للاسف معرفتش اساند حملة خليها تصدي ...واشتريت عربية نيو ماتريكس

عرض للطباعة

23-01-2009, 06:49 PM
Hisham_ElFeky

للاسف معرفتش اساند حملة خليها تصدي ...واشتريت عربية نيو ماتريكس

الحمدلله الذي رزقني ....جبتها لوالدتي وهيا تعبانة شوية من العربية القديمة جدا( لادا ..والله هيا صبرت كتير وخدت وقتها) وكان لازم اجيبلها حاجة ضروري واستغليت فكرة المعرض انا كنت هجيبها من التوكيل بس المصرية عاملها ب ٩٧٥٠٠ علشان المعرض وحسيت انها مصلحة فقررت اشتري ...وبعتذر لحملة خليها تصدي علشان دي ظروف قهرية

بعد مباحاثات وبحث وشد وجذب اختارنا العربية بعد مناوشات من سوزوكي Sx 4 والسوران اختارنا المارتريكس
انا عارف التوكيل والحركات دي بس فيه واحد صحبي نصحني ب كارت اليت دا اللي هوا خدمة صيانة لحد باب البيت علشان والدتي صعب تتحرك كتير ولو فيه حاجة كبيرة لا قدر الله انا اللي هقوم بالواجب

استلمتها عاملة ٣٠ كيلو ودا بيقولي من جراجنا في العبور وحركات من دي ما علينا..المهم نفضت العربية بالكامل الحمد لله تمام الصاج زي الفل والكراسي وبصيت علي كل حاجة بس الملحوظة الوحيدة ان الموتور الكابوت مردوم تراب عايز غسلة موتور بس مش عارف اوديها التوكيل ولا اعمل ايه؟

فيه حاجة غريبة أوي مش عارف دا لاعادي ولا ايه
حوض الشنطة من جواه لونه دهبي ومش لون العربية (لونها أسود)؟؟؟

وغطا الاستبن مش ثابت دا عادي ولا بيتثبت من عند الكراسي كده؟؟
حطيت بنزين ٩٢ من بنزينة الميرغني وفجأة لاقيته بيقولي ٩٧ جنيه :) طبعا فواضح ان تنكها ٥٥ لتر تقريبا السيفيك ( ٤٥ لتر تقريبا)

المشوار من مصر الجديدة لشبرا

الانطباع جميل احساس انك ماش عالي كده برضو ليه هيبة ( اصل السفيك ان ببقا مرمي في الارض) بس بصراحة عفشتها انشف من السيفيك ( فينك يا كيمو)

المهم بقا وكله يركز وخصوصا رجالة الماتريكس...

عايز اعرف هعمل ايه في الموتور وترابه ؟

عايز اظبط العربية من جوا انا كده كده هروح لدوس (واخد بالك يا كريم) وهظبط لونين في الصالون وطبع هيكون معايا كريم منير بس لما سعادته يبقي فاضي؟

عايز اعرف مين بقا اللي عنده كل الحركات بتاعتها من مخدع محترم حتي لو غالي ( هيا فيها مخدع بس واطي اوي مش عارف ممكن نعمل دور تانى ولا لأ؟) و اكسسوار جامد ليها والشبكة العرضية بتاعتها؟

وموضوع الدفندارات بتاعتها انا عارف ان فيه اشكال كتير دي ممكن القيها فين؟

واخيرا نصايحكو أكيد هتفرق معايا كتير

ومستني الماتريكساوية اللي بقيت واحد منهم...

و
23-01-2009, 06:53 PM
kliken

الف مبروك و ربنا يديك خيرها و يكفيك شرها
23-01-2009, 07:26 PM
analyzer

الف مبروك ربنا يديكم خيرها ويكفيكم شرها
23-01-2009, 07:38 PM
Hisham_ElFeky

بارك الله فيكم يا شباب
23-01-2009, 07:45 PM
momenhamdy

الف مبروووووووووووووووك يا باشا
وربنا يديك خيرها و يكفيك شرها
وعايز ان شاء الله بعد اول صيانة تقيم محترم عنها
والف مبروك مره تانية
23-01-2009, 07:57 PM
د.محمد الشيخ

الف الف مبروك ..رزقك الله خيرها وابعد عنك شرها

بس هو مش المفروض تستلم العربية من الوكيل نظيفة من كله خاصة الموتور !!!
23-01-2009, 07:59 PM
Nader

الف مبروك يا اتش وربنا يبارك لكم فيها.

