عصايه الفتيس

**marcoo1983** · 23-01-2009 10:36 AM

يا جماعه انا حصل عندي مشكله رخمه اوي
عصايه الفتيس لما كنت اجي اجيب الاول او الخامس كنت بحس انها خرجت من مكانها ولازم افضل اوديها شمال و يمين لحد ما تمور تاني
و امبارح العربيه خدت التالت و مرضيتش تنقل تاني خالص
يعني فضلت معشقه علي التالت
كمان العربيه بيبقي فيها نتشه جدا لما اكبسلها بنزين علي الاول و التاني لكن علي السرعات مش بتبان
فهل ده ممكن يكون من البوجيهات او السلوك بتاعها ولا ممكن يكون من الموبينه
وكمان انا عندي الخرطوم الي بيوصل بين الاسبراتير الالكتروني
و الكاربوراتير متشال فهل ده بياثر علي حاجه في المشي و ده بيتركب فين في الكاربوراتير
انا عربيتي سكودا فليشيا 97
ولسه مغيره مكنه امبارح بس بس الحاجات دي حصلت و انا بجربها امبارح

**RED_OCTOBER_IV** · 23-01-2009 10:41 AM

انا اسف والله أنا لا أعلم ., أرجوا إنك تلاقى الى يفيدك و يا رايت تحدد نوع عربيتك ونوع الصوت الى بتسمعه لما بتحرق على الاول .

**samirayad** · 23-01-2009 10:56 AM

المشاركة الأصلية كتبت بواسطة marcoo1983

يا جماعه انا حصل عندي مشكله رخمه اوي
عصايه الفتيس لما كنت اجي اجيب الاول او الخامس كنت بحس انها خرجت من مكانها ولازم افضل اوديها شمال و يمين لحد ما تمور تاني
و امبارح العربيه خدت التالت و مرضيتش تنقل تاني خالص
يعني فضلت معشقه علي التالت
كمان العربيه بيبقي فيها نتشه جدا لما اكبسلها بنزين علي الاول و التاني لكن علي السرعات مش بتبان
فهل ده ممكن يكون من البوجيهات او السلوك بتاعها ولا ممكن يكون من الموبينه
وكمان انا عندي الخرطوم الي بيوصل بين الاسبراتير الالكتروني
و الكاربوراتير متشال فهل ده بياثر علي حاجه في المشي و ده بيتركب فين في الكاربوراتير
انا عربيتي سكودا فليشيا 97
ولسه مغيره مكنه امبارح بس بس الحاجات دي حصلت و انا بجربها امبارح

الأول حتعالج موضوع عصاية الفتيس لضبط عملية النقل....ممكن تكون الوصلات فيها أجزاء محلوله......ثانيا الخرطوم اللى واصل من الكربوراتير الى الاسبراتير لازم يتركب لأنة بينقل قيمة التخلخل الموجود فى الكربوراتير الى الاسبراتير لكى يتم تقديم أو تأخير الشرارة اللى رايحة من ملف الاشعال الى البوجيهات من خلال الاسبراتير......ولو عملت الموضوعين دول موضوع النتشه حيروح

**marcoo1983** · 23-01-2009 11:05 AM

طيب هو مكان تركيب الخرطوم ده في الاسبراتير باين طيب في الكاربيراتير بيتركب فين؟؟

**samirayad** · 23-01-2009 11:13 AM

المشاركة الأصلية كتبت بواسطة marcoo1983

طيب هو مكان تركيب الخرطوم ده في الاسبراتير باين طيب في الكاربيراتير بيتركب فين؟؟

حتلاقى زور صغير عبارة عن ماسورة صغيرة مفتوح للهواء الخارجى حاليا......على جسم الكاربورتير من أحد الجوانب........وممكن تلاقى علية جزء مقطوع من الخرطوم القديم بتاع موضوعنا.......وممكن تشيل العمه بتاعة الكربوراتير الأول علشان تشوف كويس....