اتحاد مالكي الفيات اونو

**nuclearmisslle** · 20-12-2013 02:45 AM

المشاركة الأصلية كتبت بواسطة menaaa87

يا جماعة حصلت معايا مشكلة امبارح وانا ماشى بالعربية وعلى التات 40 م العربية بطلت ومرديتش تدور تانى بعد ساعة كده تقريبا دارت روحت وركنتها
تقريبا ده عيب موبينة ومشط حد يعرف سعرهم كام وشكرا

الموضوع ده حصل معايا مرتين و كنت حتجنن مش عارف ايه السبب و روحت كذا ميكانيكي اللي يقولي غير طرمبة البنزين و اللي يقولي مش عارف ايه لحد ما روحت لميكانيكي متخصص فيات و ألفا روميو و أول ما قولتله المشكلة قالي : طقم البوجيهات اللي راكب مش بتاع العربية و فعلا كنت لسة مركب طقم بوجيهات بس مطلعش للأسف بتاع العربية و غيرهولي بطقم أصلي ومشت زي الفل الحمد لله ما قطعتش

**ahmed_zimo** · 20-12-2013 02:02 PM

السلام عليكم ياعضاء الرابطة الكراام

انا عايز اسقط ماتور البونتو 1242

لو حد يعرف التفاصيل كود الماتور سعرة حد ثقة اشترية منة
متهيالي استاذ احمد كان نتكلم عن الموضوع دة

واية رايكم في الموضوع كاكل هل هيبقي في اي تعديل ولا لاء

انا عربيتي موديل 93 كربريتير طبعا

ارجو الرد بالتفاصيل واسف علي الاطالة ومنتظر ردكم شكرااااااا

**ahmed_zimo** · 20-12-2013 02:06 PM

المشاركة الأصلية كتبت بواسطة mostafa_shandy

بص موديل العربيه اللي بتنزل فيها الموتر ده من 95 لحد 2000
المتور ده بونتو بس انا مركبه عندي في عربيتي موديل 93 بس طبعاً بالفتيس بتاعي مش الفتيس بتاع البونتو علشان لازم أغير الكبالن و عصايه الفتيس بس طبعاً فتيس البونتو أحلي
الموتور بالفتيس بموتور الباور بالانجكشن والكمبيوتر بتاعه عامل 2700
لو من غير الفتيس يبقي 2200 لو من غير الانجكشن والموتور بتاع الباور يبقي 2000 أو 1800 مش فاكر بالظبط

ياتري الماتور لسة موجود عندك ولا بعتة ؟؟؟
انا عايز اركبو علي عربيتي اونو 93 ذي عربيتك ياتري يحتاج تعديل في اي حاجة ؟؟؟
وياريت تبعتلي الكود بتاع الماتور وصورو لو امكن ؟؟؟
شكراااا

**mcit** · 20-12-2013 05:31 PM

محدش عندة الكراسى الامامية بتاعة الاونو ويعرف سعرها كام من فضلكم

**semo210** · 21-12-2013 02:39 AM

المشاركة الأصلية كتبت بواسطة menaaa87

يا جماعة حصلت معايا مشكلة امبارح وانا ماشى بالعربية وعلى التات 40 م العربية بطلت ومرديتش تدور تانى بعد ساعة كده تقريبا دارت روحت وركنتها
تقريبا ده عيب موبينة ومشط حد يعرف سعرهم كام وشكرا

المشط الاصلي هتلاقيه تركي عند الكيلاني ف وسط البلد يعمل 150 جنية وتركبه وانسي ابعد عن اي مشط تاني ارخص لاني مجرب اتنين و كل واحد ما كملش فيهم شهر والعربية كانت بتبطل مني ف نص السكة!

**السريع** · 23-12-2013 10:30 PM

المشاركة الأصلية كتبت بواسطة ahmed_zimo

السلام عليكم ياعضاء الرابطة الكراام

انا عايز اسقط ماتور البونتو 1242

لو حد يعرف التفاصيل كود الماتور سعرة حد ثقة اشترية منة
متهيالي استاذ احمد كان نتكلم عن الموضوع دة

واية رايكم في الموضوع كاكل هل هيبقي في اي تعديل ولا لاء

انا عربيتي موديل 93 كربريتير طبعا

ارجو الرد بالتفاصيل واسف علي الاطالة ومنتظر ردكم شكرااااااا

بص يابو حميد الموتور الهو البونتو ال1242 راكب عند احمد و مافيهوش مشاكل خالص و بيركب من غير اى تغير, بس انتا ممكن تعمل حاجه احسن تجيب
موتور البونتو ال 1242 بي 1800 تقريبا وهيجي شورت بلوك وتركب كل حاجتك كربراتير دينامو مارش فتيس عليه
التعديل الوحيد الي محتاجو طرمبة بنزين كهربا وتنزل ماسورة مشترك الشكمان 1 سم لتحت عشان هتخبط في القنطرة من تحت

**السريع** · 23-12-2013 10:31 PM

الشورت بلوك الي هوا موتور فاضي تماما لا فيه منافول ولا فرن شكمان ولا فولام ولا ادوات تغذية
وكل حاجة الاونو تركب عليه

**agamy22** · 28-12-2013 01:27 AM

أنا محمد رجب ضمن رابطة الأونو من 4 سنين من حبى فى هذه السياره مدوب اتنين واحد كانت 98 حمرا جنوط أسبور وبيعتها من8 شهور ب 26 ألف وندمت عليها شويه ودلوقتى معايا واحده زرقاء ميتالك عايزه وش نضافه فقط من الخارج وتور ماشاء الله رحت أظبط تاكيهات وميكانيكا وكاربيراتير وأشتريت طقم كهربا كامل جديد وأصلى السياره معايا ماشاء الله من كله حاجه فقط زى ما قولت وش نضافه فقط أنا لسه شاريها ب 25000 ودلوقتى بإسمى ورخصتها سنه عايز اعرف تعمل كام لو اعطيتها وش النضافه ده ولو ما أعطتهاش وحبيت ابيعها على كده مع العلم مصروف عليها ألف ج بتجديد الرخصه

**Magoda** · 28-12-2013 01:53 PM

السلام عليكم ورحمة الله وبركاته

إزيكم يا رجالة الأونو منورين

مجودة من رابطة مالكى الهيونداى إكسيل

عايز منكم إستشارة طبية ... معروض عليا أونو 97 إيطالى 1000cc .. شراء من المالك الأصلى السيارة عاملة 97000 ك.م ....فرش نضيف ... 4 كاوتشات جداد بطارية جديدة .. مش رشة داخلى /خارجى ...بدون تكيييف ... ماتور بحاله جيدة . رخصة 3سنين .. صاحبى بيقولى العربيه فووورة

مطلوب فيها 33000ألف جنيه

أريد أرائكم .... شكراً

**moo22** · 30-12-2013 04:43 PM

السلام عليكم .. كان عندي استفسار انا لسه شاريه عربيه اونو 1994 من يومين و هي محتاجه فتيس .. الميكانيكي بيقولي ب 850 استيراد 6 غيار .. هل سعره كده معقول ولا مبالغ فيه لانه كان قايلي قبل م اشتريها انه ب 500 . ياريت تفيدوني .