و فى اونو بتنزل بتكيف كمان, الفكره هاتشغلو جوه البلد فى راى ملوش لازمه لانك مش هاتاخد منو الاداء الفظيع و هاتتعب العربيه عشان حمل عليها فا هاتتطر تقفلو يبقا يابوزيد كأنك ماغزيت
عرض للطباعة
التاره مابتتحركش الحل انك ترجع بالكرسى ورا, مالهاش حل تانى و شكلها عربيه متحافظ عليها, حوار النوعيه دا ايه مش فاهمو يعنى ايه نوعيه ؟؟؟؟, ماروتى ايه يا راجل اللى بتقارنها بالاونو مع احترامى للركبين ماروتى, الماروتى اضيق بكتببر, حوار الفانوس دا ايه يعنى خبط فا كان لازقو ولا ايه, انتا شكلك ليك فى العربيات فا مش هاسالك على حاله الماتور عشان اكيد شوفتها
حتة برومة في العتبة بتاعة نفس الباب و قالي مش هي دي اللى توقف عليها البيعة دي برومة بسبب الغسيل و دي تتعمل في ما فيش وقت
هو كلامو صح قعلا هى من الغسيل و سهله بتتعمل فعلا ماتقلقش
في فانوس يمكن عاوز يتغير علشان هو لازقه بسوليتيب
يعنى هو غمل حادثه فا لازقو ولا اييه ؟؟
لكن النوعية دي انت اللى تسأل فيها الناس و تشوف رأيهم ايه بما انك عاوز تجيب اونو
عربيه 1000cc يعنى بتستهلك 8 9 لتر فى ال 100 كيلو دا ولا العربيات الجديده و قطع الغيار موجوده و عند اكتر من الواحد و حجات اصليه
انا حاسس ان العربيه نضيفه بزياده و دا يقلقك بردو, انا عن نفسى اما كنت بشترى عربيه كنت افك فرش الببان و ابص واخد خابطه و مديها كام صاروخ
فرش الكابوت يتشال و يتبص تحتو فرش الشنطه يتشال و يتبص تحتو, بس شكلك ليك فى العربيات فا فاهم اليله دى
مدام عجباك و كلو تمام توكل على الله, و اى حاجه انا تحت امرك
انا اشتريت اونو 2000 هاف انجيكشن من اكتر من سنه لاكن كان فيها لمبه حمرا منوراه عليها رسمه شكمان صاحب العربيه اللى قابلى قالى انه حساس الشكمان اللمبه بتاعته معقلقه عايزه تتحط على جهاز حاولت ادور كتير على كهربائى عنده كمبيوتر مالقتش دى حاجه المشكله التانيه اللى قادمى العربيه من يومين وانا سايق على السرعه العاليه تحس ان فى حد بيشدها لوره بشويش وبعدين ترجع لطبيعتها قولت يمكن وحاجه فى البنزين وهاتروح بعد ماركنت يوم كامل جاى ادورها انهارده بتفصل مهما ادوس فى بنزين وهى على المور بعد كده فضلت شغاله لاكن بقت بتنتش جامد على الاول ركنتها تانى ومش عارف حلها رغم انى مغيرلها طربمه البنزين من سنه وده اول مره الطرمبه تتغير فيها على حد قول الكهربائى وكنت مغير البوجيهات من قيمه شهر ونص هو وفلترالبنزين ياريت حد يفدنى وشكرا
الحل بسيط :
أنا معايا أونو 99 هاف إنجكشن برضة و حصلت معايا قبل كدة موضوع النتش دة
و كنت حاسس أن أنا سايق حصان مش عربية
الميكانيكة قالى الإنجكشن عاوز يتغير
بس فى طريقة عملتها و الحمد لله نجحت
و الكلام دة مش حيقولهولك أى ميكانيكى
من الآخر ... أفصل كابل الكهرباء بتاع البطارية حوالى نص ساعة ( و الغرض فصل الكهرباء عن الكارتة) و بعدين رجعها تانى بس رجع الطرف السالب و بعدين الموجب و حاول أن الطرف الموجب يركب مرة واحدة بدون تقطبع (يعنى متخليش الكهربة تفصل و ترجع كذا مرة) جرب و أدعيلى
