اتحاد مالكي الفيات اونو

**ahmadcrespo** · 13-08-2015 07:52 PM

المشاركة الأصلية كتبت بواسطة mohaswany

السلام عليكم
أنا اشتريت من أسبوع آونو ٢٠٠٠
و دى اول عربيه ليا
و من أسباب اختياري لها قراءتي لبعض مشاركات الرابطة هنا
و ألعربيه فعلا جميله
عربيتي مغيرة موتور و راكبلها موتور ١٣٠٠ بتاع ٢٠٠٢ حسب كلام صاحبي ال اشتريتها منه
لكن و أنا بابص علي مقاس الزيت لقيت المتور مكتوب عليه فيات لانشيا
ال قالقني أني في اسوان و العربية دي مش منتشرة
فهل الموتور ده قطع غيارة زي سير الكاتينة و الدينامو متوفرين؟
و كمان لما شيكت علي الفرامل بتاع الفرامل قالي غير الماستر و ركب ماستر ١٢٨ عشان جلوده متوفرة هنا
أرجو الافادة

مبروك العربيه وهيا تستاهل... ربنا يرزقك خيرها و يبعد عنك شرها
انا كان نفسي افيدك في توافر قطع الغيار في اسوان يا ريت حد من اسوان يرد
بس هنا في القاهره وزملائي في اسكندريه متوافره ورخيصه وزي الفل الحمد لله

اسال حد تاني بتاع فرامل واسأل علي اماكن تجمعات الناس بتوع قطع الغيار في اسوان واكيد هتلاقي انشالله

**Mohaswany** · 14-08-2015 01:50 AM

المشاركة الأصلية كتبت بواسطة ahmadcrespo

مبروك العربيه وهيا تستاهل... ربنا يرزقك خيرها و يبعد عنك شرها
انا كان نفسي افيدك في توافر قطع الغيار في اسوان يا ريت حد من اسوان يرد
بس هنا في القاهره وزملائي في اسكندريه متوافره ورخيصه وزي الفل الحمد لله

اسال حد تاني بتاع فرامل واسأل علي اماكن تجمعات الناس بتوع قطع الغيار في اسوان واكيد هتلاقي انشالله

جزاك الله خيرا
والله العربيه جميله جدا و عجبانى
بس ابتديت اكتشف فيها شوية امور كده
اهمها ان قطع غيارها فى اسوان مش موجودة
و انا اشتريت العربية دى من واحد صاحبى ......اول ايد
و اساسياتها ممتاذة
بس هو للاسف فى امور ما صارحنيش بيه
يعنى هو مفهمنى انه مغير موتورها ال 1000 و مركب 1300 بتاع اونو 2002
و انا خدت الكلام ثقة
و بعدين لقيت الموتور مكتوب عليه فيات لانشيا مش اونو
و الفتيس بيجيب زيت من تحت قالولى انه عاوز اويلسى زيت فتيس و مش لاقيه ولا حتى عند الكيلانى

**Moataz.samy** · 14-08-2015 05:19 PM

السلام عليكم
دى اول مشاركه ليه فى المنتدى
انا ان شاء الله ناوى اجيب اونو قريب ان شاء الله
و شوفت واحده موديل 93 عامله 140 الف كيلو و صاحبها عاوز فيها 32.000
و واحده تانيه موديل 97 و عامله 175 الف كيلو و صاحبها عاوز فيها 28.000
انا لسا حروح ابص عليهم مع ميكانيكى لانى شوفت اعلانهم على دوبيزل
بس انتو تنصحونى بيها و لا لا .. و انا بصراحه محتار .. و عارف ان الموديلات قديمه شويه بس هى الحقيقه على اد الميزانيه =d

**ahmadcrespo** · 14-08-2015 11:24 PM

المشاركة الأصلية كتبت بواسطة moataz.samy

السلام عليكم
دى اول مشاركه ليه فى المنتدى
انا ان شاء الله ناوى اجيب اونو قريب ان شاء الله
و شوفت واحده موديل 93 عامله 140 الف كيلو و صاحبها عاوز فيها 32.000
و واحده تانيه موديل 97 و عامله 175 الف كيلو و صاحبها عاوز فيها 28.000
انا لسا حروح ابص عليهم مع ميكانيكى لانى شوفت اعلانهم على دوبيزل
بس انتو تنصحونى بيها و لا لا .. و انا بصراحه محتار .. و عارف ان الموديلات قديمه شويه بس هى الحقيقه على اد الميزانيه =d

