حرامى ينضرب ......... حرام؟

**محمد جلال** · 24-01-2009 01:35 AM

امبارح الفجر لقينا صوت فرملة جامدة تحت العمارة نزلت انا وكام واحد من الجيران لقينا عربية ميكروباص واقفة ونزل منها كام واحد جتت محترمة ومسكوا عيل صغير 14 سنة ونزلو فيه ضرب بصراحة انا تعبت لما شوفته وسئلناهم فيه ايه قالو ده حرامى سيارات ومعاه مجموعة بيسرقوا البطاريات والكاوتش وفى حد بلغ وطلعو بيخبوها جنب عمارة والولد الصغير ده هو اللى بيحرسها بصراحة دور الامن كان فعال ويشكروا عليه بس بالشكل ده ده برضه طفل اللى ضايقنى بجد بعد ما بعدنا المخبرين عنه وهديناه وقالنا على زمايله كلهم وساكنين فين ناس كانت واقفة والموضوع ميخصهاش نزلو عليه رزع شلالايت واقلام مع ان المسروقات موجودة واللى اتسرقو (احنا) محدش حرك ايده من جنبه والولد رفيع ومش باين من الارض فيا جماعة ليه فى دايما ناس بتأجر ولا دى عادة البعض مننا بصراحة حاجة تغييظ .

**ZAKI32** · 24-01-2009 01:58 AM

هو فعلا عادة سيئة ان الكل يأجر فى الحرامى .
ممكن الضربة تفقعلة عين ولا ضرب ع الاذن يطرش فيها.

كنت مرة ماشى انا وناس صحابى فى الشارع والمنطقة مقلوبة.

اتارى سواق مكروباص خاطف ستات وكان معاهم اطفالهم وست كبيرة.
وعمال يجرى فى الشوارع وبيجرى وراه البوكس الشرطة ووراها ملاكى تبع الناس اللى مخطوفة.

والناس بقوا يوقفوا التكسيات ويقلوهم سد على المكروباص السكة .

واحد خاف ومشى والتانى وقف يسد الطريق واول ما المكروباص قرب راح مجنح.
كان ممكن المكروباص يفرتكة ويكمل ساعتها التاكسى مش هياخد حاجة من حد.

المهم ناس شباب نطوا فى المكروباص ووقفوا الواد اللى خاطف الناس .

الناس اتلمت والواحد اتحط فى البوكس وجاااااااااااااااااب

دم من كتر الضرب اللى خدة .

لاكن الله الوكيل يستاهل .

تخيل لو لا قدر الله حد من اقاربك وحصلة كدة ومخطوف .
هتعمل اية فى اللى عمل كدة.

الشارع كلة كان بيأجر فيه وهو فى البوكس .

**محمد جلال** · 24-01-2009 02:04 AM

المشاركة الأصلية كتبت بواسطة ZAKI32

هو فعلا عادة سيئة ان الكل يأجر فى الحرامى .
ممكن الضربة تفقعلة عين ولا ضرب ع الاذن يطرش فيها.

كنت مرة ماشى انا وناس صحابى فى الشارع والمنطقة مقلوبة.

اتارى سواق مكروباص خاطف ستات وكان معاهم اطفالهم وست كبيرة.
وعمال يجرى فى الشوارع وبيجرى وراه البوكس الشرطة ووراها ملاكى تبع الناس اللى مخطوفة.

والناس بقوا يوقفوا التكسيات ويقلوهم سد على المكروباص السكة .

واحد خاف ومشى والتانى وقف يسد الطريق واول ما المكروباص قرب راح مجنح.
كان ممكن المكروباص يفرتكة ويكمل ساعتها التاكسى مش هياخد حاجة من حد.

المهم ناس شباب نطوا فى المكروباص ووقفوا الواد اللى خاطف الناس .

الناس اتلمت والواحد اتحط فى البوكس وجاااااااااااااااااب

دم من كتر الضرب اللى خدة .

لاكن الله الوكيل يستاهل .

تخيل لو لا قدر الله حد من اقاربك وحصلة كدة ومخطوف .
هتعمل اية فى اللى عمل كدة.

الشارع كلة كان بيأجر فيه وهو فى البوكس .

بصراحة حاجة زى كده يستحق لانه جرم كبير واعراض مفيش كلام بس لو راجل كان ماشى بس اللى بقول عليه طفل 14 سنة ومسرقش ده كان بيحرس الحاجة والكبار هربو وسابوه واكل ضرب لو راجل اخده يرقد اسبوع مش حرام .

**THETOP** · 24-01-2009 02:15 AM

يستاهلوا

بجد الحرامية

نفسى اشوفلى حرامى قريب

مش هاسلموا للحكومة

هاقعدوا عندى فى المخزن

هههههههههههههه

مع الكلب

وهو هايتعامل معاه :d

ويجعله عامر

**فادى** · 24-01-2009 02:16 AM

بصراحة موضوع الضرب ده مش على الحرامية بس,
احنا بقى عندنا ثقافة العنف و الضرب دى حاجة منتشرة جدا و بشكل سخيف و لازم يوضع له حد.
الحرامى ده مهما كان جرمه فوظيفتك هى تسليمه لأقرب قسم شرطة, و هو هيتحبس أو هياخد العقاب الذى يستحقه, طب ايه لازمته الضرب؟!
مش الحرامية بس, عندك أى حادثة بسيطة ممكن تقلب بضرب, خصوصا لو كان احدى الأطراف ضعيف بدنيا, أو كان لوحده على كذا واحد, بصراحة ثقافة العنف بقت منتشرة فى المجتمع, و أى واحد بيلاقى فرصة لاستعراض العضلات بينتهزها, رغم انو ممكن تصرفه يتغير تماما فى حالة وجود "ابو عضلات" أخر امامه, أو فى حالة تواجده وحيدا.