السلام عليكم يا جماعة انا صديق جديد لسه منضم الى اتحاد مالكى الفيات اونو فارجو ان تفيدونى
انا بدور على قطع غيار السيارة موديل 94 لسه شريها من شهر ومحتاج وش الفانوسين الخلفى واكصدام ومش لاقى العلامات الخاصة بكلمة اونو وفيات اللى بتكون متركبة على الشنطة ومحتاج اغير سير الكاتينه ومش عارف افضل نوع ايه لا ناس كتير قالتى لازم تشتريه جديد لان له عدد كيلو مترات معين وانا اشتريت فلتر هواء بس مصرى وفلتر بنزين من اللى موجود فى السوق بخمسة جنيه غير اللى راكب فيها لونه اسود وكبير فى الحجم ومكتوب عليه تركى فهل فيها حاجات نضيفة شوية وايه انسب زيت يتحط للاونو لان الميكانيكى قالى حط زيت تعاون لانه زيت ثقيل وبيريح المتور القديم لان زيت موبيل 1 حامى على العربية القديمة .؟؟ افادكم الله وشكرااا لى حد يفيدنى ويساعدنى انا من الاسكندرية اشترى منين او منين اشترى من بنها او القاهرة
Mido Alex
بص ياباشا انا بردو من اسكندريه .. قطع الغيار حتلاقيها عند اى حد بتاع فيات ومش حتدوخ ما تقلقش ... والإكصدام والعلامات والكلام ده كلو انزل صلاح الدين عند بتوع الإستعمال عشان الإكصدامات اللى استعمال خارج احسن عشان بتبقى طريه شويه عند الجديد عشان الإكصدام ما يتكسرش كل شويه وعلى العموم لو عاوز اى حاجه للعربيه انا معايا اختها وبيبقى عندى قطع الغيار القديمه ولو عاوز اى حاجه منها من اللى معايا تمشى نفسك بيها كام يوم لحد ما تجيب الجديد كلمنى وابقا رجعهالى تانى .. قشطه سلام
Mido Alex
بص ياباشا انا بردو من اسكندريه .. قطع الغيار حتلاقيها عند اى حد بتاع فيات ومش حتدوخ ما تقلقش ... والإكصدام والعلامات والكلام ده كلو انزل صلاح الدين عند بتوع الإستعمال عشان الإكصدامات اللى استعمال خارج احسن عشان بتبقى طريه شويه عند الجديد عشان الإكصدام ما يتكسرش كل شويه وعلى العموم لو عاوز اى حاجه للعربيه انا معايا اختها وبيبقى عندى قطع الغيار القديمه ولو عاوز اى حاجه منها من اللى معايا تمشى نفسك بيها كام يوم لحد ما تجيب الجديد كلمنى وابقا رجعهالى تانى .. قشطه سلام
وكمان نصيحه منى انسى موضوع العلامات دة عشان حتشتريها غاليه وحتتسرق بعديها بيومين فمالهاش لازمه
السلام عليكم يارجاله الأونو . انا معايا اونو 94 من حوالى تلات سنين وكنت ماشى بيها من غير حساس الحراره . (الصراحه انا مش فاهم اللمبه اصلا لحد دلوقتى) المهم جبت حساس انهارده بعد لما غيرت الردياتور . بس تقريبا الراجل ادانى حساس حراره أمبير بدل اللمبه .. وبما انى مش فاهم شغله اللمبه فهقول اللى حصل معايا وانتو قولولى
اول ركب افتح كوناكت اللمبه مقفوله (العربيه بارده)
سخنت شويه وبعديها بطلت العربيه ودورت تانى اللمبه اشتغلت بس نور ضعيف
قفلت العربيه وروحت اكمل شغلى ونزلت من الشغل من ساعت مدورت لحد ماروحت البيت واللمبه شغاله بس بدرجات نور (الاول كان ضعيف وفضل يزيد طول الطريق)
انا حاسس انى ادانى حساس امبير عشان بيقل ويزيد (بس طبعا مش متلاحظ عشان اللمبه)
السؤال بقى .. هل ده فعلا كده يبقى حساس أمبير ...
