الموضوع: شراء سيارة بطريقة إسلامية

المشاركة الأصلية كتبت بواسطة outosend

ياجماعه انا قابلت مندوب من شركه كونتكت وقالى انهم بيدفعو تمن العربيه كاملا يعنى بيحوزو السلعه من غير بنك ياريت تتاكدو من المعلومه دى
على فكره الموضوع مش الفايده كام ؟ لان شرعا بيع التقسيط لازم يكون اغلى من الكاش ده عادى المشكل فى عدم حيازه الراجل اللى بيبعلك للسلعه

السلام عليكم

يا باشا انت اظاهر مقرتش الموضوع كويس:

سئل الشيخ ابن عثيمين – رحمه الله - :

رجل بجواره مزرعة أراد أن يشتريها ، فذهب إلى أحد المصارف وطلب منهم أن يشروها له ، قالوا له : نرسل معك مندوباً يقدرها ثم نبيعها عليك ، كيف يكون هذا ؟

نفس الفكرة انت بتروح لكونتكت وتقولهم انا عايز اشتري العربية دي ( وهي مش عندهم اصلا ) فيشتروها لك مخصوص ونعم تصبح ملكهم وفي حيازتهم ثم يبيعوها لك....هذه هى الحيلة والعياذ بالله
اقرأ اجابة الشيخ جيدا وستجد انه اباح المعاملة إذا كانت السلعة عند التاجر من الأصل وجئتَ أنتَ إليه واشتريت ما يساوي ألفاً بألفٍ ومئتين وهذه هى التجارة الحلال
يوجد نقطة ثانية ايضا يجب ان تفهمها هو ان شركة كونتكت تبيع لك مال ولا صلة له بالتجارة التي فيها مكسب وخسارة فمثلا لو انه فعلا يتاجر في السيارات ما طلب منك الالتزام بشراء السيارة منه بعد امتلاكها ولكنه يلزمك فى العقد على شراء السيارة بعد ما يشتريها لك بل انه لا يشتريها اصلا الا بعد اخذ منك مقدم السيارة.....فهل هذا تجارة؟؟؟ لو كان يتاجر فعلا كان بعها لأي حد لوانت ماشترتهاش ما هي دي التجارة....ده ضامن حقه مية فالمية اقبل ما يشترى العربية اصلا!!!...نفس الشىء بالنسبة للبنوك الاسلامية بيضحكوا علينا والله والناس الي شغالين فيها حافظة مش فاهمة ولو جيت واجهتهم جامد هايرد عليك يقولك احنا عندنا لجنة فتاوى شرعية وهم حللوا صورة البيع دى لو عندك شكوى ادمهلهم انا حصل معايا كل دة

فأجاب :

هذا عمل محرَّم يعني كون الإنسان يعيِّن السلعة ثم يذهب إلى التاجر ويقول : اشترها لي فيشتريها التاجر ثم يبيعها عليه بثمن مؤجل – أي : مقسَّط – أكثر من ثمنها الحاضر ، هذا ربا ولكنه ربا فيه خداع لله عز وجل ومكر بآيات الله لأنه بدل أن يقول : خذ قيمتها الآن مائة ألف وأعطني بعد سنة مائة وعشرين ألفاً ، فهو ذهب يشتريها شراءً غير مراد ، هذا التاجر ما أرادها إطلاقاً ، ما اشتراها إلا من أجل أن يربح عليه ، فهو لم يشترها إحساناً إليه ، ولم يشترها إلا من أجل هذه الزيادة التي أخذها عليه ، فهي ربا خداع ، وربا الخداع لا يزداد إلا قبحاً وإثماً ، الربا الخداع أشد من الربا الصريح ؛ لأنه تضمن مفسدتين :

المفسدة الأولى : مفسدة الربا ، وهي الزيادة .

المفسدة الثانية : فيه مخادعة ، مخادعة لمن ؟ لله رب العالمين الذي يعلم ما في القلوب ، ورسول الله صلى الله عليه وسلم بيَّن الحقَّ قال " إنما الأعمال بالنيات ، وإنما لكل امرئ ما نوى " ، لو كان التاجر يريد الإحسان إليك لقال : خذ هذه الدراهم قرضاً عليك بدون زيادة ، نعم ، إذا كانت السلعة عند التاجر من الأصل وجئتَ أنتَ إليه واشتريت ما يساوي ألفاً بألفٍ ومئتين : هذا لا بأس به ، أما هذه الصورة التي ذكرها السائل : إنها والله حرام ولا تحل ، وأنا أسألكم الآن : هل هذه الحيلة أقرب إلى الحرام أو حيلة اليهود الذين قيل لهم لا تصيدوا السمك في يوم السبت ثم ابتلاهم الله فصار السمك يأتي يوم السبت ، ويغيب غير يوم السبت ، فطال عليهم الأمد فقالوا : دبِّروا لنا حيلة فاحتالوا وصاروا يضعون شبَكاً يوم الجمعة ويأتي السمك يوم السبت ويقع في هذا الشبَك ، فإذا كان يوم الأحد أخذوا السمك ، وقالوا : نحن ما صدنا يوم السبت ، فبماذا عاقبهم الله ؟ قال { كونوا قردة خاسئين } [ الأعراف / 166 ] ، فأصبحوا قردة يتعاوون – والعياذ بالله

