سؤال مهم

**wawamoha** · 07-02-2009 08:45 AM

كريم باشا
بالنسبه للمعرض قهو اوتو سمير ريان - مدينه نصر.
السعر اللي واقفين عليه هو 122.500 للايه فور بمثبت سرعه و كاسيت ام بي 3 . اعتقد لما اخلص هانوصل ل 122 بس مش متاكد !! لو حد عنده مكان ارخص يا ريت يفيدني...
د.اليشع بالنسبه للايه 4 وارد بورسعيد -افراج معاقين-انا ما شفتش بعنيه بس 2 اصحابي واحد مستشار و التاني مدير في شركه راحم هناك .. و كان رايهم كالاتي العربيات نظيفه جدااااااااااا
انت بتخش حوش -فيه احواش كتير- تنقي اللي انت عاوزه العربيات كلها حالتها فوق الممتازه .. انت بس بتبص عل العربيه مخربشه من برره تابلوه مش عاجبك بس الاتني اصحابي اجمعم ان العربيات من جوه قريبه قوي للزيرو..
صاحبي مدير الشركه ده اشترم 18 عربيه نوبيرا ماشيين من 20 ل 40 الف حالتهم خرافيه..
اه نسيت اقولك حاجتين مهمين الكماليات اللي في العربيات كراسي كهربه و تدفئة كراسي كهربا و فتحه سقف و جنوط و مش فاكر بس كماليات كتير قوي مش هاتلاقيها في اللي زيها هنا..... و ممكن لو عجبتك عربيه تخلي التاجر يبدلك جنوط تانيه عاجباك (طالما ها تدفع)..
الحاجه التانيه ان الفلوس مش ارخص يعني لو الايه 4 اللي في السوق ب 80 موديل 200 مثلا هاتلاقيها هناك بعد الاجراءات تقف ب 75 - 80 برضه بس الفرق الحاله ساعات العربيه بتكون ماشيه 40 الف 50 الف
و ماتنساش ده طرق برره الحرير و استعمال خوااااجات....
رايي المتواضع روح بص و شوف مش هتاخسر لما تشوف و التعب بتاع الاجراءات ممكن حد ياخد قرش و يعملهولك ا يبق انت الكسبان في الاخر
انا شخصيا و الله لو معايا الكاش ده كنت جبت من هناك بس ماكانش معايا ال 80 دول
ربنا معاك
و شكرا ليكم كلكم

**karimone** · 06-02-2009 10:44 PM

الف مبروك علي الاختيار و ربنا يديك خيرها و يكفييك شرها...

كل واحد بيحب يقول المعلومه اللي عنده علشان الاستفاده و معظم اعضاء المنتدي فعلاً ناس محترمين رغم اني مش قديم في المنتدي بس عجبني جدا و استفدت منه استفادات مهوله...

قلنا انت اشتريت بكام و مواصفاتها ايه و اسم المعرض و الف مبروك مره تانيه...

**lawyer2006** · 07-02-2009 10:32 PM

بلاش قصة المعوقين لان اخر تعديلات لقانون المرور بتحظر علي غير المعوق قيادة السيارة حتي لو بتوكيل منه وفي حالة ضبط السيارة قيادة شخص اخر يتم الغاء الترخيص فورا و مصادرة السيارة طوال فترة الحظر كمان بيكتب علي الرخصة لا يجوز قيادتها لغير مالكها انا متاكد من المعلومة دي وممكن تسال في المرور كمان عشان تتاكد والقرارت دي عشان الدوله عرفت لعبة سيارات المعاقين

**wawamoha** · 07-02-2009 11:01 PM

سلام
باشا انت ها ترفع الحظر طبعا ...
بتدفع 10 الاف بس و ترخص العربيه.. في المرور
و بالنسبه للمعاق بتدفعله حوالي 7 الاف علشان يسمحلك بالاستيراد
التراخيص و التسجيل في حدود 3 يعني القصه كلها في حدود 20 زياده
انا مش بفرض عل حد راي معين بس بقول اللي بعرفه علشان الكل يستفيد
د.اليشع بقاله فترةةةةةة بيدور عل عربيه نظيفه مش الاقي
العربيات النظيفه في بورسعيد كتير جدا..
و الله الموفق..

**wawamoha** · 07-02-2009 11:03 PM

اهم حاجه ان الاخ المعاق يكون طلع فعلا رخصه قياده لان لو ما معاهوش فيها شهرين تلاته عل ما تخلص الورق و تطلعم الرخصه
لو معاه الموضو بياخد 3 او 4 ايام اسبوع بكتيره
سلام..