حد جرب قرطبة او ابيزا 2009 تيبترونيك؟؟

السلام عليكم
انا بفكر اشتري سيات قرطبة 2009 1.6 تيبترونيك اللي نازله في التوكيل وكنت عاوز اسال اذا كان فيه حد اشتراها وجربها عن شوية حاجات

1) نعومة وسلاسة النقل بتاع الفتيس بتاعها في الوضع الاتوماتيك وياتري حد يقدر ياكد معلومة انها نفس فتيس الجيتا ولا لا؟؟

2) سحب العربية سواء في الوضع الاتوماتيك او بالتحكم في النقل باستخدام خاصية التيبترونيك

3) وفرة قطع الغيار برة وجوة التوكيل وهل فعلا هي نفس قطع غيار الفابيا والبولو( والجيتا )

اي معلومات تانية عن العربية وادائها ككل وخصوصا بالمقارنة بالمازدا 3

شكرا

ايه يا جماعه ......... محدش اشترى ابيزا أو قرطبه ال 1600 خالص !!!!!!

اقتباس:

---

المشاركة الأصلية كتبت بواسطة MedaSam

ايه يا جماعه ......... محدش اشترى ابيزا أو قرطبه ال 1600 خالص !!!!!!

---

انا مستغرب زيك حاجة تقلق!!!

للاسف كله بيجري نحو الانتشاؤ الياباني والكوري

على فين يا سيات

دا على كده التوكيل المفروض ينزل سعرهم ... و اللا هتصدي بجد

والله احنا معانا ابيزا 2008
الموتور 1400 بس سحبه مش قد كده
بس اعتقد انها اتحات في الموتور الجديد
والعفشه ناشفه جدا
نصيحه بلاش شوف حاجه ياباني او كوري

هو المفروض الابيزا والكوردوبا زي بعض بس وحده هاتش وواحده سيدان

انا كنت سقت وحده جايه من الامارات 1.4 اوتوماتك الفتيس القديم زي فتيس البورا والاكتافيا القديمه

بصراحه الموتور مع انه سحبه بطييء بس موتور نشيط مش نايم والفتيس كمان نشيط يعني اداءهم حلو جدا ونضاف جدا
انما السحب طبعا تعبان جدا عشان 1.4 واوتو
العفشه كاغلب معظم العفشات ناشفه بس مش المقرفه في السواقه
هي ناشفه بس برضو في النطاف الالماني العادي وبالنسبه للجري انا مجربتش اجري بيها بصرراحه
بس كانت سواقتها لزيزه جدا وعربيه سهله التحكم
متهيالي في الموتور الجديد والفتيس الجديد هتبقى العربيه زي الفل مش ناقصه حاجه تسارع رائع وموتور وفتيس نضاف
العفشه مش النشوفيه الى تبوز العربيه مثلا لا انا شايف ان العفشه تستحمل ونضيفه
العربيه الى سوقتها كانت ماشيه 50 الف ولا فيها الهوا كانها زيرو بالضبط

عربية جميلة صراحة واتوقع انها تبقة في المستوى المطلوب

لقد خالفتم قاعده رقم 6 بند ب
ولقد حصلتم على تحذير
يرجى مراجعة قواعد المنتدى
مشرف فرعي 1

امبارح كنت فى جامعه الدول ولقيت نفسي قدام توكيل السيات والبورش . انا قرر ت اجيب اوكتافيا ان شاء الله بس قلت ابص على القرطبه

لقتها ب 120 الف و فيها فتحه سقف و Cd/mp3 بس التابلوه ممل اوى و مش شيك اوى بس الراجل قاللى دى جيتا ب 120 الف و مش عارف ايه و معاها صيانه مجانيه 40.000 كيلو.