بالنسبة للموتور روح اي بنزينة وخلي العامل ينضفلك الحوض بالهواء المضغوط

من غير ما يقر اوي من العربية.

بالنسبة للدفندرات منصحكش بها وخصوصاً لان العربية هتكون مع الحاجة ومش هتعرف تتعامل مع المرور لان الدفندرات لازم تكون مثبوتة في الرخصة.

باقي الاستفسارات يفيدك فيها رجاله الماتريكس إن شاء الله.
23-01-2009, 08:29 PM
Nile_Storm

الف مبروك هشام باشا
بص ياسيدي
خدمه ايليت حلوه جدا خصوصا لوالده حضرتك و تريحها من التوكيل و زحمته ولو فيه مشكله لاقدر الله ييجولها في مكانها
بس صيانتهم بتكون اقل من صيانه في المركز نفسه هي اخرها شد سيور تغيير زيت انما تغيير قطع غيار ظبط زوايا اي حاجه فيها رفع عربيه مش هيكون في ايدهم طبعا و ربنا مايخليها تحتاج لاي حاجه من دي
الموتور زي مانادر قال تنظيفه بالهوا من بعيد
الديفندر ليه ميزه طبعا وهي الشكل
و ليه عيبين لاقدر الله لو خبطت حد بتبقي خبطه موت او عاهه لاقدر الله
ثانيا اي خبطه بتسمع جامد في الشاسيه فممكن تعمل تلف جامد ليه فبدل ماتحافظ علي العربيه تضرها اكتر
و الله اعلم و برضه بانتظار رد الماتركساويه
23-01-2009, 10:38 PM
Hyundai-CRM

ألف مبروك .. يعطيكم خيرها و يكفيكم شرها ... و بالنسبة للديفندرات ينصح بالأبتعاد عنها تماما .

تحياتي
23-01-2009, 10:43 PM
karimone

الف مبروك يا باشا
الحاجات اللي بتقول عليها ديه كلها في شارع دمشق عليك بيهم و هناك هاتلاقي كل اللي انت عايزه
23-01-2009, 10:49 PM
نور العمر

يكفي برك بوالدتك ... وربنا يباركلك فيها ...والف مبروك
23-01-2009, 10:56 PM
Hisham_ElFeky

شكرا لردودكم يا شباب

اقتباس:

المشاركة الأصلية كتبت بواسطة Hyundai-CRM

ألف مبروك .. يعطيكم خيرها و يكفيكم شرها ... و بالنسبة للديفندرات ينصح بالأبتعاد عنها تماما .

تحياتي

شكرا يا باشمهندس ...هل دا بيأثر علي حاجة معينة؟

اقتباس:

المشاركة الأصلية كتبت بواسطة Nile_Storm

الف مبروك هشام باشا
بص ياسيدي
خدمه ايليت حلوه جدا خصوصا لوالده حضرتك و تريحها من التوكيل و زحمته ولو فيه مشكله لاقدر الله ييجولها في مكانها
بس صيانتهم بتكون اقل من صيانه في المركز نفسه هي اخرها شد سيور تغيير زيت انما تغيير قطع غيار ظبط زوايا اي حاجه فيها رفع عربيه مش هيكون في ايدهم طبعا و ربنا مايخليها تحتاج لاي حاجه من دي
الموتور زي مانادر قال تنظيفه بالهوا من بعيد
الديفندر ليه ميزه طبعا وهي الشكل
و ليه عيبين لاقدر الله لو خبطت حد بتبقي خبطه موت او عاهه لاقدر الله
ثانيا اي خبطه بتسمع جامد في الشاسيه فممكن تعمل تلف جامد ليه فبدل ماتحافظ علي العربيه تضرها اكتر
و الله اعلم و برضه بانتظار رد الماتركساويه

شكرا يا فندم لردك...معاك حق ودا معناه انهم برضو مش هيقدروا يربطوا العفشة او يشوفوا تيل فرامل مثلا..انا كنت سمعت ان الدفيندر بيأثر علي العفشة...