يا اخي في معرض دايهاتسو الي في المعادي هو بيقسط مباشر العربيات الي عنده فقط ( دايهاتسو - هيونداي - دايو -اسبرانزا ) خليك في الحلال يا باشا والله ما هينفعك قرش واحد ربا فى الاخرة

السلام عليكم
عمرو عمارة

باشا انا اللى حبيت اوضحه نقطه واحده ان فى حاجه اسمها بيع التقسيط فى الاسلام وده طبيعى انه يكون اغلى من الكاش يعنى اللى ب 100 كاش تبقى ب 120 قسط ده مش حرام لو تم بظروف معينه
وعلى اى حال شكرا لتوضيحك بس انصح اى حد واولهم انا يوم مايجى يشترى اى حاجه زى كده يروح لاقرب مسجد جمعيه شرعيه من بيته ويسأل عن شيخ فى الافتاء كويس ويعرض عليه الصوره لانه ممكن تتغير الصوره انتو عارفين كل يوم الانظمه بتتغير
ومايعتمدش على مجرد كلام على النت
وشكرا ياعمرو

في راي الموضوع ده من اروع الموضوعات اللي استفدت بيها في المنتدى و اجمل ما فيه هو الحرص الشديد على الحلال و ده ما كنتش بصراحة متوقعه كلنا شايفين كم العربيات الجديدة اللي في البلد و اللي ماعتقدش ان كلها كاش يعني اكيدكتير منها تقسيط محرم ,ربنا يجزيكم خير جميعا
لي نصيحة اخيرة بعد كل النقاش الرائع ده ارجو ان كل واحد نوى يشتري انه ياخد العقد من المكان اللي هيتعامل معاه " و اعتقد ان النقاش انتهى لان معرض عبد اللطيف جميل هو الاقرب للحلال و بعض المعارض الخاصة زي الحاج محمود" بكل تفاصيله و يعرضه على شيخ رباني عشان يطمئن قلبه و يخرج من الحرج و المشايخ دول كتير و الحمد لله و ربنا يوفقنا جميعا لطاعته و البعد عن محارمه

في راي الموضوع ده من اروع الموضوعات اللي استفدت بيها في المنتدى و اجمل ما فيه هو الحرص الشديد على الحلال و ده ما كنتش بصراحة متوقعه كلنا شايفين كم العربيات الجديدة اللي في البلد و اللي ماعتقدش ان كلها كاش يعني اكيدكتير منها تقسيط محرم ,ربنا يجزيكم خير جميعا
لي نصيحة اخيرة بعد كل النقاش الرائع ده ارجو ان كل واحد نوى يشتري انه ياخد العقد من المكان اللي هيتعامل معاه " و اعتقد ان النقاش انتهى لان معرض عبد اللطيف جميل هو الاقرب للحلال و بعض المعارض الخاصة زي الحاج محمود" بكل تفاصيله و يعرضه على شيخ رباني عشان يطمئن قلبه و يخرج من الحرج و المشايخ دول كتير و الحمد لله و ربنا يوفقنا جميعا لطاعته و البعد عن محارمه

1000000000000000000+

يا جماعه بجد الموضوع اكثر من رائع انا بقالى 3 ساعات بدرس كل اللى كتبتوه وانا احمد مهتم جدا بالموضوع دا لانى عايز اجيب عربيه ماروتى تقسيط بس حلال
المهم بعد ما قريت كل الموضوع استخلصت ان بنك فيصل ومعرض ديهاتسو هما افضل حاجه بس بنك فيصل فى عيب واحد وانه معندوش العربيه وبيشتريها بغرضالفايده ودى فيها شك ان فيها الزام ليك انك تشتريها طالما انه اشترى العربيه اللى انت مخترها .
وبالنسبه لمعرض ديهاتسو مشكلته انه بتعامل فى اربع انواع بس ومقدم مش قليل وعلى 4 سنين بس خاصة بالنسبة للناس اللى زى عايز اى عربيه وخلاص اقل حاجه عنده هى اسبرانزا 113 ودى غاليه بالنسبه للماروتى الى كنت عايز ادفع مقدم ليها فى حدود 30% وبكدا اعتقد ان الموضوع بالنسبالى شبه منتهى بان مفيش طرقه اجيب بيها عربيه تقسيط حلال لان المعارض التقسيط المباشر بتبقى نسبه عاليه اوى وكمان مده صغيره .
الحمد لله على كل حال وشكرا ليكوا لان الموضوع دا شامل كل شى وفهمنى كل حاجه والفرق بين الحلال والحرام خاصة وسط التحايلات الرهيبه اللى بتعملها البنوك .
اسأل الله العلى القدير ان يبدلنى خير ان شاء الله وربنا يوفق كل واحد للحلال .
بجد منتدى رائع واعضاء اروع ويكفى انه المكان الوحيد اللى لقيت ردود فيه لكل اسالتى من غير ما اسال.وشكرا

المشاركة الأصلية كتبت بواسطة Anonymous

السلام عليكم و رحمة الله و بركاتة ......

هل يستطيع أحدكم أن يدلني على شخص أو معرض يمكن أن أشتري منة سيارة بالتقسيط المباشر بدون الدخول في موضوع البنوك؟؟؟؟؟؟؟
بصراحة أريد أن أشتري سيارة إلنترا 2007 اللي بـ 110.000 جنية
المقدم اللي ممكن أدفعة هو 50 ألف جنية و عايز أقسط الباقي على سنة و نص بس

يا ريت يا جماعة حد يساعدني في الموضوع دة و جزاكم الله خيرا !!!!!!!

لو عايز تقسيط روح المعرض ده :

الشركة العالمية المتحدة للسيارات
المهندسين - شارع السودان

الشخص المسئول / عمرو الجنزوري أو محمد حسن
تليفون

0129140088

0233379321

هما وكلاء دايهاتسو وبيقسطو جميع الماركات ماعدا اللانسر

الهامى
التحيه لك اولا
بالنسبه للشركه دى اللى اكتب عنها فى الموضوع الطويل دا اللى انا قريته كله اكتب انهم مبيقسطوش غير 4 انواع فقط منهم الديهاتسو واسبرانزا وكمان مبيقبلوش تقسيط اى عربيه من خارج الانواع دى بتاتا ممكن تتاكد من المعلومه ولو فى تغير لان الكلام دا كان من زمان شويه ولو صح ممكن تقلنا بيخدوا نسبه كام دلوقتىوالتامين اخبارى معاهم ولا ممكن من بيت التامين السعودى

المشاركة الأصلية كتبت بواسطة sweetheart_

الهامى
التحيه لك اولا
بالنسبه للشركه دى اللى اكتب عنها فى الموضوع الطويل دا اللى انا قريته كله اكتب انهم مبيقسطوش غير 4 انواع فقط منهم الديهاتسو واسبرانزا وكمان مبيقبلوش تقسيط اى عربيه من خارج الانواع دى بتاتا ممكن تتاكد من المعلومه ولو فى تغير لان الكلام دا كان من زمان شويه ولو صح ممكن تقلنا بيخدوا نسبه كام دلوقتىوالتامين اخبارى معاهم ولا ممكن من بيت التامين السعودى

السلام عليكم

انا روحت معرض الشركة العالمية المتحدة للتجارة اللى فى المهندسين و هما فعلا ناس ذوق جدا و عندهم الهيونداى و الدايهاتسو و الاسبرانزا و اقصى تقسيط على 5 سنوات و بياخدوا فايدة 10 % فى السنة بس لما رحت وصلوها الى 9% فى السنة و التأمين ليس اجبارى و لو عايز تامن عنده ممكن بردوا عادى و ممكن تامن بره و لو اتاخرت فى دفع القسط مابيخدوش فايدة تاخير و مابيعملوش توكيل بالبيع و بيدولك نسختين من مفتاح العربية و ليس مفتاح واحد زى باقى المعارض

و الله الموفق

طيب يا استاذ محمد ايه الشرط الجزائى على التاخير بيحكم الموضوع دا ازاى عشان الناس متتاخرش عن سداد القسط وكمان انت مقلتش هل هما بيقسطوا ماروتى او اى نوع غير ديهاتسو هيونداى واسبرانزا ولا لأ
شكرا على المجهود

المشاركة الأصلية كتبت بواسطة sweetheart_

طيب يا استاذ محمد ايه الشرط الجزائى على التاخير بيحكم الموضوع دا ازاى عشان الناس متتاخرش عن سداد القسط وكمان انت مقلتش هل هما بيقسطوا ماروتى او اى نوع غير ديهاتسو هيونداى واسبرانزا ولا لأ
شكرا على المجهود

بالنسبة للشرط الجزائى كالاتى : لو الواحد لا قدر الله مدفعش القسط فى معاده بيسيبوه 15 يوم و بعدين بيطلبوه بالقسط لو مدفعش بيتنوا القسط اللى بعده و لو مدفعش القسطين لغاية اخر الشهر بيطالبوه بدفع كامل المبلغ المتبقى ( دا اللى انا فهمته من الاستاذ محمد حسن ) و الانواع اللى بيقسطوها الهيونداى و الدايهاتسو و التويوتا ) اعتقد و الله اعلم معندهمش غير الانواع دى

على العموم حضرتك ممكن تتصلى بالاستاذ محمد حسن هو ذوق جدا و بيفهمك كل حاجه براحتك )

و اى سؤال انا فى الخدمة