للأسف الناس بتلجأ للعنف لعدم ثقتها بإن النظام سيقوم بمعاقبه الجاني بالعقاب الذي يستحقه
من الأخر بيخدوا حقهم بدراعهم
عرض للطباعة
للأسف الناس بتلجأ للعنف لعدم ثقتها بإن النظام سيقوم بمعاقبه الجاني بالعقاب الذي يستحقه
من الأخر بيخدوا حقهم بدراعهم
قال تعالى :الاية 43 من سورة الشورى .
بسم الله الرحمن الرحيم
{ولمن صبر وغفر إن ذلك لمن عزم الأمور} ))
صدق الله العظيم
من ظلم من الخلق، فصبر على ظلمهم، فقد ضمن أن الله تعالى في جواره؛ لأن الله يغار على عبده المظلوم، ويجعله في معيته وحفظه؛ لذلك قالوا: لو علم الظالم ما أعده الله للمظلوم لضن عليه بالظلم - من كتاب تفسير القرأن للشيخ محمد متولى الشعراوى ،حضرتك انا بتكلم فى جزئية انه طفل وبجد حجمه كان لا يتعدى 150 سم وجسده ضعيف جداً وكلنا اتكلمنا عن الرد بعنف ليه منتكلمش من منطلق الرحمة انا اتكلمت لان المنظر تعبنى وبتكلم عن الناس اللى بتأجر ليه الكل بيدخل حتى لوالموقف ميخصهوش حتى حارس كان واقف بيحرس أدوات بناء (حديد مسلح) جه طحنه والاخ اللى طالع من صلاة الفجر رزع الولد قلم محترم ومشى متفهمنيش ان الناس كلها اتسرقت قبل كده وكلهم حسو بالقهر فجم يشاركوا وأنا عارف ان حضرتك بتتكلم عن تجربة شخصية وانا على فكرة مبتكلمش وخلاص ودى تجربتى كنت جايب سنة 2001 كاسيت sony يابانى اصلى بالريموت كان عامل وقتها 1600 جنيه واوكوليزر تاتش وسماعات بايونير يابانى مش فاكر سعرهم نزلت يومها لقيت الزجاج مكسور والعدة كلها بالسلامة وصدقنى وقتها كنت لسه متوظف مبقاليش سنة ودي كانت اول تحويشة ليه وكان والدى ادانى العربية ليا وجبت بالفلوس دى الحاجة للعربية يعنى اول فرحة بعربيتى وبتظبيطها وحرقنى الموضوع جداً جداً وقلت حسبى الله ونعم الوكيل من ساعتها ومفيهاش كاسيت ولا حاجة فهل من حقى انتقم من كل حرامى اشوفه واطلع غلى فيه عموماً كل شخص حر فى ابداء رايه وانا احترم كل الاراء وشكراً
قال تعالى :
بسم الله الرحمن الرحيم
{وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ }
صدق الله العظيم
وعن أبي عبد الله الجدلي قال: "سألت عائشة - رضي الله عنها - عن خلق رسول الله فقالت: لم يكن فاحشاً ولا متفحشاً ولا صخاباً في الأسواق ولا يجزي بالسيئة السيئة ولكن يعفو ويصفح"
مع كامل احترامى لرأيك و تقديرى لشعورك مش العيل ده هو اللى هايكبر و يفضل برضه حرامى لو سبناه ؟؟
لو هو لقى الموضوع سهل و ديته حبس شهر او اثنين واكل شارب نايم و معاه اصحابه و بعد كده يسرق و يهلب و العقوبة سهلة ، و لو محامى شاطر ممكن يطلعه على غلطة فى الاجراءات او اى حاجة تانية .. مش كده
يمكن فى نظرك الضرب فيه حرام علشان سنه و خصوصا انك جبت آيات من الذكر الحكيم و أحاديث السنة المشرفة و اقوال للصحابة رضى الله عنهم و سامحنى نسيت تقول اهم حاجة و اسمح لى افكرك بيها :
غقوبة السرقة فى الأسلام هى قطع يد السارق