ربنا يوفقك يا باشا بس الاسعار عاليه شويه يا ريت تفاصل
اونو 93 تعمل اخر 29 اه 30 لو حاله ممتازززززززززززززززززه
اونو 97 تعمل اخر 26 اه 27
يعني فابريكه وجنوط وكدا
انما 32 علي موديل 93 كتير بصراحه
اسأل علي الاسعار قبل ما تنزل يمكن انا بقالي كتير مش داري بالاسعار

**hossam 2015** · 17-08-2015 01:18 PM

السلام عليكم و رحمة الله
اريد راى حضراتكم فى الفيات اونو 1994 اتوماتيك 1400 سى سى
لان معجب جدا بخبراتكم فى السيارة دى و اتمنى تفيدونى من حيث قطع الغيار و توافرها خاصة انها اتوماتيك
و هل فى مشكلة او عيوب مشهورة فى الفتييس الاتوماتيك للموديل دا
و شكرا جزيلا

**hossam 2015** · 18-08-2015 05:25 PM

المشاركة الأصلية كتبت بواسطة hossam 2015

السلام عليكم و رحمة الله
اريد راى حضراتكم فى الفيات اونو 1994 اتوماتيك 1400 سى سى
لان معجب جدا بخبراتكم فى السيارة دى و اتمنى تفيدونى من حيث قطع الغيار و توافرها خاصة انها اتوماتيك
و هل فى مشكلة او عيوب مشهورة فى الفتييس الاتوماتيك للموديل دا
و شكرا جزيلا

اتمنى الرد للافادة
و شكرا جزيلا

**ahmed mousa70** · 28-08-2015 09:16 PM

عربيتي أونو 93 العربية بتدردر مني لما اجي أبطل كونتاك ، والعربية مبرجلة كدا وانا واقف ومدور بتترعش ، المهم رحت لميكانيكي قالي نغير بك السلانسيه غيرته ونفس العيب قعد يعلي ويوطي ف المكنة مفيش بص ع الاسبراتير قالي مش منه وقعد ينفخ هوا بمنفاخ كدا واخر ما عجز قالي روح ل بتاع كاربيراتير
المهم رحت لميكانيكي تاني قالي البك ال انت مركبة مش شغال رجعنا القديم وقالي غير بوجيهات غيرت 4 بوجيهات وقالي سلك البوجيهات مش حلو المهم اشتريت وغيرنا طقم سلك البوجيهات هووب نفس العيب بردو وتحس الميكانيكي توه ومش عارف يعمل حاجة وانا تعبت مش عارف العيب من إيه والميكانيكية تعبت كل مروح لواحد يقولي غير وغير وحتفتح معايا مصاريف كدا مع العلم دي أول ركوبة ليـا ومحتاس العربية شاريها بقالها شهر معايا وكانت شغالة كويس وبدأت تستندل وبتدردردردردردردردردرددرر ررررر مع العلم مفيش ولا دخانة سودا ولا بيضا ف الجكمان
ارجو الرد من خبيري فيات اونو

**ahmadcrespo** · 03-09-2015 06:16 PM

المشاركة الأصلية كتبت بواسطة ahmed mousa70

عربيتي أونو 93 العربية بتدردر مني لما اجي أبطل كونتاك ، والعربية مبرجلة كدا وانا واقف ومدور بتترعش ، المهم رحت لميكانيكي قالي نغير بك السلانسيه غيرته ونفس العيب قعد يعلي ويوطي ف المكنة مفيش بص ع الاسبراتير قالي مش منه وقعد ينفخ هوا بمنفاخ كدا واخر ما عجز قالي روح ل بتاع كاربيراتير
المهم رحت لميكانيكي تاني قالي البك ال انت مركبة مش شغال رجعنا القديم وقالي غير بوجيهات غيرت 4 بوجيهات وقالي سلك البوجيهات مش حلو المهم اشتريت وغيرنا طقم سلك البوجيهات هووب نفس العيب بردو وتحس الميكانيكي توه ومش عارف يعمل حاجة وانا تعبت مش عارف العيب من إيه والميكانيكية تعبت كل مروح لواحد يقولي غير وغير وحتفتح معايا مصاريف كدا مع العلم دي أول ركوبة ليـا ومحتاس العربية شاريها بقالها شهر معايا وكانت شغالة كويس وبدأت تستندل وبتدردردردردردردردردرددرر ررررر مع العلم مفيش ولا دخانة سودا ولا بيضا ف الجكمان
ارجو الرد من خبيري فيات اونو

