أحدث تكنولوجيا للحصول على انقى صوت بالكمبيوتر

**HNaga** · 25-01-2009 10:12 AM

المشاركة الأصلية كتبت بواسطة kazanova

طيب يا مان كنت سهلت على نفسك وقولت الكلام الى فى اخر مشاركه دا من الاول
دلوقت انت عايز تعمل تيست على الصوت فى عربيتك بس من خرج الاميلفاير
عندك هتلاقى كابل طرف جاك للى هيدخل على كارت صوت الكمبيوتر والطرف التانى عباره عن طرفين بيدخلو على الاميلفاير
هتوصلهم عادى وتشوف الدستريشن طلع عندك اد ايه
لو ليفيل عالى يبقى الاميلفاير عندك لاما هو التعبان لاما عايزله زيرو باور او خرج الكاسيت مش حلو
ولو معتدل فى البرنامج يبقى مبروك عليك
لو مفيش اى ديستريشن يبقى الكاسيت مش واصله باور

خرج الأملييفاير الفولت بتاعه عالى ممكن يحرق كارت الصوت

**A.Elsheikh.01** · 25-01-2009 01:28 PM

خلاص
روح لأستديو صوت ووصل التوصيلات كلها وجرب على الميكروفون بتاع الاستديو

**Adham** · 25-01-2009 10:10 PM

ايوة بس التست دة محتاج مايك يكون حساسيتة عالية جدا علشان تقدر تحكم على الديستورشن اللي طالع من السماعه من خلال مايك يستقبل و يبعت لكمبيوتر يحللة
و عامة هنا مش حايكون مايك كمبيوتر
لازم مايك برو و مافيش مايك بسهولة يستقبل ذبذبات الصوت من 20 - 20ك هيرتز المايك بيبقى كويس قوي في رينج الميدرينج من 500-2500 هيرتز بس لا قبل و لا بعد

بس عامة واحد فاهم صوتيات و ودنة حساسة يقدر يحكم ببساطة من سماع الصوت على اغنية ريفرنس زي هوتيل كاليفورنيا يقولك اذا كان السيستم دة كويس وللا فية ديستورشن وللا اية

**HNaga** · 25-01-2009 10:46 PM

اهلا أدهم باشا
ممكن أجرب المايك بتاع الألباين KTX-100EQ ده المايك اللى الباين بتستخدمه فى ال Calibration

بس انا كنت عايز اوصل خرج الأمبليفاير على الكمبيوتر بس محتاج دائرة مخصوصة بشوية مقاومات عشان تققل الفولت اللى رايح على كارت الصوت

**Adham** · 26-01-2009 01:06 PM

ايوة هوة دة اللي كنت عاوز اقولهولك امبارح

ممكن توصل الخرج بتاع الصوت مباشرة عالكمبيوتر من خلال وصلة ال(zero power(Lina inverter اللي بتتباع في راديو شاك
و بكدة يبقى الصوت بنقاوتة داخل مباشرة من الامبليفير للكمبيوتر بدون اي مؤثر خارجي من حساسية مايك او الband width او اي noise من الجو المحيط بالمايك

المايك اللي بيستخدم في ال calipration لل sound level مش مطلوب منة الا ضبط مستوى ارتفاع الصوت اللي يتقاس عال sound level meter ومش مطلوب منة نقاوة و لا band width
و الامبليفيرات الجديدة الحديثة بيبقى فيها كبسولة مايك في الريموت كونترول بتاعها لضبط الموضوع دة من خلال الريموت اللي يسمع قوة الصوت لكل سماعهchannel و يرسل اشارة انفرا ريدIR للامبليفيرReceiver و يضبط مستوى sound level كل سماعه
ممكن تشوف الخاصية دي عالموقع بتاع
harman/kardon
بقالها سنين نازلة في رسيفرات الصوت

**HNaga** · 26-01-2009 01:52 PM

بالنسبة للألباين KTX-100EQ مش Calibration بس
ده المفروض انه بيضبط الكروس اوفر بتاع الكاسيت
عامة لو وصلة راديو شاك دى هتقوم بالغرض يبقى ممتاذ

عبارة عن ايه الوصلة دى؟

**Adham** · 26-01-2009 02:25 PM

عبارة عن وصلة بتهبط الفولت اللي جاي high power من الكاسيت و تحولة لزيرو باور RCA Zero Power
ليها اسم سوق بيسموهولها بتوع الكاسيتات بس مش فاكرة دلوقتي
بيستعملوها لتوصيل كاسيت مافيهوش خرج RCA على امبليفير مايقبلش هاي باور