والسؤال الاهم ؟؟ هيا اللمبه بتشتغل ازاى :) يعنى المفروض تفضل مطفيه لحد نالعربيه تسخن وتشتغل ولا هى المفروض تبقى ازاى
صباح الفل على الرجالة الحلوة
انا لسة جديد هنا فى المنتدى
المهم انى لسة شارى عربية اونو موديل 1998
العربية حلوه مفيهاش اى مشاكل فى الميكانيكا الحمد لله
هى بس محتاجه تتروق من برا يعنى يتصرف عليها 1500 جنية تشدها من برا شده حلوه دوكو ولوازمة
الي كان بيسأل على الاسعار انا جبت العربية ب25000 الحمد لله وكل الي شافها قالى انها لقطه علشان مكنتها وسحبها وعفشتها حلوين
الصراحه العربية حلوة ومناسبة جدا
بس كان ليا استفسار
العربية تشيل كام فرد يعنى لو ركبنا ورا 3 افراد يبقى بتعب العربية ولا اية ظروفها
غير كدا ياريت الي عنده اى فكره عن أخر اسعار قطع الغيار يفدينا كلنا
انا لسة مغير زيت شيل 5000 الجركن الأصفر + الفلتر + مصنعية التغير ب 170 جنية
والناس نصحتنى بزيت شيل ال 5000
عاوز اغير حبه حاجات وعاوز اعرف اسعارها
1- فوانيس خلفية
2-باغه الفوانيس الأمامية
3- اكصدام أمامى
4- أكصدام خلفى
للعلم بس انا هغيرهم من باب التجديد لكن هما مش مغدغين يعنى [/quote][/color]
أول تجربة ليا بالسفر بالأونو، روحت راس البر، حوالي 300 كيلو من مكاني، روحتها بدون توقف في الطريق، أقصي سرعة جيبتها 130 وما رديتش أزود عشان كان معايا الأولاد، كنا راكبين في العربية 3 أشخاص كبار وطفلين 7 و4 سنوات زائد الشنط :)
الحمد لله العربية تمام طول الطريق. بس لما روحت راس البر وسيبتها يوم كامل من غير ما اشغلها جيت أشغلها ما اشتغلتش وطلع العيب في البطارية، تقريبا عايزة تتشحن أو تتبدل. ربنا يستر في الرجوع إن شاء الله\. بالمناسبة العربية عملت معايا 15 لتر في المشوار.
السلام عليكم يا جماعة ممكن حد يفيدنا فى اماكن قطع الغيار والاكسسوار الخاصة بالاونو فى الاسكندرية علامة او نو وكلمة فيات اللى على الشنطة وفوانيس الخلفية .. وشكرااا للجميع
ولو سمحتم حد يفيدنى فى رسوم نقل الملكية لفيات اونو موديل 94 لانى لسه شريها من شهر وفى شهر 10 القادم انتهاء رخصة السيارة يا ريت الافادة بجميع التكاليف والاوراق المطلوبة وشكراااا لكم ؟؟؟؟
واحد صاحبي اخد العربية مشوار رجعت بتكركر و بتسقف و بتخبط كمان لما بتدوس بنزين - صاحبي مش غشيم و هو اللى معلمني السواقة و هو اللى كان بياخدني للصنايعية لما كان بيبقي في مشكلة في العربية علشان ما حدش يتهمه انه بوظها او عمل فيها حاجة لانه تقريبا بيخاف عليها يمكن اكتر ما انا باخاف عليها لحداثتي في السواقة
العربية اول ما جبتها وديتها لميكانيكي عملها عمرة جوان وش سلندر
كلفتني حوالى 600 ل 700 جنيه
و قالي امشي سلانسيه علشان ما تعمرش منك فانا بالتالى كنت باتعلم فسبتها لصاحبي ده هو اللى يلينها و تم بالفعل الكلام ده من حوالى 15 يوم او اقل
و بعد ما بقت تمام و ينفع تتركب ابتديت اركبها يوم ورا التاني و اقضي بيها مشاوير للعفشجي و الكهربائي و هلم جرا
المهم اني صرفت عليها بتاع 4 تلاف جنيه لحد النهاردة ما الموقف ده حصل
اتصل بميكانيكي يعرفه علشان النهاردة الجمعة و مش هايلاقي حد فاتح و الميكانيكي اللى عمل النص عمرة الاولانية موبايله مقفول فالميكانيكي قاله في الاول زيادة في الكهربا ! و لما سمعه الصوت علي الموبايل قاله لا دي كدة هاتحتاج عمرة !!!!