سالته على اسعار قطع الغيار لقتها كويسه اوى يعنى المرايا الجانبيه كامله ب 300 Le والاكصدام ب 1000 و الفنوس امامى ب 700

دا اللى عرفته بس مش عارف ليه مش بتبيع يعنى الكورى ب 116 النيو سيراتو ودى ب 120 و تقفيل اسبانى و قطع غيار معقوله اوى طب ليه مش منتشره? الله اعلم

فولكس جيتا ب 120 الف ازاي ؟؟ واكصدام ب 1000

اقتباس:

---

المشاركة الأصلية كتبت بواسطة haitham10

فولكس جيتا ب 120 الف ازاي ؟؟ واكصدام ب 1000

---

هي فعلا نفس موتور و فتيس الجيتا .. و نفس الموتور و الفتيس هتلاقيهم في الفابيا و الرومستر 2009

الكوردوبا و من الريفيوهات عليها بره بيقولوا عليها أودي a4 متنكرة و بيقولوا إن فولكس فاجن بتحاول من خلال سيات أن تقدم الأودي لكن بأسعار أقل.

لو دخلت على توب جير .. دور على سيات إكسيو و هو الكوردوبا اللي المفروض تنزل مصر 2009 لكن الوكيل لسه بيجيب الشكل القديم

اقتباس:

---

المشاركة الأصلية كتبت بواسطة beihoo

هي فعلا نفس موتور و فتيس الجيتا .. و نفس الموتور و الفتيس هتلاقيهم في الفابيا و الرومستر 2009

الكوردوبا و من الريفيوهات عليها بره بيقولوا عليها أودي a4 متنكرة و بيقولوا إن فولكس فاجن بتحاول من خلال سيات أن تقدم الأودي لكن بأسعار أقل.

لو دخلت على توب جير .. دور على سيات إكسيو و هو الكوردوبا اللي المفروض تنزل مصر 2009 لكن الوكيل لسه بيجيب الشكل القديم

---

هوه بيقول فولكس جيتا في المعرض ب 120 الف جنيه ؟؟ الي اعرفه تمنها 200 فيما فوق دة قصدي لاني مفهمتش قصدك

ياباشا هو قصده ان الكردوبا نفس موتور و فتيس الجيتا فاعتبر نفسك راكب جيتا بس بشكل و سعر الكوردوبا اللي هو 120 الف

اما بالنسبة لموضوع الابيزا انا جبت ال 2009 ال 1600 تيبترونيك عربية ماشاء الله حلوة جدا جدا جدا سحبها فوق الممتاز و بالذات علي السرعات العالية يعني بعد ال 120 بتدوس بنزين بتجمع معاك بشكل خرافي فعلا و بص يا باشا ده لينك لتقرير انا عامله عن العربيه اقراه و ان شاء الله يفيدك و اي خدمة
http://www.nilemotors.net/Nile/91187-2009.html

و الجيتا مش 200 و لا حاجة
أعرف واحد جايبها ب 160

ما هي بتبدا من 160 تقريبا لحد اعلي حاجة فيها اسمها jetta comfort دي ب ب 200 و كسر بس السعر ده من حوالي 5 شهور

علي فكره الكوردوبا سعرها حاليا 99.500 ج
كانت في ملحق الاهرام معروضه في كذا مكان

ايه ده لحقت ؟؟؟؟؟؟؟؟؟؟؟؟؟ يمكن مانيوال

طب تقييم و صور يا جماعة ياللى معاهم القرطبة
بدأت أفكر فيها بس محتاج أشوف آراء اللى ركبوها
و ياريت المواصفات بتاعة اللى بتتباع فى مصر

بص يا باشا الموضوع ده فيه مواصفات الكوردوبا اللي بتتباع في مصر

http://www.nilemotors.net/Nile/90731-2009.html

و ان شاء الله محمد بهي الدين اول ما يقرا مشاركتك هايقولك رايه عنها وانا عن نفسي معايا الابيزا و عامل تقرير عنها اهو

http://www.nilemotors.net/Nile/91187-2009.html

لآن هي هي الكوردوبا بس فرق انها هاتش باك و مفيش فتحة سقف عندي .

