عايز اعرف سعر موتور الاونو استعمال 1400 او 1300 حوالي كام
عرض للطباعة
عايز اعرف سعر موتور الاونو استعمال 1400 او 1300 حوالي كام
السلام عليكم ورحمة الله وبركاتة انا اشتريت عربية اونو 93 وكان الدبريش تقيل ورحت لميكانيكى عشان يخففة شوية وبعد كدة كل ما ادوش دبرياش العربية تفصل المهم الميكانيكى غير الكاربرتير والموبينة الكهرباء ومشط الكاربرتير المهم كانت بتفصل تانى روحت لميكانيكى تانى قالى مكنتش محتاجة الموضوع دة كلة وغير فلتر البنزين وتقل الدبرياش تانى شوبة وبعد كدة مفصلتش تانى هل دة صحيح ولا لا الحاجة التانية انى اشتريت مساعدين استير بعد ما ركبهم الميكانيكى لاقيت ان العجلة الامامية طلعة لبرة شوية روحت لبتاع الزوايا قالى دة اما يكون عيب شاسية او عيب فى المساعد كلمت بتاع المساعددين قالى ان العربية معوجة شاسية وان المساعد القديم كان معمولة زرنيجة تمام روحت لوحد معرفة يشوف موضوع الشاسية هل فعلا معوج ولا لا قالى العربية فعلا مخبوطة من نفس الجنب بس اللشاسية مش معوج وقالى ان لو الشاسية معوج هتلاقى قاعدة الماتور محتوفة وورانى ان قاعدة الماتور مظبوط فهل الكلام دة صحيح ولا لا عشان لو كدة يبقى ابيعها احسن
والله ربنا معاك لو شاسيه معوج مشكله دلوقتى مافيش حد عنده ضمير كل مكانيكيه زفت انت لو ساكن فى هضبه زي مانت كاتب روح عند بوابه رابعه عند شبراوى فى مكانيكيى هناك وكهربائى كويس ممكن ينصحك تعمل ايه
هو فعلا الشاسية طلع معوج بس من برة طب دى لو اتبعت تجيب كام من ناحية المساعد
انا عاوز اسال سؤال انا عربيتى فيات اونو93 ماتور ممكن يجيب110كم /ساعة مرتاح من غير اى رعشة والعربية فبريكا من جوة ولسه مرشوش من برة بس العيب الى فيها انها كان فيها خبطة واترديت بس مرشتش ولاقيت الشاسية الى عند الماتور سنة معوج بس مش مؤثر على العربية فى الجرى وحتى الميكانيكى قالى طالما ان قواعد الماتور مظبوطة فى النصف يبقى متقلقش من اى حاجة عاوز ابيعها تعمل كام
ممكن مساعة عايز فتيس اوتوماتيك لعاربيتي فيات اونو 1994 / 100 سي سي ممكن القيه؟ او ممكن ايه يشتغل عليها؟
بسم الله الرحمن الرحيم
انا بقالي ساعه بدور علي رابطه الاونو عايز اقولكوا إن العربيه دي انا بحبها جداً
عربيتي موديل 93 وهي معانا من 2001 لحد دلوقتي هي عامله لحد دلوقتي 141000 ك بس
العربيه تحت رجلي من سنه بالظبط بس عايز اقول كام نقطه
أولا انا غيرت الموتور وجبت موتور البونتو 1300 وركب زي الفل علي الفيتيس بتاع الاونو
لكل الناس اللي بتسأل علي مؤشر الحراره او اللمبه انا بعد الشر عنكوا كلكوا عملت حادثه من حوالي 3 اسابيع طبعاً الحمد لله مسامير قواعد الفتيس ووش السلندر اتكسروا غيرت الفتيس ووش السلندر
اتعرفت في الوكاله علي واحد الله يباركله المهم لقيت عنده عدادات فيها r.b.m و عداد الحراره طبعاً حسبلي التابلوه كامل بالعدادات ب 300 و خد التابلوه القديم
انا بقي عايز اسال حد يكون فاهم في الاونو كويس عايز ازود عزم و سحب العربيه أعمل ايه ياريت الرد
بسال على متوسط سعر فيات اونو 94 راشه خارج .. وراشه دواخل من وراه شمال حته صغيرة جدا
الحالة متوسطة فى الموتور
العفشة لسة متغيرة من اقل من سنه وفاضل بس سوسته تيجى قدام شمال ...
