اتحاد مالكي الفيات اونو

**MarCo86** · 13-01-2015 09:26 AM

باشا
اكيد العربية واخده هوا
بص هو مش فتي بس انا عندى العربيه كانت بتعمل كدا و الميكانيكى قالى على الموضوع ده وانا عملته بنفسى موضوع بسيط بس هو عاوز كام جركن مايه

شغل المتور بس خاليك فاتح الغطاء بتاع الردياتير و هتلاقى جنبها مسمار كدا جنب الغطاء بتاع الردياتير الي هو بتاع الفايظ فكه باردو وخاليه مفتوح

المهم افضل زود مياه فى الردياتير لحد ما المايه تخرج من فتحه الفايظ زود مايه كتير فى الردياتير وحتى لما المايه تخرج من مكان الفايظ خاليه يفضل يطلع مايه كتير حط جركنين مايه لازم الهواء كله فى الماتور يخرج وزود بنزين هتلاقى الردياتير بيرجع مايه تانى من مكان الفطاء بتاع الردياتير عادى جدا جدا ولا تقلق من اى حاجه المهم انك تزود بنزين علشان يقلب المايه جوا المتور ويفضى الدورة من الهواء
واستنى لحد ما المروحه بتاعه التبريد تشتغل على الاقل مرتين علشان تتأكد ان الهواء كله خرج

بس وبعد كدا اقفل الردياتير والمسمار بتاع الفايظ وجرب وهتلاقيه بتسحب وزى الفل

وللعلم باردو علشان تبقى عارف لو ده مكنش السبب عندك وطلع السبب ميكانيكا او حاجه تاني الي انت عملته ده ميضرش بالعكس انت بطلع الهواء من الماتور وبتحافظ عليه عادى جدا جدا واسئل اى حد

والعربيه مدام بتاعت اشتغل فيها بايدك حتى مع الميكانيكى وخاليك فاهم فى كل حاجه هو بيشتغل فيها علشان العربيه متجيش تعمل معاك حركه نداله فى اى وقت وتبقى محتاس

**Mah. Shehata** · 19-01-2015 11:45 PM

دى اول مشاركة ليا وحابب اشكر المؤسسين والقائمين على الموضوع
وسبب المشاركة الاساسى انى محتاج حد يجاوبنى على سؤال مهم قبل ما اشترى الاونو عشان انا ناوى خلاص
هل فى فرق بين العربيات الايطالى (لحد 1994) او البولندى..... وهل فى برازيلى كمان ولا اه
.
.
عشان بصراحة قلقان انى اجيب موديل قديم فى اوائل التسعينات يحصل ويحدد بعد كدة سنين للترخيص وخايف يكون فى مشكلة فى البولندى او الايطالى يكون افضل رغم القدم
..
ولو فى نصيحة لاخوكم وهو نازل يشترى عشان مش يلبس فى حيطة بالنسبة الاول عربية

**مصطفى عمر** · 26-01-2015 01:07 PM

يا جماعه انا هشترى كمان يومين اونو 97 ب 28500 بس حالتها محترمه اوى
صاحب العربيه بيقولى فيها كوبلن يمين ممكن تقلولى الكوبلن دا تمنه كام و مصنعيه تركيبه فحدود كام
و ياريت حد يكون مزاجه عالى يقولى اعمل صيانه ايه بالظبط و اغير ايه لانى اول عربيه ليا بس انا بسوق عادى بس خبرتى المكنيكا تقريبا محدوده فعاوز اعمل صيانه بحيث امشى مطمن من كوله قولىلى اغير ايه و اشترى ايه جديد و اسعار قطع االغيار بتاعه الصيانه دى لانى بسافر بالعربيه على طول و على طريق
و شكرا وواضح ان الرابطه فيها معلومات مهمه جدا و مفيده و الناس هنا كلها زوق و خدومه و شكرا مقدما لاعضاء الرابطه

**مصطفى عمر** · 26-01-2015 01:12 PM

يا جماعه لو فيه مشكله فشاسيه العربيه قب ما اشترى ممكن تنصحونى بأيه لانى لقيت واحد كاتب الشاسيه فاصل مش فاهم معنى كلمه فاصل

**مصطفى عمر** · 26-01-2015 04:55 PM

هى ال 97 فيها امبير حرارهيا جماعه و لا دا مغير طابوه

**hossamfawzy** · 03-02-2015 10:31 PM

السلام عليكم
انا عندي فيات اونو 93 وكان عندي مشكله انه كنت لما بطلع علي الاول بيكون فيه رجه في العربيه فروحت للميكانيكي قالي ديسك واسطوانه كنت عاوز اسال سعر الديسك والاسطوانه جديد بكام وعند مين ونوعهم ايه واغير جديد احسن ولا اروح عند الانجليزي اللي في شبرا واخرط وكده وشكرا

**عمرو صدقى** · 06-02-2015 11:46 PM

المشاركة الأصلية كتبت بواسطة hossamfawzy

السلام عليكم
انا عندي فيات اونو 93 وكان عندي مشكله انه كنت لما بطلع علي الاول بيكون فيه رجه في العربيه فروحت للميكانيكي قالي ديسك واسطوانه كنت عاوز اسال سعر الديسك والاسطوانه جديد بكام وعند مين ونوعهم ايه واغير جديد احسن ولا اروح عند الانجليزي اللي في شبرا واخرط وكده وشكرا

مفيش داعى للخراطة .. عند محمد يوسف فى الدقى طقم الدبرياج كامل (ديسك واسطوانة وبلية) حوالى 350 جنية

**عنان** · 10-02-2015 01:48 AM

ياجماعة هوا ايه طقم الدبرياج دا .. انا الدبرياج عندي دخل لجووا .. ولما روحت لي الميكانيكي قالي عاوزة طقم دبرياج ..
ولو سمحت عاوز اعرف سعره .. وافضل مكان اجيبه منه منين .. ارجو الأفادة
انا معايا فيات اونو موديل 93

**Job.Ehab** · 10-02-2015 02:15 PM

المشاركة الأصلية كتبت بواسطة عنان

ياجماعة هوا ايه طقم الدبرياج دا .. انا الدبرياج عندي دخل لجووا .. ولما روحت لي الميكانيكي قالي عاوزة طقم دبرياج ..
ولو سمحت عاوز اعرف سعره .. وافضل مكان اجيبه منه منين .. ارجو الأفادة
انا معايا فيات اونو موديل 93

بص ياباشا طقم الدبرياش ده اللى هوا بيتكون من ثلاث حاجات:
1- إسطوانة
2- ديسك
3- رولمبان بلى
ودول لازم يتغيرو مع بعض يعنى تجيب التلات حاجات دول مره واحده ويتركبو مره واحده وماتخافش دى صيانه طبيعيه بس ابقى روح لميكانيكى كويس شويه عشان يعرف يزبطهالك بس كده وسعر الثلاث حاجات دول لو جبتهم ألمانى بس انا مش عارف فى دلوقتى منهم ألمانى ولا لأ حيعملو فى حدود الــ 500 جنيه بس والمصنعيه طبعا على حسب الميكانيكى