يا سلام يا باشا بتفكرني بعربيتي اول لما جت
المهم ... حضرتك يروح لحد تخصص كربراتير بس يفكلك الكربراتير ويظبطه كله اول عن اخر ده المفروض يشيل الرجه وانت بتقفل الكونتاكت
الرجه وانت ماشي دي بقي حاجه من اتنين
1 - لو بك السلانسيه مسدود من البنزين 80 . المفروض تنتهي بعد ما الراجل بتاع الكربراتير يخلص ويركب ... لو مرحتش يبقي
2 - تروح لحد يظبطلك تاكيهات الماتور

الكربراتير اول عن اخر بالمصنعيه يتكلف حوالي 150 جنيه لو ظبطه من اول وجديد كله كله
التاكيهات تعمل في حدود 30 جنيه

انشالله خير

**ahmadcrespo** · 03-09-2015 06:22 PM

المشاركة الأصلية كتبت بواسطة hossam 2015

السلام عليكم و رحمة الله
اريد راى حضراتكم فى الفيات اونو 1994 اتوماتيك 1400 سى سى
لان معجب جدا بخبراتكم فى السيارة دى و اتمنى تفيدونى من حيث قطع الغيار و توافرها خاصة انها اتوماتيك
و هل فى مشكلة او عيوب مشهورة فى الفتييس الاتوماتيك للموديل دا
و شكرا جزيلا

انا كل ده مستني حد يرد علي حضرتك
يا ريت لو عرفت حاجه تفيدني عشان انا اول مره اسمع فيات اونو 1994 اوتوماتيك

**MarCo86** · 06-09-2015 02:05 PM

الاعضاء الاعزاء
انا فلست وانا بظبط العربيه فقولت اقولكم على كل قرش صرفته يمكن تستفادو :)

عفشة أونو أمامى
موديل فيات أونو 1998

1- جوز مساعدين أمامى 550 جنية من عند أيمن المواردى شارع خاتم المرسلين ( مساعدين مونرو ألمانى - بس كان مكتوب عليهم انهم تجميع اسبانى )
2- جوز بطاحات أمامى 70 جنيه من عند الخواجة الي اسفل كوبرى الجيزة
3- جوز مقصات 275 جنية من عند الخواجه اسفل كوبرى الجيزة ( بلد المنشأ تركي )
4- سير كاتينة 47 جنية من عند الخواجه اسفل كوبرى الجيزة ( بلد المنشأ ايطالي )
5- 2 أويل سيل ( واحد كبير والتانى صغير ) بتوع سير الكاتينه 20 جنية من عند الخواجه اسفل كوبرى الجيزة
6- جوان غطاء التاكيهات 15 جنية من عند أيمن المواردى شارع خاتم المرسلين
7- كبالن صينى ( الكل نصاحنى اشترى صينى لان الفرق بينه وبينى الايطالى او الالمانى كله فى الاستخدام ) 140 جنية من عند أيمن المواردى شارع خاتم المرسلين
8- حشو علبة دركسيون 5 جنية من عند أيمن المواردى شارع خاتم المرسلين
9- كاوتشتين مزيكا ب 20 جنية من عند أيمن المواردى شارع خاتم المرسلين
10- بيك السرعة للكاربيراتير علشان كانت بتاكل بنزين ب 10 جنية من عند الخواجه اسفل كوبرى الجيزة
11- ظبط زوايه عند المهندس عادل ب 25 جنية بس ظبط يدوى مطلع كوبرى العمرانيه
12- ظبط زوايه تانى لان العربية معجبتنيش عند ناصر امام ترعة الزمر بعد بنزينة عازر ب 30 جنيه كمبيوتر و شد خيط
13- 2 علايه للمساعدين الامامى رقم 2 وتكون كاوتش مرسيدس علشان طريقه ومش بتتقطع ودول عملو 20 جنيه
بعد كل ده 300 مصنعية علشان الراجل معرفة فقط لا غير

ياريت يا ريت اى حد عنده اى معلومة ميبخلش بيها علينا اعمل فينا ثواب

اه الراجل قالى انال 4 فرد الكاوتش عاوزين يتغيرو والافاضل انى اجيب المقاس بتاع الكيا برايد لانه اثبت على الارض من غير ما اغير الجنط
بس طبعا انا خلاص افلست لان فى مصاريف تانى بس مش فاكر بتاعة اية

لو حد يعرف محل كاوتش سعره مناسب وكويس يقول