اقتباس:

المشاركة الأصلية كتبت بواسطة Nader

الف مبروك يا اتش وربنا يبارك لكم فيها.

بالنسبة للموتور روح اي بنزينة وخلي العامل ينضفلك الحوض بالهواء المضغوط

من غير ما يقر اوي من العربية.

بالنسبة للدفندرات منصحكش بها وخصوصاً لان العربية هتكون مع الحاجة ومش هتعرف تتعامل مع المرور لان الدفندرات لازم تكون مثبوتة في الرخصة.

باقي الاستفسارات يفيدك فيها رجاله الماتريكس إن شاء الله.

انا سمعت يا نادر ان فيه ناس بتعملها وتثبتها علي الرخصة..تفتكر ممكن
24-01-2009, 12:13 AM
Nader

اقتباس:

المشاركة الأصلية كتبت بواسطة Hisham_ElFeky

انا سمعت يا نادر ان فيه ناس بتعملها وتثبتها علي الرخصة..تفتكر ممكن

طول ما في وسطة كل شيئ ممكن :)
24-01-2009, 12:26 AM
mahamedaraby

الف مبروك وربنا يباركلك فيها ويكفيك شرها

وفى انتظار موضوع يكون فيه تقيم شامل للعربيه
24-01-2009, 12:26 AM
HamadaMOMO

الف مبروك ياباشا
وربنا يباركلك فيها ويكفيك شرها
24-01-2009, 03:17 AM
Ahmed Anwer

مبرووووووووووك

و انتظر رد رجاله الماتريكس
24-01-2009, 03:50 AM
mahmoud_magdy

مبروك عليك وعلى والدة حضرتك
ربنا يديكو خيرها ان شاء الله
وسلملي اوي على شبرا عشان وحشتني :k10:
24-01-2009, 05:09 AM
mo7a_mo7a

مبروك عليك
ولو اننا كان نفسنا انك تساند الحملة للخر
ربنا يديك خيرها ويكفيكم شرها
بلاش الدفندرات علشان بتاثر علي شاسيه العربية
والموتور اغسله في اي بنزينة مش مشكلة
ومبروك مرة تانية
24-01-2009, 09:46 AM
theking2690

الف مبروك يا باشا على العربيه و يا رب تبقى وش السعد عليكو نيجى للنصائح بقى:
1-ابعد عن الدفندرات تماما لأنك لما تحطها هتتوقف فى اى لجنه وكل مره هتدفع 50 جنيه على الفاضى انا دفعت عليهم 200 جنيه و شلتهم و خلصت
2-بالنسبه للمتور اعمله بالهوا فى اى بنزينه وخلاص
3-الاكسسورات بتاعت الماتريكس مش كتيره هى كبيرها طقم النواكل بتاعها و مش بيليق على كل الالوان
4-فعلا الماتريكس تنكها 55 لتر بس المبه بتنور بعد 45 لتر
5-بالنسبه للحته بتاعة غطا الاستبن انا مش فاهم قصدك قد كده بس لو قصدك عالحته السوده اللى هى تعتبر ارضية الشنطه هى مش بتتثبت فى حاجه هى بتبات فى مكنها وخلاص
6-المخدع ممكن تعمله عموله عند الراجل اللى انت هتعمل عنده الفرش مش هتلاقى منه جاهز

مبروك تانى على العربيه يا باشا واحنا كده بقينا زى بعض بالظبط سيفكاويه وماتريكساويه ولو عاوز اى استفسار تانى انا تحت امرك
24-01-2009, 12:22 PM
bassam nagy