فانا دلوقتي محتار و المفترض انى اروحله بكرة ان شاء الله مع صاحبي ده و مش عارف هايبقي ايه الحل لو قالي تعمر تاني
مش ناقصة مصاريف هي
اصلي مش هاجيب اونو علشان اوفر اقوم اصرف عليها و اوصلها تمن اللانوس ولا الاكسنت
المهم دلوقتي سؤال خطر علي بالي لما قالي هاتحتاج عمرة
ايه الماتور الانسب اللى اجيبه بدل وجع دماغ العمرة !
سعره ؟ ومكانه ؟ و نوعه ؟ و سعته؟ و ايه الاجراءات اللازمة علشان يتثبت؟
العربية 92 و الماتور اللى فيها 1000 سي سي و فيها مروحة التكييف اللي بتدخل هوا سخن دي
ايه المناسب بقي علشان لو فكرت اشتري كمبرويسور التكييف بالمرة
سمعت عن موديلات للمواتير زي التيربو و الفاير و حاجات كدة ما افهمهاش
ياريت الافادة في اسرع وقت للاهمية القصوي
انا ان شاء الله حستلم انهارده اونو 2000 اخدتها على 29000 هي فيها شوية خبطات بسيطة بس الاساس كويس
انا كنت عايز اعرف ايه المفروض اهتم بيه في العربية ده و اتبعه علطول و اغيره كل فترة انا مش خبير خالص في العربيات
انا كمان قلقان منها انها هالف انجكشن فكنت عايز اعرف ده حاجه كويسه ولا وحشة
وكمان ايه رايكم في السعر
و ايه المفروض اغيره لما استلم العربية و اتاكد منه
في حاجه كمان انا لاحظت ان العربية وطية شويه انا لما بركب اللادا و بنزل منها بنزل مستريح بس في الاونو 2000 انا بنزل بصعوبه شوية هل ده طبيعي في العربية تكون وادية شوية ولا اوديها لحد بتاع عفشة
و لو لعفشة فيها مشكلة ممن اصلحها بكام و فين
انا من اسكندرية
السلام عليكم
انا عاوز ابقى عضو فى المنتدى عندكو فبدور على حتة اونو 93 فى اسكندرية تكون حالة نضيفة ومش متهانة ومش محتاجة مصاريف فلو حد يعرف حاجة يقوللى او حتة انزل ابص فيها لانى جديد فى شراء العربيات
وشكرا
اولا انا معايا اونو 1993 انا محتاج اعرف ايه افضل نوع زيت موتور ممكن اشتغل بيه وهل لازم اغيرفلتر الزيت كل مره ولا لأ
محتاج اعرف طريقه تغيير لمبات التابلوه
ومنين اجيب فوانيس الشبوره وسعرها كام دلوقتى تقريبا
وايه اللى ممكن يخللى العربيه سحبها افضل
:ask:
يا صباح الفل
بص يا باشا افضل نوع زيت هو شيل الاصفر ال5000 ويفضل انك كل ماره تغير زيت تغير معاه الفلتر انت عارف الجو عندنا فى مصر كل اتربه وبعدين الفلتر بيعمل من 15 الى 25 وبيركبلها فلتر الشاهين عادى مفيهوش مشكله اهم حاجه يركب بدون اى مشاكل ويكون القطر بتاعه نفس مقاس قطر المكان بتاع فلتر الزيت
انا غيرت اخر ماره الزيت بالفلتر بالمصنعيه عملوا معايا 170 جنيةالكلام ده من اسبوعين
انا مركب في الاونو بتاعتي تكييف ساندن..نصيحه بلاش..انا بطلت اشغله اصلا وكل ما بشغله تحصل مصيبه..ده غير انه بيهلك الموتور فعلا
من فضلكم عايز اشترى انو وقدامى انو 2001 حاله كويسه جدا ب 31 الف فيها سنتر وزجاج امامى كهربا
1- هل موديل 2001 انجكشن؟ وبالنسبه لقطع غياره نفسى الكربيراتير؟ وبالنسبه للصيانه لانى سمعت ان الحساسات عيب شائع ف الانو ويظهر فيها مشاكل ؟