و ذلك بدون تفرقة ، و الدليل قول الله تعالى فى الآية من سورة المائدة: "وَالسَّارِقُ وَالسَّارِقَةُ فَاقْطَعُوا أَيْدِيَهُمَا" و حديث الرسول عليه السلام إذ قال : { يا أيها الناس إنما أهلك من كان قبلكم أنه كان إذا سرق فيهم الضعيف أقاموا عليه الحد ، وإذا سرق فيهم الشريف تركوه ، وأيم الله لو أن فاطمة بنت محمد سرقت لقطعت يدها }
و كانت تلك العقوبة لتكون رادعة
لن ادخل فى تفاصيل كثيرة عن الحدود و العقوبات و لكن احببت ان اذكرك ان الصفح هو اختيارى و ليس القاعدة و ان الحد موجود
و كما قلت "عموماً كل شخص حر فى ابداء رايه وانا احترم كل الاراء وشكراً"
و انا مثلك فى هذا الرأى
و تحياتى
اشكرك على مداخلتك وارجو ان الجميع ميعتقدوش اننى بدافع عن السارق وصدقنى انا عارف كويس جداً حد السارق وعقوبته منسيتش بس للاسف لو كان الحد بيطبق مكنش هيبقى فى سرقة اصلاً ولأختلفت امور كثيرة فى حياتنا لو طبقنا احكام الشريعة فنحن نطبق القانون الفرنسى الموضوع وكل ما فيه ان العنف بقى فى حياتنا سمة مميزة معظم الناس بتلجأ الى العنف فى حل مشاكلها ومبتستخدمش العقل والمنطق حضرتك اكيد بتشوف فى الشارع لو اثنين كسروا على بعض او عربيتين قابلوا بعض واولوية المرور لمين طبعاً كل واحد ينزل من عربيته وده يشرب حاجة ساقعة وده يروح يقعد على القهوة وفى الاخر تقلب بخناقة او واحد عايز يعدى من واحد علشان ماشى براحة واول ما يعدى جنبه يشتمه وممكن تخده الجلالة ويكسر عليك وينزلك يعرفك الصح ومين من الناس وخصوصاً الشباب ممكن لو عمل حاجة غلط وعاتبته هيقبل كلامك مش هيتطاول ويمد ايده البلد بقت كلها فتوات الا من رحم ربى وهما موجودين بس قليل والمؤاجرة اللى مشهور بيها شعبنا الكريم حصل معايا موقف كالتالى وانا ماشى فى احد الشوارع الداخلية هديت وبطلع مطب وعديت وكان فى طفلين بيلعبوا وبيجروا ورا بعض بعد ما نزلت من المطب الكبير جرى من ورا العربية والصغير حوالى 4 سنوات خبط فى العربية فى الرفرف الخلفى بعد الكاوتش ، طبعاً اخد خبطة جامدة فى راسه طبعاً وقفت فى مكانى ونزلتله بسرعة والحمدلله جت بسيطة لقيت اهل المنطقة جايين جرى والحمدلله الناس شافت اللى حصل وقالوا جت سليمة وفين اهلهم بدل ما هم سايبين عيالهم كده والناس عايزه تشوف ابوه وتتخانق معاه الحمدلله الناس كانت شاهدة لقيت واحد جه بعدها بشوية وراكن واتكلم مع الناس وراح جايلى حرام عليكم ولاد الناس وطلبت معاه قال ايه يجيب الشرطة الناس فهمته وهو ابدا ولاول مرة استخدم العنف لانه نرفزنى جداً جداً وبصراحة كنت مخضوض من اللى حصل فمسكته وطحنته علقة والناس حجزت وبعدها قعد يقولى اسف يابيه ، هو لازم قلة الادب ؟علشان اخد حقى وابو الولد نزلوه من البيت واتاسف للناس كلها بعد ما سمع الطريحة المحترمة من الناس ، حضرتك هو احنا بنطبق احكام شريعة الغاب والبقاء للاقوى ولا ايه وشكراً .