مواعيد التوكيل رجعت زي زمان :)

**MoToRiZeR** · 19-01-2009 05:42 PM

انا كنت بتصل أحجز صيانة العشرين ألف يوم الخميس اللي فات .. و بتصل و انا لسة فاضلي الف و نص عالعشرين بس عامل حسابي إن التوكيل هيديني معاد بعيد يعني في فبراير مثلاَ عالأقل .

فا إتصلت أول حاجة لفتت نظري إنه عرف إسمي و العربية من غير ما أقوله فا إظاهر الكول سنتر بيعمل file لكل عميل فيه النمرة بتاعته و بيانات عربيته بحيث مش كل مرة تتصل تقعد بقي تقوله العربية و الاسم اللي في الرخصة و الليلة دي .

تاني حاجة اداني معاد يوم الإتنين .. و انا متصل الخميس .. قلتله ايه ده إنت بتتكلم جد ؟ يا راجل قول كلام غير ده قاللي لأ الإتنين اللي جي حضرتك مضبوط قلتله أصل انا متعود تدوني مواعيد بعيد اوي .. فا انا متصل بدري عشان أحجز معاد عالعشرين بالضبط .. ينفع أحجز معاد أبعد شوية !؟ قاللي مفيش مشاكل حضرتك .. فا حجزت معاد يناسب الكيلومترات اللي انا ماشيها و قفلت .

انا مش عارف هما عملوا إيه في التوكيل بس تقريبا موضوع ال two man operation ده عمل شغل .. و عقبال أبو رواش .

**YoussefMostafa** · 19-01-2009 07:17 PM

محمود باشا الف مبروك علي العشرين الف وعقبال ال200 الف

وبجد تبقي حاجة جامدة اوي لو مواعيد الصيانة بقت قريبة كدة

**askoda** · 20-01-2009 10:00 AM

by the way Abo Rawash will not open before july :(

This info. from Engineers inside Daihatsu

**aliabutaleb** · 21-01-2009 01:12 PM

خبر حلو يابو حنفي :)
انا خوفاً من مقالب الحجز اتصلت قبلها بشهرين و 10 أيام :)

**aliabutaleb** · 21-01-2009 01:25 PM

بس يا محمود إنت إتأكدت إن الكلام ده مش عشان اللي تم الاتفاق عليه في المقابلة ان الأعضاء ياخدوا مواعيد قريبة في الصيانة؟
ولا ده لكل اللي يتصل؟

**MoToRiZeR** · 23-01-2009 03:56 AM

شكراَ يا يوسف باشا الله يخليك .

علي باشا أعتقد الكلام ده لكل الناس لأن انا كلمت الكول سنتر علي طول من غير الإتفاق مع حد عارف موضوع المقابلة و الجروب، كمان ملف العربية اللي في الكول سنتر غير اللي في التوكيل، فا لو متسجل موضوع الخصم عالكمبيوتر هيبقي في التوكيل مش في الكول سنتر .

**ara** · 24-01-2009 05:51 PM

أخر مره وانا فالتوكيل عرفت انهم زودو عدد العربية إلي بتدخل كل يوم
حتى أنا كنت عايزة احجز الصيانة إلي بعدها الانسة في الاستقبال قالت احجز عادي عن طريق الكول سنتر
أبو رواش في شهر خمسة :)
على فكرة المهندس أحمد عبدالوهاب بقى مدير الفرع في العبور ... والله يستاهل الترقيه ديه :)

**aliabutaleb** · 25-01-2009 01:18 AM

المشاركة الأصلية كتبت بواسطة ara

على فكرة المهندس أحمد عبدالوهاب بقى مدير الفرع في العبور ... والله يستاهل الترقيه ديه :)

ايه ده
يعني مش جاي معانا أبو رواش إن شاء الله لما يفتح؟؟

**ara** · 28-01-2009 09:29 AM

للإسف م/أحمد هايفضل فى العبور بس تقريبا م/محمد عبد الصمد هيجى أبورواش

**Rontato** · 29-01-2009 05:14 PM

انا لما رحت اعمل صيانة ال 1000 ادولى معاد بعد 10 ايام تقريباً. و ده كان كويس جداً مع العلم انى ماشتركتش فى موضوع الخصم ده.
هوة صحيح ايه موضوع الخصم ده و ازاى اشترك فيه

الموضوع: مواعيد التوكيل رجعت زي زمان :)

LinkBack

أدوات الموضوع

عرض

مواعيد التوكيل رجعت زي زمان :) - انشر الموضوع فى :

-

-

-

-

-

-

المواضيع المتشابهه

مواعيد الصيانه فى التوكيل

مواعيد فرع التوكيل في شارع النيل

استفسار عن مواعيد التوكيل؟؟؟

عن مواعيد التوكيل والرواس ضروري لو سمحتم

الكلمات الدلالية لهذا الموضوع

المفضلات

المفضلات

ضوابط المشاركة