مبروك يا عشاق السيريون و دايهاتسو

**TaoTao** · 25-01-2009 08:15 PM

ألف مبروك وإلى الأمام دائماً :)
اسامي الشعب السيريوني منورة الجريدة كلها .. حاجة تفرح

**Mostafa Hessen** · 25-01-2009 08:16 PM

مبروووووك عليكم وعلينا

انا قريت الموضوع فى الصفحة السادسة

مبرووووووووووووووووك

**ows212** · 26-01-2009 02:29 AM

الف مبرووك للشعب السيريونى والف مبرووك ل نايل موتورز
بدون شك اعلان زى ده هايضاعف عدد اعضاء نايل موتورز وكمان هيكون له اثر حلو بالنسبة لمبيعات ديهاتسو وخصوصا السيريون
.................................................. ....
شكرا لأبوعبدالله ومحمود ومعاذ

**YoussefMostafa** · 26-01-2009 03:28 PM

بجد خبر جامد جدا جدا الف الف مبروووووك

لكل الدايهاتسوية ويارب انضم ليكوا

الي الامام يا نايل موتورز

**Shehab_gomaa** · 26-01-2009 04:41 PM

مبروك لأخوة الأعضاءأصحاب السيريون.
أنا بقالى حوالة شهرين بدور وأسأل عشان عايز أشترى عربية وسبحان الله العربية الوحيدة اللى الكل شكر فيها هى السيريون. ولما شفتها عجبتنى جدا جدا لكن المشكلة إن شنطتها صغيرة قوى. فأنا دلوقتى محتار بين ال نيو أكسنت والسيريون على إعتبار إن ال نيو أكسنت هى أكتر عربية عجبتنى بعد السيريون.
فعايز أعرف منكم هل فعلا مساحة الشنطة مشكلة فى السيرويون ولاإيه خصوصا إن الحمد لله أنا عندى طفلين وأغلب صحابى قاالولى أسرة يبقى شنطة سيدان وإبعد عن الهاتشباك.

إيه رأيكم؟؟

**abohalmos** · 26-01-2009 09:00 PM

و الله يا اخ شهاب... انا كمان عاجبانى السيريون
وعندى برضه طفلة و التانى فى الطريق ان شاء الله ...و فعلا محتار زيك فى موضوع الشنطة و خايف يضايقنى ... بس اللى انا عارفه انه لو انت بتسافر بالعربية و مصيف و حركات و كده ... يبقى خليك فى النيو اكسينت .. اما لو لا..انا رايى السيريون افضل اختيار ... و اعتقد بعدها فى الاختيار يبقى الاكسنت.. خصوصا انى اعتقد ان شنطة السيريون تشيل شنطة واحدة حجمها حلو..و برضه اعتقد انها ممكن تشيل عربية بيبى لو طبقتها...
الجزء التانى اللى انا محتار فيه .. بعد ما اختار السيريون .هوا اجيبها 1000 و لا 1300 سى سى ؟؟؟
لانى لسه قلقان من موضوع 1000 سى سى و خايف يؤثر على التكييف وكده...و لا الواحد يدوس على نفسه و يجيب 13000 بالمرة؟؟؟؟

**معاذ الشرباصى** · 26-01-2009 11:54 PM

مبرووووك يا شباب الوصول للعالمية

الاعلان فعلا ظريف جدا, و يفتح النفس

بس هو نسيوا شخص من اهم الشخصيات فى المجموعة و هو محمود باشا "Motorizer"

الصراحة الراجل كان بيتعب فى حجز مكان التجمعات, و اختيارها و هو صاحب فكرة الجروب

بس إن شاء الله ملحوقة المرة الجاية فى مقابلة فبراير

**outosend** · 27-01-2009 12:55 PM

مجهود هايل ومشرف والى الامام دايما ياجماعه ان شاء الله

**أبو عبدالله** · 27-01-2009 02:11 PM

المشاركة الأصلية كتبت بواسطة abohalmos

و الله يا اخ شهاب... انا كمان عاجبانى السيريون

وعندى برضه طفلة و التانى فى الطريق ان شاء الله ...و فعلا محتار زيك فى موضوع الشنطة و خايف يضايقنى ... بس اللى انا عارفه انه لو انت بتسافر بالعربية و مصيف و حركات و كده ... يبقى خليك فى النيو اكسينت .. اما لو لا..انا رايى السيريون افضل اختيار ... و اعتقد بعدها فى الاختيار يبقى الاكسنت.. خصوصا انى اعتقد ان شنطة السيريون تشيل شنطة واحدة حجمها حلو..و برضه اعتقد انها ممكن تشيل عربية بيبى لو طبقتها...
الجزء التانى اللى انا محتار فيه .. بعد ما اختار السيريون .هوا اجيبها 1000 و لا 1300 سى سى ؟؟؟
لانى لسه قلقان من موضوع 1000 سى سى و خايف يؤثر على التكييف وكده...و لا الواحد يدوس على نفسه و يجيب 13000 بالمرة؟؟؟؟

على فكره انا عندي طفلين وبسافر ومعنديش اي مشكلة والحمد لله
الشنطة فعلا ممكن تشيل عربية طفل لما تتطبق وده انا عملته من قبل فعلا

ويا جماعه متنسوش ان الشنطة لها علو عالي وممكن كمان تشيل الرف وتحط الحاجه فوق بعضها وساعتها هتلاقي العربيه اخدت كميه كويسه جدا لأي عائلة صغيرة

لو فرق الفلوس مهم بالنسبة لك يبقى توكيل على الله وهات 1000 سي سي
لو مش كده يبقى 1300 سي سي

وانصحك بكثرة الأستخارة لكي ترزق الخير ان شاء الله