الموضوع: اتحاد مالكي الفيات اونو

انا جبتهم ب55ج غيرت بوجيهات بس

شكرا ياباشا على الرد وعلى فكرة انا متابع معاك مشكلة الشكمان عشان انا بعاني من نفس المشكلة

ياريت يا جماعة ننقاش مشكلة الشكمان صوتوا عالى الكمان سليم روحت ال 2 بتوع شكمان قالى كربرتير ضبط الكبرتير والكهرباء وبردوا

حكاية صوت الشكمان دي ممكن تكون المشكلة في الشجرة ممكن تكون أخدت كام خبطة على كام حكة وخلت الصوت عالى كدة أكشف عليها عند بتاع شكمانات وشوف لو مخرومة ألحم على طول أنا كان عندي صوت وحش جداً كشفت عليها لقيت فيها فوق ال 8 أخرام في الشجرة بس وكنت ماشي عادي ولا حاسس وأتلحم والصوت أتحسن ولكن الصوت مرجعش نظيف زي الأول الى لما غيرت الشجرة بالكامل ومش غالية على فكرة في حدود ال 100 جنيه على ما أتذكر جربوا وقلولنا مشكلة الصوت أتحلت ولا لسة .

بالنسبة للي يحب يزود هورس باور بس في حدود المعقول ولكن هيفرق في التسارع يركب علبة ديفل نظيفة على الشجرة الجديدة أنا كنت جايب علبة كاملة مستوردة مش محلي وكانت عاملة 1200 جنيه بس ماشاء الله كانت شكل وأداء وصوت حاجة من الآخر طبعاً العلب اللي ب 300 و 500 دي محلي مش هيديك الأداء المتوقع منه ودي صورة للعلبة اللي كنت مركبها كانت فتحتين زي الصورة بالظبط لأن دة أحسن شكل عجبني .

يا جماعة من فضلكم انا معايا اونو موديل 2000 انجكشن لمبة الانجكشن ساعات بتنور وتلاقي العربية مبتسحبش انا مش عارف من اية بعد كدة تروح لواحدها مع اني بحط بنزين 92 ياريت حد يفيدني ولو في حاجة ممكن اغيرها يقولي سعرها كام

نفس المشكلة كانت عندى وراحت بعد ما غييرت فلتر البنزين و نضفت الانجيكشن عن طريق fuel injection addative ودى علبة بتشتريها من البنزينة وتضيفها فى تانك البنزين

سعر فلتر البنزين حوالى 50 جنية من الكيلانى بوسط البلد

انا روحت لبتاع شكمانات اتنين بتوع شكمانات اكدولى ان الشكمان كويس مفهوش حاجةبيقولواكهرباء او كربرتير روحت غير بوجيهات وشوفت الكهرباء مضبوطة روحت ضبط هواء الكربرتير الصوت هادى شوية بس بردوا فى صوت وياريت نعمل مقابلة نشوف فعلن الصوت دة طبيعى ولة لا