كون ان العربية بتغيب في الدوارة اكيد البوجيهات قديمة ومش كويسة
لو لمبة البطارية بتفضل كدة علطول يبقى على الموتور شوية وشوف هيا مضبوطة وهيا واقفة ولا بس لمية البطارية منورة؟ لكن لو اول ما بتدور بس ده عادي لان الموتور بيكون لسا بارد ومخدش دورتو صح
اما انها بتسخن بسرعة فاكيد ترموستات الكوعة عندك مش ملغية وده عادي ولو تقصد انها بتسخن زيادة عن اللزوم قلي اخبار مية الريدياتير هل بتنقص ولا لا والمروحة اخبارها ايه
ماكينة السرعة دي من الصعب اوي انها تضرب الا لو اتفكت واتركبت بطريقة غلط واسال عليها في شارع دمشق عندك محلات الشيخ علي او اولاد سعيد او السجان او زكي جرجس دول اكتر 4 محلات معروفين في قطع الاونو او استيراد عند المصرية لو ملقتهاش عند دول عليك وعلى الكيلاني في وسط البلد