و ان شاء الله ربنا يوفقك و تجيبها لأنها بجد عربية حلوة جدا جدا

و دي شوية صور للعربية

http://upload.wikimedia.org/wikipedi...ordobaRear.jpg

http://www.direct-vehicle-leasing.ne...20Cordoba1.jpg


http://www.autoscostasol.com/images/..._04200x131.gif
اي خدمة يا باشااااااا :rolleyes2:

هو مكتوب في ملحق اهرام الجمعة الي فاتت دي في كذه اعلان كوردوبا جميع الكماليات ب99 الف انا استغربت السعر برضه بس معتقدش انها مانوال ومكنش مكتوب علي مااتذكر

بس سعر مغري مـــــــوت بجد
العربيه قطع غيارها رخيصه وموتور الجيتا وكماليات تحفه

يا باشا لو ناوي توكل علي الله العربية دي بجد صفقة ناجحة جدا و ربنا يوفقك للي فيه الخير

هى فعلا ب 99 ألف بس دى مانيوال و 1400 سى سى...دى اللى معايا....والاتوماتيك مش عارف بتنزل عندهم ولا لأ بس بلاش منها..عشان الموتور بتاعها على الاتوماتيك ضعيف اوى فى السحب...التبترونيك موجودة ب 115 ألف ....نزلوها 8 الاف جنية...رمضان كريم

الله اكرم يا باشا و كل سنة و انت طيب و شكرا علي المعلومات دي
بس اعتقد اللي ب 115 دي من غير فتحة سقف

فيها يا باشا بيهووو كاتبها
http://www.nilemotors.net/Nile/90731-2009.html

بس انا اول مره اسمع عن ال1400 مانوال دة ... انا مدققتش في الجرنال اوي لكن مااخدتش بالي من حاجه زي كدة لاني اعرف انها بتنزل فئة واحدة بس 1600 اوتو

ماعلينا هي العربيه عموما تستاهل اكتر من 115 بصراحة اصلا

بالظبط كده هي فعلا تستاهل
و انا اعتقد الموتور ال 1400 ده بتاع 2008 لأن فعلا اللي اعرفه ان كل 2009 1600 و فتيس تيبترونيك

اقتباس:

---

المشاركة الأصلية كتبت بواسطة mr_shims_49

بالظبط كده هي فعلا تستاهل
و انا اعتقد الموتور ال 1400 ده بتاع 2008 لأن فعلا اللي اعرفه ان كل 2009 1600 و فتيس تيبترونيك

---

كلامك صح يا باشا...ال 1400 موديل 2008...بس لسه موجودة عندهم فى المبيعات عشان معملوش التارجت فتزلوها مع 2009....يعنى الموديلين معروضين...المانيوال كويسة مع موتور 1400...مش محتاج موتور أعلى...بس طبعا 1600 التبترونيك جميل...انا معايا المانيوال...بس جربت التبرونيك....بس انا عامة أفضل المانيوال لأسباب معينة منها صيانة الفتيس أسهل واستهلاك البنزين والتحكم وكده...بس برضه التبترونيك يبفهموا فيه هناك فى التوكيل...لكن الاتوماتيك فااااشلة.....بطيئة جدا على ال 1400 ...ربنا يوفقكوا ويكفيكوا شر عربياتكوا ويديكو خيرها ان شاء الله

اقتباس:

---

المشاركة الأصلية كتبت بواسطة Alyyoussef

كلامك صح يا باشا...ال 1400 موديل 2008...بس لسه موجودة عندهم فى المبيعات عشان معملوش التارجت فتزلوها مع 2009....يعنى الموديلين معروضين...المانيوال كويسة مع موتور 1400...مش محتاج موتور أعلى...بس طبعا 1600 التبترونيك جميل...انا معايا المانيوال...بس جربت التبرونيك....بس انا عامة أفضل المانيوال لأسباب معينة منها صيانة الفتيس أسهل واستهلاك البنزين والتحكم وكده...بس برضه التبترونيك يبفهموا فيه هناك فى التوكيل...لكن الاتوماتيك فااااشلة.....بطيئة جدا على ال 1400 ...ربنا يوفقكوا ويكفيكوا شر عربياتكوا ويديكو خيرها ان شاء الله

---

يا باشا الف شكر ربنا يخليك:satelite: و يباركلك فالكوردوبا و يكفيك شرها ان شاء الله :ask: