غبور يرفع سعر الألنترا 3000جم

**goofy_in_love** · 23-01-2009 05:50 PM

يعملوا انهم ميشتروش و يبقوا رجاله و لو لمره واحده في حياتهم بقي ايه القرف دا ارحمونا بقي بجد من الناس الاستغلاليه دي

**MEMES** · 24-01-2009 12:58 AM

المشاركة الأصلية كتبت بواسطة goofy_in_love

يعملوا انهم ميشتروش و يبقوا رجاله و لو لمره واحده في حياتهم بقي ايه القرف دا ارحمونا بقي بجد من الناس الاستغلاليه دي

طيب ما عربيتهم المستعمله برضه هتصدى وترخص وهما بيعانوا معاها من مشاكل وعايزين يغيروا,ده غير اللى محتاجين العربيه اوى لظروف العمل (انا منهم على سبيل المثال)
وبعدين حضرتك تعرف الناس دى عشان تقولهم يطلعوا رجاله ولو مره واحده فى حياتهم.
انا عارف ان استغلال التجار معصب حضرتك بس الناس مالهومش صله .
والف شكر لرد حضرتك.

**goofy_in_love** · 24-01-2009 04:26 PM

حضرتك انا كمان عايز اجيب العربيه بس مستني علشان ابقي خدت موقف من الناس دي يا جماعه انتوا مش عارفين الاسعار برا كام و الا ايه دا انتوا كلكم مثقفين يعني و عارفين الدنيا برا ماشيه ازاي !!! ليه اشتري العربيه بالسعر دا و انا ممكن لو استنيت شويه اشتري نفس العربيه بسعرا قل و لو حد عايز عربيه فاهوا مكتشفش فجأه انه عايز عربيه يعني ماهو كان عايش من غيرها طيب ما يستني كمان شهر و الا اتنين و هوا الكسبان في الاخر

**MEMES** · 24-01-2009 04:40 PM

المشاركة الأصلية كتبت بواسطة goofy_in_love

حضرتك انا كمان عايز اجيب العربيه بس مستني علشان ابقي خدت موقف من الناس دي يا جماعه انتوا مش عارفين الاسعار برا كام و الا ايه دا انتوا كلكم مثقفين يعني و عارفين الدنيا برا ماشيه ازاي !!! ليه اشتري العربيه بالسعر دا و انا ممكن لو استنيت شويه اشتري نفس العربيه بسعرا قل و لو حد عايز عربيه فاهوا مكتشفش فجأه انه عايز عربيه يعني ماهو كان عايش من غيرها طيب ما يستني كمان شهر و الا اتنين و هوا الكسبان في الاخر

كلام حضرتك مظبوط بس تفتكر الموضوع شهرين بس .

الموضوع محتاج مقاطعه جامده ووقت طويل عشان يحسوا
وفى شريحه كبيره من المشترين مش فارقه معاهم فرق السعر (لظروفهم الخاصه).
لكن ده ما يمنعش انك بتتكلم صح.

**faroukahafeez** · 24-01-2009 08:50 PM

والله يا جماعة انا كنت فى معرض سمير ريان النهاردة الظهر كدة

زحمة جامدة وناس كتير بتتعاقد انا جالى احساس انا اخر اسبوع فى مصر لشراء العربيات وبعد كدة مفيش عربيات هتتباع :(

انا نفسى اشترى الالنترا ومش عارف استنى ولا اية ؟ كمان اجبها خليجى ولا غبور ؟ يا ريت حد يقول نصيحة

**nanash** · 24-01-2009 08:58 PM

المشاركة الأصلية كتبت بواسطة faroukahafeez

والله يا جماعة انا كنت فى معرض سمير ريان النهاردة الظهر كدة

زحمة جامدة وناس كتير بتتعاقد انا جالى احساس انا اخر اسبوع فى مصر لشراء العربيات وبعد كدة مفيش عربيات هتتباع :(

انا نفسى اشترى الالنترا ومش عارف استنى ولا اية ؟ كمان اجبها خليجى ولا غبور ؟ يا ريت حد يقول نصيحة

على فكرة الناس مش بتتعاقد و لا حاجة كل الحكاية انهم بيجروا رجل الزبون بأسعار وهمية و لما ييجى بيحاولو يدبسوه
أنا أصلى روحتلهم و اكتشفت المقلب

روح شوف الحكاية فى اللينك اللى فى التوقيع بتاعى، المشاركة رقم 14

**yramadan** · 25-01-2009 11:09 AM

أعلنت شركة "كرايسلر" عملاق صناعة السيارات الأمريكية الفارهة، عن خطة لزيادة مبيعاتها خلال العام 2009 الجاري، بعد الضربة التي تلقتها العام الماضي نتيجة تراجع المبيعات بنحو 30 في المائة، بسبب الأزمة المالية العالمية.

ومن المقرر أن تطلق الشركة الأمريكية خطتها الجديدة الاثنين المقبل، من خلال حملة دعائية تحت شعار "أسعار الموظفين وأكثر"، حيث سيحصل العملاء، بموجب هذه الخطة، على سيارات "كرايسلر" و"دودج" و"جيب"، بنفس الأسعار التي يدفعها موظفو الشركة.
كما تتضمن خطة التخفيضات "الخيالية"، خصماً إضافياً بقيمة 3500 دولار لجميع الطرازات التي يتم إنتاجها في العام 2009، فيما تصل قيمة الخصم على موديلات 2008، إلى ستة آلاف دولار.
http://arabic.cnn.com/2009/business/...uts/index.html

**Sharky** · 25-01-2009 12:00 PM

نظام جديد علشان يخوف الناس و يحسسهم إن الأسعار حتغلى

خليها تصدى و يشبع بيها طالما مش ناويين يننزلوا الأسعار

من الاخر العملية بقت عند و إللى نفسه طويل حينتصر فى الأخر