ربنا يعينك و لو ليك حق ربنا هيردهولك .
دول لو تجار مخدرات مش هيعملوا كده
ربنا يعينك و لو ليك حق ربنا هيردهولك .
دول لو تجار مخدرات مش هيعملوا كده
حضرتك صورت الكلام اللى حصل ده
او عندك اى حاجه تثبت فعلا الموضوع ده ؟ لو فى قولى وان شاء الله اعرف افضحهملك فضيحه بجلاجل
ممكن تكلمو تانى و تسجل المكالمة و تخليه يعيد الكلام اللى قالو
حماية المستهلك
والراجل اللى كلمك ده بيلعب باعصابك ولا يقدر يعملك حاجة
من الأخر شوف مين عماد بيه ده ولو أنى ما أعتقدش أنه يعرف يعمل حاجه بس إحنا الوضع عندنا غير عندكم عندكم فى عائلات كبيره وما بينسوش إللى بيزعلهم وكده فا أسأل الأول مين عماد بيه ده و أتكل على الله وروح حمايه المستهلك و طبعا أنت معاك ورق رسمى من أى ورشه معتمده من التوكيل أن العربية دى ظهر فيها العيب الفلانى ده وتم أصلاحه و طبعا حاول تسجل للولد ده تانى ويارب يكون كلامى صح بص أسأل الأول فى جهاز حماية المستهلك بالتليفون بس بدون ذكر أسماء (دلوقتى نفترض أن حصل كذا وكذا أأتصرف أزاى وإيه الورق إللى مطلوب منى علشان أخد حقى ) وربنا يسهل
انت ماشى فى كل المنتدى قسم قسم توريهيم
طيب طمنا وصلت لحد فين مع الناس دى؟
لا حول ولا قوة الا بالله
ربنا ينتقم من كل ظالم
وانا كمان بشاركك الراي
انا معرفش الاخ العضو صاحب الشكوي وطبعا اكيد مفيش بيني وبينه عداوة او اي خلاف الحمد لله
لكن ببساطةة شديدة بدل ما كنت عملت كوبي من الموضوع وحطيته في كل مكان في المنتدي كنت حطيته في قسم الميتسوبيشي وبعت رسالة خاصة للعضو الباشمهندس مصراوي جدا وهو مسئول في توكيل المصرية وكيل ميتسوبيشي وكان هيبحث الشكوي بتاعتك وهيحلها زي ما عمل مع اعضاء كتير ولو كان ليك حق كان هايجيبهولك كويس زي ما عمل مع ناس كتير بردو هنا
وعندك انك تعمل محضر اثبات حالة وتقدم شكوي لجهاز حماية المستهلك
اما اللى حضرتك بتعمله فيدخل في اطار التشهير بالسيارة فقط ليس الا ومش هدخل طبعا في النية وابحث عن السبب لان ده مش من حقي
خاصة ان حضرتك كلمت الباشمهندس طارق واسمه هنا مصرواي جدا قبل كدة اكتر من مرة ورد عليك
وانت نفسك كنت بتشكر في بتوع ناشيونال موتورز وقلت بالحرف الواحد
الأخوة الأعزاء ... أستلمت الأسبوع اللى فات لانسر شارك الكاملة من ناشيونال موتورز أسيوط ب 136 ألف ... العربية جميلة جدا والناس محترمين جدا فى التعامل مثل الأستاذ مجدى و الأستاذ و ليد .. لكن يعيبهم البطء فى احضار العربية و الورق
سبحان الله , نصيب والله , ربنا يكون فى عونك
اكيد المقصود بــــــــــ عماد بيه هو عماد عبد النبي بتاع ناشييونال موتورز بس والله انا لو منك ما هسيبهم ولازم اقلب عليهم الدنيا اصل دي عالم ما تختشيش.
bemo,ire
ايه ده دا فيلم ممكن نسميه ناشيونال مافيا
ربنا يعوض عليك ويا ريت متسبش حقك وحاول تعمل محضر
للاسف هما فالحيين في الاعلانات والدعايا وشرفنا تجد ما يسرك ؟؟؟؟
المهم توقيع الزبون في النصاباية واخطف واجري ..........