الف مبروك وربنا يباركللك فيها
الاكسسورات بتاعتها زى ماقال مصطفى النواكل والديفندار والستاير بتاعت الشنطة والهوايات والبابين الخلفيين الستاير موجودة فى محل اوبشن والديفندار عند ناس كتيير المرور بيعترض عليهم
واكتر محل ممكن تلاقى فية اكسسوراتها
على رضا فى مدينة نصر
24-01-2009, 12:45 PM
Sharky

الف مبروك يا هشام و ربنا يبارك لكم فيها
25-01-2009, 12:30 PM
Hisham_ElFeky

شكرا لردودكم يا شباب

اقتباس:

المشاركة الأصلية كتبت بواسطة theking2690

الف مبروك يا باشا على العربيه و يا رب تبقى وش السعد عليكو نيجى للنصائح بقى:
1-ابعد عن الدفندرات تماما لأنك لما تحطها هتتوقف فى اى لجنه وكل مره هتدفع 50 جنيه على الفاضى انا دفعت عليهم 200 جنيه و شلتهم و خلصت
2-بالنسبه للمتور اعمله بالهوا فى اى بنزينه وخلاص
3-الاكسسورات بتاعت الماتريكس مش كتيره هى كبيرها طقم النواكل بتاعها و مش بيليق على كل الالوان
4-فعلا الماتريكس تنكها 55 لتر بس المبه بتنور بعد 45 لتر
5-بالنسبه للحته بتاعة غطا الاستبن انا مش فاهم قصدك قد كده بس لو قصدك عالحته السوده اللى هى تعتبر ارضية الشنطه هى مش بتتثبت فى حاجه هى بتبات فى مكنها وخلاص
6-المخدع ممكن تعمله عموله عند الراجل اللى انت هتعمل عنده الفرش مش هتلاقى منه جاهز

مبروك تانى على العربيه يا باشا واحنا كده بقينا زى بعض بالظبط سيفكاويه وماتريكساويه ولو عاوز اى استفسار تانى انا تحت امرك

شكرا لردك يا باشا ..انا بتكلم علي الحوض نفسه الللي بيتحط فيه الاستبن لونه مختف

موضوع الديفيندر دا مهم لوالدتي ضروري علشان حماية ليها

وعرفت حد بيقولي حاجة نفسي حد يفهمهالي
بيقولي لو جبتلي فاتورة بالديفيندر مسجلة ضريبة مبيعات
هسجلهالك في المرور فا شكلي كده ناويها

وفعلا موضوع السيفيك والماتريكس فيه بينهم علاقة بس مش عارف ايه هيا :)

اقتباس:

المشاركة الأصلية كتبت بواسطة bassam nagy

الف مبروك وربنا يباركللك فيها
الاكسسورات بتاعتها زى ماقال مصطفى النواكل والديفندار والستاير بتاعت الشنطة والهوايات والبابين الخلفيين الستاير موجودة فى محل اوبشن والديفندار عند ناس كتيير المرور بيعترض عليهم
واكتر محل ممكن تلاقى فية اكسسوراتها
على رضا فى مدينة نصر

شكرا يا فندم ...ممكن أعرف فين علي رضا بالظبط..علشان أوبشن دا بالنسبة لي البر الغربي :)))

اقتباس:

المشاركة الأصلية كتبت بواسطة Sharky

الف مبروك يا هشام و ربنا يبارك لكم فيها

وحشني والله يا أحمد
25-01-2009, 12:57 PM
Sharky

اقتباس:

المشاركة الأصلية كتبت بواسطة Hisham_ElFeky

وحشني والله يا أحمد

طب إسأل يا ندل :44:
25-01-2009, 05:25 PM
bassam nagy

العنوان بتاعة
10 شارع اسماعيل القبانى متقاطع مع شارع الطيران
رقم التليفون 24020414
29-01-2009, 03:38 PM
Hisham_ElFeky

اقتباس:

المشاركة الأصلية كتبت بواسطة bassam nagy

العنوان بتاعة
10 شارع اسماعيل القبانى متقاطع مع شارع الطيران
رقم التليفون 24020414

