معروض عليا اونو 1997 ايه رأيكم تعمل كام اليومين دول؟
علماً بانها دواخل فابريكة وبها بعض الخدوش من بره + ان الميكانيكي اللي عرضها عليا واللي صاحب العربية مش بيوديها الا عنده بحكم انه هو اللي شاريهالو من سنتين،، المهم الميكانيكي قاللي انها عايزة جوان لوش الزيت عشان بتجيب زيت _ وقاللي انها حاجة سهلة ومش مأثرة في حاجة ولو اتعملت هترجع طبيعي،، بس انا خايف من تغيير الجوان ده على السحب وكده يعني!! فهل ممكن يكون ليه تأثير وكمان عايز اعرف ليه اصلا جاب زيت من صاحبها ؟ كان بيعمل فيها ايه عشان تضرب جوان زيت وش السلندر؟؟
وللعلم انا لم اعاينها حتى الان ومعرفشي غير شكلها الخارجي فقط ومدخلتش جواها لحد دلوقتي وكنت عايز اعرف ايه كماليات الموديل ده (1997) عشان آخد بالي - يعني فيها قزاز كهربة اصلي ولا بيكون تركيب وهلبيكون في بابين بس ولا في الاربعة؟ وهل في حجات معينة ادقق النظر فيها جواها وبراها عشان اتأكد من وجودها ولا لأ؟ يعني قريت هنا ان في اجزاء ممكن تكون مفقوده في الكبوت زي اغطية على اجزاء من الماتور وكده يعني!!!
واخيرا ارجوا ان لا اكون طولت عليكم
واخر سؤال
لو ناقصة اشرة ولا وش فانوس ولا علامة الاونو يتلاقو بسهولة ولا هيغلبوني؟ اصل انا بحب ازبط كل شيء على ابوه ومبحبش عربيتي تبقى ناقصة اي شيء ولو شعرة
مستني الردود عشان انا معطل المعاينة على رأيكم الكريم
مشكله رجااااء المساعده والمشورة
السلام عليكم ورحمة الله وبركاته :
أنا عندى مشكله يا شباب كالتالى :
- أنا قبل ما أشترى العربيه .. كشفت على كبس الموتور وكان كويس خالص .. بس مش فاكر الرقم بتاع التقرير ..
- العربيه كانت متبرجله .. من كام يوم ..رحت للميكانيكى طلع البوجيهات لقى عليها زيت .فا قالى الموتور خفيف ؟؟؟!!!
- ربط كلامه مع ملاحظتى فى الفتره الاخيره ان العربيه بتاكل زيت كتير يعنى بتنقص حوالى كيلو إلا ربع كل 1000 /1500 كم
- سحب العربيه كويس مش بطال .. بس مش مثالى يعنى ... يعنى بتجيب ال 110 بصعوبه .. الموتور بيعرق ميه . بس بتخرج برزاز إسود ..
- بعد البحث على الإنترنت.. ناس قالت دى مشكله طقم شنبر عاوز يتغير وناس قالت دى مشكله كاوتش صبابات ..؟؟؟؟
- لو المشكله فعلا فى طقم الشنبر .. هل تغيره عمليه مكلفه ...؟ وهل مجديه ولا دى تعتبر مسكن زى ما بيقولوا..؟
- لو المشكله فعلا فى كاوتش صبابات .. هل تغيره عمليه مكلفه ...؟ وهل مجديه ولا دى تعتبر مسكن هيه كمان ..؟
...
أفيدونا .. وجزاكم الله خيرااااا