بصراحة كل المعارض دي عايزة ..........اللهم اني صائم والله يعوض عليك يا باشا
اليكم المفاجات الجديدة :
قبل ذهابى لعمل المحضر فكرت اتمم على كل حاجة فى العربية ووجدت التى :
- كهرباء تحريك المرايا تعمل كلها فى اتجاة واحد !!! (زر الاتجاة الاخر لايعمل مطلقا)
- الجزء المعدنى الذى ينزلق عليه مقعد السائق مكسور من الخلف (والجزء البلاستيك المرتبط به ملزوق بحاجة زى الامير كدة!!)
- لا يوجد غطاء محرك والمواسير الخارجة منه مغطاة بلحام زى بتاع الكهربا (معرفش دا عادى ولا ايه)
- ززر تحريك الرشاش يعمل ولكن لا يخرج ماء (برضه معرفش دا عادى ولا ايه)
- جزع من الشبكة الخارجية مكسور على الجنب
- و اخيرا و من ساعة فتح العربية يظهر انذار AFS OFF ولما رجعت للكتالوج وجدت ان دا معناه "خلل فى النظام" (متهيألى كمبيوتر العربية شخص مشاكل بلدنا كلها بالكلمة دى )
وبالضغط على زر ال afs وجدت انه لا يعمل
يا استاذنا طارق المحترم ويا جميع الاخوة الاحباء :
ارجوكم دلونى على خطوات "عملية" اعملها علشان اخد حقى (غير انى البس حزام ناسف وادخل فى توكيل ناشيونال موتورز المشمحترم)
ازاي توقفو عضوية الراجل يعني حرام عليكو
ياريت توضيح من الأدارة لوقف عضوية زميلنا فى المنتدى
__________________________________________________ __
تم إيقاف عضويه العضو لإصراره على عمل موضوعات مشابهه فى كل أقسام المنتدى
رغم تحذيره من تكرار ذلك بعد أول مرة قام بها بذلك
ثم قام بعمل عضويه أخرى من أجل الإستمرار فى عمل مواضيع مشابه بمجرد وقف عضويته الأصليه
دون حتى الإعتذار على تكرار المواضيع
الإدارة لم تقم بوضع أى عقوبه عليه اول مرة لإحساسها بظروفه
لكن مع إصراره على تكرار الإغراق بدون الإهتمام بقواعد المنتدى
أدى ذلك لوقف عضويته لمده أسبوع
مشـــرف عام - 2
تقريبا علشان وضع الموضوع فى كل الاقسام , لو كان ده السبب معلش يا جماعه نعذره الراجل برده مشكلته كبيره وعلى اخره
__________________________________________________ __
تم إيقاف عضويه العضو لإصراره على عمل موضوعات مشابهه فى كل أقسام المنتدى
رغم تحذيره من تكرار ذلك بعد أول مرة قام بها بذلك
ثم قام بعمل عضويه أخرى من أجل الإستمرار فى عمل مواضيع مشابه بمجرد وقف عضويته الأصليه
دون حتى الإعتذار على تكرار المواضيع
الإدارة لم تقم بوضع أى عقوبه عليه اول مرة لإحساسها بظروفه
لكن مع إصراره على تكرار الإغراق بدون الإهتمام بقواعد المنتدى
أدى ذلك لوقف عضويته لمده أسبوع
مشـــرف عام - 2
Afs ده ايه؟؟؟
أعتقد العربيه دى متشركه فى بلد أنتاجها
قبل ماتيجى مصر
وخطوط الأنتاج ورقابة الجوده (فى الشركه الصانعه )
مستبعده مجموعه من السيارات مثلا
وممكن يكونوا البهوات اللى بيبقوا واخدين توكيلات عندنا
بيشتروا العربيات دى بأثمان قليله
ويجيبوها ويبيعوها بأثمان العربيه ذات الحاله الجيده
والحل
جهاز حماية المستهلك والعربيه دى تتغير بعربيه تانيه غصب عنهم
اهلا بيك يا استاذ احمد
علي فكره انا متابع قلمك وبجد معجب بيه جدا
بس ليا اختلاف مع حضرتك وصاحب الموضوع
