الموضوع: شراء سيارة بطريقة إسلامية

أنا اتصلت بيه وسألته على السيارات كسر الزيرو لكن للأسف معندوش
بالنسبة لنظام تقسيط الزيرو طلب إني أزوره في المعرض .. إن شاء الله هحاول اروحله واعرف منه تفاصيل أكثر.

بالنسبة لنظام تقسيط الزيرو طلب إني أزوره في المعرض .. إن شاء الله هحاول اروحله واعرف منه تفاصيل أكثر

ربنا يوفقك يا أ.محمد إن شاء الله و تلاقي عربية كويسة إن شاء الله

لا انت و الضامن يكون مرتبك ضعف تمن القسط ومدام الشرط دة متوفر فيك لوحدك مش لازم يكون الضامن بياخد مرتب كبير حتى لو 100 جنية هيوفقوا علية وان شاء اللة ربنا هيسر انا اول مرة احس ان الحلال صعب اقوى كدة فى بلدنا بس معلشا اهوة كلة بثوابة

سؤال ياجماعة
معرض محمود موتورز اللي في العباسية دا بيقسط تقسيط مباشر من غير إجراءات بنكية؟
طيب لو كده إيه الضمانات اللي بياخدها؟

انا اول مرة احس ان الحلال صعب اقوى كدة فى بلدنا

فعلا الناس بيسهلوا الحرام جدا !!!! و بيصعبوا الحلال جدا !!!!!!!!!!!!!

تصوري البنك بتاعي هيبوسوا ايديا عشان يدوني القرض بتاع السيارة بأقل فوايد في السوق و اقل سعر عربية و كمان بدون شروط و لا ضامن
لكن ربنا يبعدنا عن الحرام يا رب !!!!!!!!!!!!!!

معرض محمود موتورز اللي في العباسية دا بيقسط تقسيط مباشر من غير إجراءات بنكية؟
طيب لو كده إيه الضمانات اللي بياخدها؟

مفيش ضمانات بتمضي الكمبيالات و تدفع كل أول شهر
لو لقيت العربية اللي انت عايزها عندة يبقى حظك حلو
هو عندو عربيات كتير

و الناس اللي بتتعامل معاة بتقول ان معاملتة كويسة جدا
و أنا مكلمة على عربيتي
لو كلمتة قلة بس انك من طرفي

لا انت و الضامن يكون مرتبك ضعف تمن القسط ومدام الشرط دة متوفر فيك لوحدك مش لازم يكون الضامن بياخد مرتب كبير حتى لو 100 جنية هيوفقوا علية

معلش يا مدام نونا دة رايك و لا دة معلومة أكيدة؟
لأني سالت واحد شغال في بنك فيصل فال :
1- المرتب لازم يتحول عن طريق الشغل مش البنك.
2- الضامن لازم مرتبة يغطي القسط.

المشاركة الأصلية كتبت بواسطة nona_never_lost

هقول لحضرتك انا موضوعى مشى ازاى
1- روحت لبنك فيصل طلبت فتح حساب وبيسجل بياناتك انت و الضامن الى هوة جوزى وبعد كدة بيديك عرض سعر علشان تجيب من غبور ورقة بسعر العربية
2- بتروح بعد كدة بنك hsbc وعملت تحويل ممن مرتب جوزى على حسابى علشان يكون القيمة الى فية ضعف المبلغ الى بيتحول لبنك فيصل
على سبيل المثال لو القسط 1000 جنية ومرتبى 1000 جنية وجوزى بيقبض 1000 جنية لازم مرتبى انا وجوزى يكون ضعف المبلغ الى هقسطة يعنى 2000 جنية علشان كدة ضمتهم فى حساب واحد وطلبت من hsbc يحولوا المبلغ دة على حسابى فى بنك فيصل
4- بعد كدة بنك فيصل بيطلب عرض سعر للعربية بتروح حضرتك بتجيبة من غبور
5- لازم البنك المركزى يستعلم عنك و لما يتوافق عليك يبعت يقوللك هات رقم الشاسية والماتور علشان يروح يشترليك العربية الى انت عايزها وبتدفع المقدم
5- وكدة الحمد اللة العربية بقت بتاعتك
(كدة جبت عربية من بنك اسلامى والتأمين مع بيت التأمين المصرى السعودى والموضع كدة مفيش فية اى حرمانية
وعلى فكرة الفايدة بتاعت بنك فيصل 8.2 مش 10 زى دايهاتسو)

انا ليا تعليق اتمنى انه ما يزعلش حد وكمان انا مش جهة افتاء ... هو بصراحة انا حاسس ان الموضوع اللي تم ده ما هو الا تحايل في الاجراءات يعني الحاجه الوحيده اللي فرقت ان البنك ما اداكش الفلوس في ايدك تروح تديها للمعرض انما طلب منك تجيب عرض سعر وبعدين هو اللي دفع الفلوس للمعرض وقسطلك الباقي اللي هو فلوس (فلوس قصاد فلوس) زى ما الاخوة وضحوا.