2- لو قدامى 97 و2001 نفس السعر نصيحه اجيب ايه فيهم؟
بص يا باشا الي انا اعرفه انالكربرتير احسن وممكن تحط بنزين 80 ومشاكله قليلة عن الانجيكشين بتاع 2001 لان الحساسات فى 2001 بتعمل مشاكل كتير بس طبعا عمرها ما عتدفع نفس التمن بتاع ال2001 فى اونو 97
سعر الاونو ال 97 لا يتعدى 28 على حسب حالتها
يعنى تكون حالتهال كالتالى
1- فبريكه جوا من الحوض للشنطه
2- ممكن طبيعى تكون راشه برا ( ومش فارق قوى موضوع اذا كانت راشه حزام او راشه السقف مدام انت متاكد انها هتكون فبريكه جوا كلها )
3- طقم كاوتش جديد
4- الماتور بحاله ممتازه ميكونش اتعامله نص عمره
5- المساعدين كويسين و الكبالن والمقصات تمام
غير كدا نزل فى سعرها على قد ما تقدر
وطبعا تابع المشاراكت الي قبل كدا هتلاقى كلام مفيد جدا جدا جدا اكتر من الي انا قولتهولك
الف شكر ياباشا ع الرد واتمنى لو حد قدامه عربيه يقولى... شكرا
من فضلك أجيب منين مياة خضراء
المياه الخضرا ممكن من اي بنزينه او محل رادياتيرات او قطع غيار
اصبحت منتشره جدا
ونصيحه انا جربتها والحمد لله شغاله كويس جدا من اكتر من 7 شهور
بدل ما حضرتك نملي الرادياتير كله مياه خضرا ... ممكن تملي الرادياتير ونحط بس نص لتر مياه خضرا وهتدي نتائج هايله
ممكن نضطر نزود مايه كل شهر مثلا مع احتفاظ الرادياتير بحالته وسخونة العربيه
ويفضل لما نيجي نزود نحط مياه خضراء
يا جماعة انا بدور على اونو وشايف من معظم المشاركات ان الكربراتير سبب معظم المشاكل فى العربية و الانجكشن صعب صيانته و تصليحه ... ادور على انجكشن ولا كربراتير
سعر المياة الخضرا كام
السلام عليكم
انا اشتريت أونو 97 بس الفرامل مش بتمسك كويس مع العلم اني غيرت تيل الفرامل
هل هي كدة محتاجة طنابير جديدة و لا أغير طنابير أمامي وخلفي وأسعارهم ايه برجاء الافادة
ياصباح الفل على رجالة الاونو
انا معايا أونو 98 وكنت عاوز اسئل حد يعرف سعر طقم دبرياج كاااااااااااامل حد يعرف يعمل كام ؟؟؟!!
يا جدعاااااااااااااااااااااا ااااان هو انا بتكلم هنا لوحدى مال المنتدى بقى كله خمول فى خمول كدا ليه
عموما انا بس حبيت اقولكم انس سئلت على طقم دبرياج الانو 98 ولقيته فى شارع فيصل عند يوسف ب 300 جنيه ( اسطوانه + ديسك + بلية )
السلام عليكم ورحمة الله وبركاته
لسة شارى عربية فيات انو 93 من حوالى شهر .. العربية ماشاء الله فبريكة .. والعربية رفعتها لقيتها من تحت احسن من فوق كمان.. وديه اول عربية ليا .. اوتجربة معايا تغيير زيت الماتور .. فى بنزينة التعاون تحت كوبرى الدقى التعاون 3 الاف sj .
86 جنية وفلتر 30 جنية ..
طيب يا باشا الف شكر على الرد بس كان ليا سؤال كدا المصنعيه تعمل كام ؟؟؟؟؟؟؟؟؟
شباب العربية و لما بدورها بتكون كرهرتها شغالة كويس اشارت و نور تمام لكن لما بمشي بيها بتفضل تضعف واحده واحده لحد ما تروح خالص العربية بتفضل دايرة لكن مفيش كلكس و لا كشفات ولا اي كهربة ولما افصل العربية شوية وا رحع ادورها الاقي الكهربا رجعت
وهكذا ده عيب ايه