ارجو النصيحة عاوز 305

**akramlail** · 23-01-2009 09:08 AM

عاوز اشترى بيجو 305 موديل 79 ومعروضة علية ب 12 وفيها برومة لسة مشفتهاش بس عاوز اعرف اخد بالى من اية ونا بعاين اصلى مفهامش فيها ارجو الافادة وشكرا مقدما

**walids** · 25-01-2009 01:53 PM

بيجو 305 ممتازة ، لكن حاول انك تشتري حاجه نضيفه علشان متتعبكش

خد معاك ميكانيكي و عفشجي علشان يطمنوك علي العربيه

**tooltool123** · 05-02-2009 07:34 AM

نصيحة لوجة الله بلاش العربية دية ال305 تعتبر عار علي شركة بيجو اولا الكبالن بتاعتها ضعيفة تاني حاجة ملهاش قطع غيار الموتور بتاعها وحش جدا لو احتجت تغير ديسك واسطوانة هتلاقيهم استيراد ب 1000 جنية ومبينزلوش جداد زي ال504 العربية دية كانت مع واحد صاحبي وطلعت عينية
لو عايز تجيب حاجة في الحدود دية زود شوية وهات 128 او 131 او اي حاجة غير ال 305 نصيحة ابعد عنها

**kzizo** · 05-02-2009 10:23 AM

معلش صاحبك بيستخسر في العربيه أنا معايا العربيه زي ناس كتير مهتم بيها وممتازه معايا في كل حاجه

**hesham_shousha** · 05-02-2009 11:31 PM

المشاركة الأصلية كتبت بواسطة tooltool123

نصيحة لوجة الله بلاش العربية دية ال305 تعتبر عار علي شركة بيجو اولا الكبالن بتاعتها ضعيفة تاني حاجة ملهاش قطع غيار الموتور بتاعها وحش جدا لو احتجت تغير ديسك واسطوانة هتلاقيهم استيراد ب 1000 جنية ومبينزلوش جداد زي ال504 العربية دية كانت مع واحد صاحبي وطلعت عينية
لو عايز تجيب حاجة في الحدود دية زود شوية وهات 128 او 131 او اي حاجة غير ال 305 نصيحة ابعد عنها

الكلام ده طبعا موش صحيح وموش عن تجربه اكيد لان العربيه معايا من سنه 84 وتجربتى فيها ان الكبالن عمرها طويل جدا مايقلش عن 10 سنوات واشتريت من 6 اشهر اثنين جداد بعد استخدام للقدام مايقلش عن 11سنه والديسك والاسطوانه ركبتهم جداد سنه 2000 ودفعت فيهم 1000 جنيه وقتها واللى بيشتكى من العربيه كما قلت فى كتاباتى السابقه اللى ماهواش قد مصاريفها لان للاسف سعرها رخيص فى السوق واللى بيشتريها مابيكونش عنده امكانيه للصرف - لكن لو اديت العربيه حقها هتحس انك راكب عربيه قريبه جدا من حاله الزيرو

**momen100100** · 19-05-2009 11:12 PM

انا بضم صوتى لصوت الاستاذ kzizo صحبك بيستخسر فى العربيه وعلشان كده تعبها على فكره العربيه دى معايا بقلها 6 سنين ومفتكرش مره فكرت انى ابعها وبسافر بيها مشاء الله عليه عربيه وقطع غيرها متوفره جدا بشارع مجلس الامه توكل على الله واشتريها مش هتفكر فعلا تبعها بس اهتم بيها على قد متقدر اسف لل اطاله