الراجل دا جامد جدا...وعنده حاجات مشقتهاش في حته تانية بس غالية شويتين
29-01-2009, 03:45 PM
karimone

فعلا اسعاره غاليه شويه بس حاجته حلوه
29-01-2009, 04:23 PM
sh23

*بارك الله لك فيها ووقاك من شرور الطريق
* أعتقد أن برك لوالدتك أكبر ثواباً من المشاركة في أي حملة أي كان هدفها
* بالنسبة للديفندر أنا عن نفسي صرفت عنة نظر ؛ وهناك مداخلة للمهندس / عاطف عبدالسميع قد تساعدك علي صرف النظر عن الديفندر .... برجاء مراجعة الرابط التالي
http://www.nilemotors.net/Nile/showt...=14777&page=51
وهذا نص المداخلة

اقتباس:

المشاركة الأصلية كتبت بواسطة Hyundai-CRM

شوف الماتريكس ليس بها قواعد لتركيب هذه الأكسسوارات .. و بصراحة الناس بيركبوهه في أية فتحات و خلاص ... و اللي بيحصل .. أنها مع المشي العادي بتحل من أماكنها و بتسبب أصوات كتيرة .. علاوة علي أنك لو ريحت بالخطأ علي رصيف بتوسع أخرام المسامير و بتبهدل الدنيا ... و لو خبطة كبيرة و حصلت بالفعل ... أحيانا بتعدي الخوص بتاعتها من مكانها و تخش بالماكينة و ضيعت لأحد العملاء الماكينة بتاعته بسبب خبطة تافهة بالرصيف ... لا يوجد قواعد لتركيب أية (ديفندرز) بالماتريكس .. ببساطة شوف بعينك تحت العربية ... لو لقيت قواعد تقدر تركب عليها ... ركب
.... لحساباتك .... كلفة تغيير الأكصدامات أو تصليحها ... أقل بكتير من الأضرار اللي بتسببها هذه الأكسسوارات ...مع وافر تحياتي

******
* بالنسبة للمخدع ما فيش أي حاجة جاهزة ف السوق نفعت تركب عندي ؛ اسهل حل تروح لواحد سروجي يعملك مخدع أسفنج من نوعية جيدة وعالية الكثافةبالأرتفاع اللي أنت عاوزة وبنفس المقاييس التي تفصل بين الكرسيين الأماميين ويتم كسوتها بالجلد طبقاً لنفس ألوان الفرش .
* نصيحة هامة وعن تجربة حاول ما تجريش بالعربية وما تزودش عن 90 كم ساعاة طول فترة التليين
* وعلي فكرة بعد ال 10000 كم الأولي ستشعر بقيمة تلك السيارة وقدراتها الكاملة فحاول أنك ما تقرصشي عليها في الأول
29-01-2009, 04:51 PM
bassam nagy

اقتباس:

المشاركة الأصلية كتبت بواسطة Hisham_ElFeky

الراجل دا جامد جدا...وعنده حاجات مشقتهاش في حته تانية بس غالية شويتين

ناس كويسة جدا
هاتلاقى اكسسورات للهوندا اكتر من الماتريكس
24-02-2009, 12:19 PM
Ah.Farid

الف مبرووووووووك بس بردة
خلوها تصدي وموديلها يعدي
24-02-2009, 07:18 PM
heshaaam

ربنا يباركلك فيها وكويسة الماتريكس
25-02-2009, 04:37 AM
passat

خلوها تصدي وموديلها يعدي لكل المعجبين ومؤيدي الحملة عالفيسبوك

http://www.facebook.com/pages/-/57749716525
25-02-2009, 12:29 PM
waelshabaan

بلاش ديفندر

لو هو مفيد كان نزل اصلا فيها لكنها مصممة بدونه بلاش نقلد وخلاص
25-02-2009, 12:32 PM
dr_abooody

الف مبروك يا باشا و ربنا يباركلك فيها
25-02-2009, 02:03 PM
Hussein_Ramdan

الف مبروك يا جميل خلاص مدام كونت محتاجة جدااا يبقا تمام
الف مبروك عليك وعلى الوالدة