التكييف موجود بس محتاج يتشحن
بطارية مية جديدة
جنوط 13 سبور اندونيسى
نورت الرابطه يا مصطفى , ما شاء الله على الموتور الى معاك و قدر الله و ما شاء فعل الحمد لله انتا بخير العربيه تتعود
جرب بوجيهات ngk او boschاو mareli ب السلوك بتبعتهم 4 شمعه و دى مجاربها عندى و ممكن تغير علبه شكمانك كامله من اول الموتور لحد الديل و دى موجوده
عند واحد فى اكتوبر و فى الملك الصالح و لو خليت علبه الشكمان straight دا هايفرء فى الاداء لانك بتسهل خروخ االعادم و بردو فلتر سبور هايفرء معاك على الrpm العالى
متشكر علي الاجابه بس انا جايب بوجيهات دونسون 2 شمعه و لسه حاطط الفلتر الاسبور طبعاً علشان العمه اتكسرت السؤال علبه الشكمان او الشكمان كله اجيبه منين في اكتوبر و هيعمله كام تقريباً
وشكراً علي الاجابه
شباب اخباركم عاملين اية؟؟؟؟؟
انا معايا اونو 93 من زمان ( 3 سنين)
وعمر ماحصل فيها عطل كموتور
اليوم حصل حاجة اول مرة تحصل....
اجي ادور العربية الصبح ... تدور حوالي 20 ثانية فقط وتبطل لواحدها ... بدون مااجي يمها
واما احاول ادور تاني .. ماتدورش خالص
وريتها لميكانيكي ... قال المشكله في الكهربا وغالبا الموبينة
وغير فيوز كان محروق بس المشكله زي ماهي
ولسة ماجبتش كهربائي يشوفها....
ايه رايكوا المشكلة ممكن تكون ايه؟؟؟؟؟
ياريت رد بسرعة عشان انا مابخرجش من البيت من غير العربية ومعتمد عليها جدا...
وشكرا مقدما....
......
هو في فمصر مكان لتظبيط الاونو كما ينبغي ولا مافيش ؟
unoman
20 ليه يعنى عدت ال128 ب 5 الف جنيه لالالالالالا يا باشا ابعد عن التجار و النلس البتجيبلك سعرها الارض و اولا و اخيرا البيحدد السعر الحاله العامه بتاعت العربيه من موتور و صاج و عفشه و كهربا
mostafa basha
المنطقه الصناعيه الثانيه, قطعه 117-118 اسمو ابو اليزيد و ليه فرع قى الملك الصالح دى ورشه كبيره اوى و ناس مشهوره اوى و دى النمر0238331091-0238334090-0238334071 و السعر تقريبا بيعتمد انتا عايز صاج تقيل ولا خفيف و التكلفه تقريبا 430 ل 500
شباب سلام عليكم ... أنا معايا فيات أونو فاير 2006 وكنت عاوز المانوال بتاعها أو جدول الصيانة ... لحسن أخوكم ضايع خالص في موضوع العربيات ده :))
السلام عليكم و رحمة الله و بركاته
ياجماعة ارجوا المساعدة
انا معايا اونو 2001 هاف انجكشن 1000 cc
و الانجكشن قارفنى و باظ منى و العربية بتنتش و بتبطل
و اشتريته استيراد مرتين و كل مره حساس ال ideal يبوظ تانى
سألت , قالولى ده عيب شائع فى الاونو , و كل ما هتغيره هيبوظ بعد 6 شهور عشان العربية دى فيها مشكلة فى الضفيره و الله اعلم
المهم , العربية محتاجة 1200 جنيه عشان تغيير الحساست و الانجكشن
و دلوقتى عايزة نص عمرة , طقم شمبر وده تقريبا بيتعمل ب 800 جنيه
انا بفكر اشترى مكنة جديدة , و تكون كاربراتير , و افكنى من نص العمرة و الانجكشن خالصصص
بس قلقان من :
1- البيع للسيارة فيما بعد
2 - قطع غيار المكنة الجديدة
تنصحونى اغير وللا لا , ولو اغير , اجيب مكنة ايه ؟؟
