في بيان للنائب العام حبس المخالف بالسير عكس الاتجاه وإحالته للمحاكمة‏

**night_whisper** · 23-01-2009 01:55 AM

في بيان للنائب العام
حبس المخالف بالسير عكس الاتجاه وإحالته للمحاكمة‏
طالب المستشار عبدالمجيد محمود النائب العام أعضاء النيابة العامة بتطبيق العقوبات المشددة الواردة في قانون المرور علي المخالفين‏,‏ خاصة في جريمة تعمد السير عكس الاتجاه‏,‏ وحجز المتهمين وإحالتهم محبوسين للمحاكمة الجنائية‏.‏ وأشار إلي أن القانون يعاقب علي هذه الجريمة بالحبس مدة لا تزيد علي‏3‏ سنوات وغرامة لا تقل عن ألف جنيه‏.‏

وأكد النائب العام في بيان له ضرورة استعمال السلطة المقررة في وقف رخصة قيادة قائد السيارة عند اتهامه بارتكاب جريمة القتل أو الإصابة الخطأ‏.‏ وقال إن المخالفات المرورية تشمل السير عكس الاتجاه‏,‏ وقيادة المركبة تحت تأثير مخدر‏,‏ وتجاوز الحد الأقصي للسرعة المقررة‏,‏ وتعريض حياة وممتلكات الآخرين للخطر أثناء القيادة‏.

جريدة الأهرام
الجمعة 23 - 1 - 2009

**Hossam_Hassan** · 23-01-2009 02:01 AM

قرار ممتاز، يا رب يطبق

**Tamer-Ezzat** · 23-01-2009 02:01 AM

المشاركة الأصلية كتبت بواسطة night_whisper

في بيان للنائب العام
حبس المخالف بالسير عكس الاتجاه وإحالته للمحاكمة‏
طالب المستشار عبدالمجيد محمود النائب العام أعضاء النيابة العامة بتطبيق العقوبات المشددة الواردة في قانون المرور علي المخالفين‏,‏

وياترى دول حينطبق عليهم القانون ... يروح يطبقه على الناس اللى مبرطعة فى البلد طولها وعرضها وكأنها بدون قانون ..

القانون لو ممشيش على الكل يبقى مش قانون يبقى ... فتونه وأتاوة ...

**فادى** · 23-01-2009 08:16 AM

قانون المرور الجديد... طز.
الصقر سوف يحلق عاليا رغم انف قانون المرور الجديد.

**TaoTao** · 23-01-2009 10:50 AM

المفروض السير عكس الاتجاه يصنف تحت بند "الشروع في القتل" ويتعامل المتهم على هذا الأساس

**Dr.A.Nabil** · 23-01-2009 08:30 PM

لما يحبسوا ممدوح اسماعيل ويوسف والي الاول يبقوا يتكلموا

**Tamer-Ezzat** · 24-01-2009 12:57 AM

المشاركة الأصلية كتبت بواسطة ahmodium

لما يحبسوا ممدوح اسماعيل ويوسف والي الاول يبقوا يتكلموا

يا دكتور دول مميشيوش عكس الاتجاه بالعكس دول كانوا ماشين فى الاتجاه تمام .....

**elmadawy** · 24-01-2009 03:35 PM

كل ده كلام جرائد سمعنا عن قانون المرور كلام كثير ولم يتم تطبيق اي شي فيه ولما يبقو يطبيقو القانون عليهم يبقيو يطبقو علي الشعب لانه مازال هناك صباط يقومون بوضع الفاميه علي سياراتهم وايضا الوقوف في الممنوع ولا يطبق عليهم القانون وده طبعا لانهم فوق القانون وغيرة وغيرة وفي الاخر حقول انت في مصــــــــــــــــــــــر

**semsem67** · 24-01-2009 04:57 PM

فين الكلام ده ؟؟ ده مفيش شارع في مصر يخلو من هذه الجريمة كل دقيقة وفي أكبر الشواارع والميادين مثل:
1- أمام نادي الجلاء بمصر الجديدة الطريق الموصل لمحطة أتوبيسات الأقاليم ( محطة ألماظة) كله بيدخل اليو ترن العكسي عشان يوفر 100 متر
2- الأشارة اللي قبلها مباشرة الميكروباصات لا تمشي إلا بالعكس لنفس السبب ( توفير مائة متر)
3- أتوبيسات هيئة النقل العام بجوار محطة ألماظة في استهتار فظيع بأرواح الناس
4-في شارع مصطفى النحاس وبالليل والنور مطفي
5- في التجمع الأول ( بعد أكاديمية الشرطة مباشرة ) القاعدة هي المشي بالعكس يستوي في ذلك الملاكي و الأجرة و النقل!!!
سيارات الشرطة هي أول من يمشي عكس الإتجاه
فين بقى هذا القانون؟؟؟؟؟؟؟؟؟؟؟؟؟؟؟