييلر الرشاشات بm40واعطالها لو في الكمبيوتر لازم تروح التوكيل ولومش مشكلة البنزين مكنتش بعتها ابدا:120146b لكن غير كدا عربية مش ممكن جامدة في كل حاجة انا معايا دلوقتي لانسر 92 هي قديمة بس ممتازة في كل حاجة اولا البنزين 100/100 ثانيا سحبها ممتاز بالنسبة لموديلها لحد 155 ثابته وانا خفت ازود عن كدة وكانت بتجيب اكتر التكييف ممتاز لانها خليجي اعطالها مفيش بصراحة العربيتين حلوين وتحتار تختار مين علي فكرم الموتور اللي في لانسر 92 تقريبا نفس موتور الكريستالة مفيش فرق نفس البساتم والكاربراتير
thnx alot kimo for ur fast reply and i will begin to search for a one with a good condition isa
ربنا يخليك يا باشا كلك ذوق والله
النوبيرا افضل من كل النواحي
اكبر واشيك وزيد على كده صعب جدا تلاقي لانسر 99 سليمه كلهم هيبقى طالع عينيهم من الشغل
النوبيرا ممكن ب 55 الف تجيب وحده زي الفل ومفيهاش الهوا وموديل احدث كمان
بالنسبه للاعطال النوبيرا فيها 3 عيوب فقط لاغير وسهل جدا اصلاحهم
الرشاشات وبتتغير ب الف حاجه في رشاش اوبل يركب وممكن هيونداي كمان يركب
المقصات تعبانه الجلب بتاعتها واهو بيقولوا في اسباني يعني هتبقى زي الفل
العيب الاخير وهو اكواع مواسير الميا بتتكسر بسرعه عشان تقريبا بلاستيك ورديئ ولما بتروح التوكيل بتاعها بيغيروها ب نحاس تقريبا
ودي اكتر حاجه غايظاني توكيل بيبيع العربيه زيرو بطق غيار تعبانه وتروح له بعدين يغيرهالك
زود على كده استحااااااله تركب نوبيرا اوتوماتك
لانسر 99 انا مركبهاش الا في حاله وحده فقط الا وهي اني ازبطها تبقى سبوور جدا ماتور جديد مش اقل من 1600 وعفشه رياضيه وجنوط
انما ك اوريجينال نوبيرا افضل وعائليه جدا وعفشها مريحه مش ناشفه
الصراحة أنا متردد جدن:Copy of majd(4): أنا نفسي ألاقي واحد معاه نوبيرا وكاسر بيها 200alf كم.. مثلن ويقولي عاملة إيه؟ سعتها هرتاح نفسين الصراحة وأنا عارف طبعن أن من ناحية الموتور والركوبة elnubira تكسب