قدامي مكنه 1300 بونتو إنجكشن ( لو عايز تقلبها كاربراتير عادي ) بالكمبريسور بتاعها موجوده المكنه حالتها نضيفه ومعايا الصور بتاعتها وانا معايا أونو موديل 93 مركب أخت المكنه دي وبرده شايل الانجكشن و مركبها علي المانفول القديم والكاربراتير
https://www.facebook.com/groups/Egyptian.UNO ده اللينك بتاع رابطه مالكي الانو علي الفيس
بص ياكبير الموتور اللي بقولك عليه موتور بونتو من موديل 95 لحد 2000 عامله كام ألف معرفش لإنها إستيراد بالفتيس ولا لا أنصحك لا من غير فتيس علشان لو أخدت فتيس البونتو علي الاونو هتغير كبالن و هتغير عصايه الفتيس الموتور بالفتيس بموتور الباور بالانجكشن بالكمبيوتر 2700
من غير فتيس 2200 من غير الانشجشن والباور هتبقي 2000 أو 1800 مش عارف بالظبط
بص موديل العربيه اللي بتنزل فيها الموتر ده من 95 لحد 2000
المتور ده بونتو بس انا مركبه عندي في عربيتي موديل 93 بس طبعاً بالفتيس بتاعي مش الفتيس بتاع البونتو علشان لازم أغير الكبالن و عصايه الفتيس بس طبعاً فتيس البونتو أحلي
الموتور بالفتيس بموتور الباور بالانجكشن والكمبيوتر بتاعه عامل 2700
لو من غير الفتيس يبقي 2200 لو من غير الانجكشن والموتور بتاع الباور يبقي 2000 أو 1800 مش فاكر بالظبط
السلام عليكم
عندى استفسار بسيط انا لسه شارى فيات اونو موديل 99 نصف انجكشن اولا هى بتحرق 160 كيلو فى الصفيحة جوه البلد اكيد ده عالى جدا فعايز اعرف ايه السبب الشائع اللى يخليها تاكل بنزين كده وانا اعمله هو صاحبها الاولانى بيقولى الرشاش وسع وعايز يتغير هل الكلام ده صح وبكام الرشاش ده وواحد ميكانيكى بيقولى شيله الكربراتير ده وجيب واحد عاده . ايه رايكو فى الكلام ده وبكام
وبالنسبة للنص انجيكشن ده بيشمى بنزين 80 ولا لأ
السلام عليكم ورحمة الله وبركاتة
انا عندي مشكلة غريبة محتاجة ساحر يحلها
مروحة الرديتير عندي بتشتغل في وقتها تمام بس الازمة انها يتشتغل وقت صغير وتفصل وبعدين تشتغل بعدها بثواني وتفصل وعلي كدة بقي لحد موصل مشواري
روحت للكهربائي قالي ترموستات تمام ياعم غير ركبلي ترموستات 82/60 ودور لقينا نفس المشكلة غيرت الترموستات 80/90 دور جت علي درجة حراره 90 واشتغلت وبرضة نفس المشكلة هاتجننن مش عارف اعمل اية الكهربائي قالي يمكن يكون الراديتير مسدود روحت لبتاع الرديتير عمل دورة مية قالي تمام مش مزدود ولا حاجة قالي يمكن الترموستات دي بيظة جيب الترموستات من محل موثوق فية
اجيب الترموثتات دي منين ونوع اية ؟؟؟؟
وهل ممكن تبقي طرمبة المية فيها حاجة ؟؟؟
معلش انا عارف انها مشكلة رخمة بس انا متاكد اني ان شاء الله القي حلها هنا
وكل سنة وحضرتكم بخير وان شاء الله السنة الجاية نكون كلنا علي جبل عرفات امين امين امين امين
سلام عليكم
اولا احب ان اهنئ كل الاخوة الكرام ايلى فى المنتدى بمناسبة العيد الاضحى
واعاده الله عليكم بالخير
ثانيا انا عندى مشكلة فى الكبالن ولازم اغيرهم فى اقرب وقت ومحتار اجيبهم منين حاجة نضيفة وتمام متتعبنيش بعد كدة فى ناس بتقول صينى كويس وناس تانية تقول
الايطالى معلش يا جماعة انا طولت عليكو بس بجد الموضوع ده شغلنى ياريت الاقى رد من اصحاب الخبرة ولكم جزيل الشكر
كل سنة وانتو طيبين
يا ريت لو حد من الأعضاء عندة حاجة تسعينات حاجة كويسة