**Hussein_Ramdan** · 24-01-2009 02:20 AM

انا مش شايف فى الموضوع مشكلة
حرام وبيضرب
يستاهل
يعنى لما انتا تكون شارى عربيتك بدم قلبك
وتقوم الصبح تلقى حاجة مسروقة فيها مش حرام

انا شايف انهم يستهلو القتل

**د./اليشع ثابت** · 24-01-2009 02:25 AM

المشاركة الأصلية كتبت بواسطة THETOP

يستاهلوا

بجد الحرامية

نفسى اشوفلى حرامى قريب

مش هاسلموا للحكومة

هاقعدوا عندى فى المخزن

هههههههههههههه

مع الكلب

وهو هايتعامل معاه :d

ويجعله عامر

طبعاااااااا دة كلام سليم

والسارق لابد ان يعاقب

ولكن ..............
قبل منة لازم تعاقب و تحاكم الظروف التى جعلتة هكذا
'' '' '' '' الحكام الظالمة التى غلظت القلووب
'' '' '' '' الفساد والسرقة والنهب من خير البلد
'' '' '' '' التجار الجشعين و غلاءءءء المعيشة
'' '' '' '' من الاخر حاجااااااات كتير لازم تتغيير

**Dr Ahmed** · 24-01-2009 02:26 AM

أى واحد بيلاقى فرصة لاستعراض العضلات بينتهزها, رغم انو ممكن تصرفه يتغير تماما فى حالة وجود "ابو عضلات" أخر امامه, أو فى حالة تواجده وحيدا.

أنا برضه شايف إن الحاصل كده
كأن فيه مبدأ خفى بيقول : أنا قوى جدا ومتهور مع الضعيف!
إنما رزين ومؤدب جدا مع القوى!

العالم كله كده

**محمد جلال** · 24-01-2009 02:27 AM

المشاركة الأصلية كتبت بواسطة THETOP

يستاهلوا

بجد الحرامية

نفسى اشوفلى حرامى قريب

مش هاسلموا للحكومة

هاقعدوا عندى فى المخزن

هههههههههههههه

مع الكلب

وهو هايتعامل معاه :d

ويجعله عامر

واضح انك مخنوق منهم !!! هما سرقوا منك ايه ؟

بصراحة موضوع الضرب ده مش على الحرامية بس,
احنا بقى عندنا ثقافة العنف و الضرب دى حاجة منتشرة جدا و بشكل سخيف و لازم يوضع له حد.
الحرامى ده مهما كان جرمه فوظيفتك هى تسليمه لأقرب قسم شرطة, و هو هيتحبس أو هياخد العقاب الذى يستحقه, طب ايه لازمته الضرب؟!
مش الحرامية بس, عندك أى حادثة بسيطة ممكن تقلب بضرب, خصوصا لو كان احدى الأطراف ضعيف بدنيا, أو كان لوحده على كذا واحد, بصراحة ثقافة العنف بقت منتشرة فى المجتمع, و أى واحد بيلاقى فرصة لاستعراض العضلات بينتهزها, رغم انو ممكن تصرفه يتغير تماما فى حالة وجود "ابو عضلات" أخر امامه, أو فى حالة تواجده وحيدا.

انا معاك ان العنف اصبح ظاهرة معتادة فى المجتمع وان اول حاجة بنستعملها قبل عقلنا بس الموضوع ودى وجهة النظر السائدة والمعظم بيفكر كده( انا دايماً صح ومبغلطش ) فهل لو قلت انا غلطان واسف الاخر هايسيبك فى حالك وانا ضد العنف رغم انى كنت ملاكم لمدة 6سنوات بس عمرى ما بالجاء للعنف الا دفاعا عن نفسى .

**Ahmed Samy** · 24-01-2009 02:29 AM

المشاركة الأصلية كتبت بواسطة فادى

.
الحرامى ده مهما كان جرمه فوظيفتك هى تسليمه لأقرب قسم شرطة, و هو هيتحبس أو هياخد العقاب الذى يستحقه, طب ايه لازمته الضرب؟!
.

فعلا انا معاك جدا يا فادي

الموضوع: حرامى ينضرب ......... حرام؟

LinkBack

أدوات الموضوع

عرض

حرامى ينضرب ......... حرام؟ - انشر الموضوع فى :

-

-

-

-

-

-

المواضيع المتشابهه

حرامى ولا مش حرامى

حرامى بنزين حرام فعلا

حرامى فى المترو .

حرامى تحت التمرين

الكلمات الدلالية لهذا الموضوع

المفضلات

المفضلات

ضوابط المشاركة