أنا بحب الكلام في الأبراج ...لاكني لا اعتقد في توقعات فلكية يعني ( حيحصل إيه ومش حيحصل إيه )... بس اثبتت لي الحياة العملية والاحتكاك بالناس ذوي الابراج المختلفة ان أصحاب البرج الواحد بتجمعهم 99% من الصفات البرجية فعلاً لكن توجد استثناءات ... بس وصلت لدرجة بعرف الشخص برجه إيه من طباعة وسلوكياته..
عاوزين نتعرف عن برجك إيه ... ومين أحب برج إليك وبتخاف من برج إيه وبتطمن من برج إيه ... وإيه الصفات الحقيقية المشتركة في البرج الواحد...
أبدأ بنفسي ... انا برج القوس برج دمه خفيف في الغالب طبعه ناري يعني عصبي جدا ... صريح ... طيب لدرجة البراءة واحيانا ( الهبل ) بس الحمد لله عالجت دي من كتر الصدمات إللي شربتها ... طيب ... كريم .... ملول ... يكتئب بسرعة ويزهق بسرعة ( عاوزة اقولكوا إني مليت فرحي وزهقت وكنت عاوزة اخلصه بسرعة ..... ما بلكوا الحياة بأطفالها بقا عاملة إيه .... تحفة ). رومانسي وعقلاني مووت ... وجد جداً وملتزم لدرجة تخنق الآخرين ...قيادي ... وذكي نوعاً ما ... صاحب صحبه ومخلص .... بس لو باع ولأسباب قوية إنسوا إنه يرجع تاني ...