يعنى اونو مثلا 92,93,94 ماشى الحال وذى الفل وبيفكر يبيع يا ريت يقولى
مع العلم ان دي اول عربية ليا بس انا حاببها جدا
دلوووني يا ولاد الحلال
مساء الفل يا رجالة الاونو العيد خلص ومحدش ناوي يرد علينا ولا ايه
ازيكوا يا جماعة
انا عضو جديد فى المنتدى وبصراحة اعجبت بالمعلومات اللى فيه
وعندى استفسار: انا معايا 25000 الف وعايز اعرف ممكن اجيب بيهم ايه ؟
هل يجيبوا شاهين كويسه ولا اجيب رريجاتا ولا فيات اونو
مع العلم انا هعمل بالعربية 100 كم فى اليوم تقريبا وشكرا
لو سمحتو يا جماعة سعر الكبالن كام اصلها معروضة عليه
ايطالى ب300 جنية ولا كدة كتير يريت حد يفدنى
يا جماعة حد يريحني
فتيس بونتو 95 يركب علي موتور اونو 93 ولا بيتغير بالموتور
ياجماعة انا عرض عربيتي للبيع عشان في عندي ظروف
العربية موديل 93 زيتي الرخصة تنتهي 3/2015 البطارية جديدة بالضمان من اقل من شهر 4 فرد تيوبلس من حوالي 8 شهور مساعدين منورو من 10 شهور بالظبط غير لسة مغيرلها سوست امامي وبيض طرف وحاشي علبة الدركسيون وكبالن ايطالي جديدة من شهر واحد وسنتر لوك زانظار طبعا العربية فبريكة جوة ورشة برة وللعلم فية خبطة في الكبوت كاسيت بيونير وسمعات سيمفوني فرش الفبريكة والصلون ممتاذ وعلي فكرة كل حاجة ركبه فيها معايا الفواتير انا طالب في العربية 26500 نهائي للاتصال 01009052275
يا جماعه العربيه فيها مشكله لما اجى ابطل العربيه مش بترضى تبطل وتفضل تترج مده كبيره وبعد كده تبطل العيب ده مجننى خاصه وان اكتر من خمسه ميكانيكيه شافوها وكل واحد برأى وانا محتار ارجو المساعده
بص حضرتك بما انك فى رابطه مالكى الاونو فاكيد كله حيرشحها لك طبعا الريجاتا صعب شويه والشاهين لو حاله كويسه متهيألى حتحتاج تزود المبلغ اللى معاك بلنسبه بقى لموضوع ال100 كيلو يوميا متهيألى حيبقى كتير شويه على الاونو مع العلم انا بعمل بيها حوالى 50 كيلو كل يوم
لسلام عليكم ورحمة الله وبركاته
انا اول مرة اشارك هنا لكنى عاجبنى مشاركات حضراتكم جدا وعايزة بخبرة حضراتكم اسالكم على شوية حاجات عن الفيات لانى بدور على عربية ولسة مش لاقية حاجة كويسة
انا اصلا كنت بدور على اونو ايطالى كاربراتير بحالة نضيفة بس للاسف كلهم موديل 93 و 94 وحالتهم تعبانة فقولت خلاص مش شرط الكربراتير واتجه للانجيكشن مع ان اغلب الناس خوفونى منه وقالولى ان مشاكله كتيرة فدورت فى الاونو الاعلى موديل 2000 و2002 مع العلم انهم بولندى مش ايطالى
وفى الاخر قولت طيب ازود شوية فى الفلوس واشوف سيينا وخلاص واهو تبقى مكيفة واحسن برضه مع العلم انى بفضل الهاتش باك بس دورت والنهاردة شوفت واحده سيينا 2002 -1600 سي سي كانت عاملة 35000 وحالتها معقولة بس انا الرينج اللى حاطاه مش واصل للسعر ده للاسف
دورت برضه فى الاوبل بس اعلى وعرفت ان قطع الغيار اغلى
يعنى معايا 31000 تنصحونى اجيب اية بالمبلغ ده وياربت اللى يعرف حد بيبيع عربية نضيفة فى الرينج ده فى اسكندرية يقولى
وشكرا ليكم جميعا
اونو 2002 حالتها كويسة تعمل كام؟؟؟
[QUOTE=sally_said21;3875245596]اونو 2002 حالتها كويسة تعمل كام؟؟؟[/QUO
على حسب الحاله بس مش اقل من 30