انا متابع الموضوع ده من امبارح من اول اليوم ومش الموضوع ده بس لا متابع لكل الاقسام الي نزل فيها الموضوع
الموضوع اتكرر في الاجتماعي واخد تحذير والموضوع اتقفل
ليه العضو الفاضل يكرر الموضوع تاني في بقية الاقسام (حتي بعد علمه ان ده غلط)
وان مكنش شاف التحذير في الاجتماعي اكيد شاف التحذير الي في اخر موضوعه
ده يعتبر تحت بند اغراق المنتدي يا استاذ احمد
انا معرفش صاحب الموضوع وبجد انا قلبي معاه في الي بيحصله وعربيه دافع فيها دم قلبه تبقي فيها كل المشاكل دي
بس في احترام لقواعد المنتدي الي هوا ارتضاها و ارتضي يشارك فيه ويعرض فيه موضوعه ولازم تحترم
انا بكرر اسفي لصاحب الموضوع علي المشكله الي هوا فيه وكنت اتمني اساعده
وبكرر اعجابي بقلمك يا استاذ احمد ودي وجهة نظري في قرار الوقف
وكل عام والجميع بخير
A.Yakout
يا فندم ده شرف كبير لى وشهاده اعتز بها من اخ عزيز وربنا يقدرنى دايما واكون على قدر التميز اللى يرضى القراء
انا موافقك تماما ان تصرف العضو غلط ويلتزم الايقاف لا جدال , وربنا يعين المشرفين لانى عارف قد ايه المهمه صعبه ومرهقه وتزهق لأنى جربتها , بس انا مكنتش اعرف الحقيقه انه اتحذر ومع ذلك كرر الموضوع تانى
ربنا يعينه على حاله , وياريت لو الاكونت رجع يقولنا وصل لأيه
ومتشكر لحضرتك جدا على كلامك الجميل ده , وكل عام وانت بخير
اقتباس:
__________________________________________________
تم إيقاف عضويه العضو لإصراره على عمل موضوعات مشابهه فى كل أقسام المنتدى
رغم تحذيره من تكرار ذلك بعد أول مرة قام بها بذلك
ثم قام بعمل عضويه أخرى من أجل الإستمرار فى عمل مواضيع مشابه بمجرد وقف عضويته الأصليه
دون حتى الإعتذار على تكرار المواضيع
الإدارة لم تقم بوضع أى عقوبه عليه اول مرة لإحساسها بظروفه
لكن مع إصراره على تكرار الإغراق بدون الإهتمام بقواعد المنتدى
أدى ذلك لوقف عضويته لمده أسبوع
مشـــرف عام - 2
وادي الاداره ردت يا استاذ احمد وفسرت كلامي اكتر
وبشكرك جدا علي تفهمك
A.Yakout
شكرا للأداره على التفسير الواضح وكدا عداكم العيب , والشكر الاكبر ليك علشان حضرتك اللى وضحت الفكره اولا
وكدا هو غلطان علشان ضيع فرصه قد تكون فى صفه هنا بسبب مخالفه قوانين الاداره
ياريت ياريت يا استاذ ايمن لو لسه المشكله قائمه تراسلنى يمكن اقدر اشوفلك حل او على الاقل نقدر ننصح الغير
يا جماعة عايزين نعرف سبب يمكن اعقله فى الموضوع ده؟
أكيد العربية مش زيرو نهائى لان ميتسوبيشى ماركة لا غبار عليها.
عربية جديدة فيها كل الكلام ده أكيد مش تخريب مقصود
يعنى بالعربى كده لو أنا صدقت العضو تبقى العربية مش زيرو وهو لبسها والله يعوض عليه ويعينه على رجوع حقه.
تبقى لا العربية ولا الماركة ولا التوكيل ليهم دخل فى الموضوع ده
وده رأى الشخصى
وأتمنى ان الإدارة تساعد العضو وتقلنا الموضوع وصل لحد فين؟
___________________________________________
تم فتح العضوية و إلغاء الإيقاف لمساعدته فى حل مشكلته
مشـــــــــرف عام - 2
بس برده التوكيل لازم يتدخل عشان يحافظ علي سمعة العربية .
يتدخل فى ايه واحد اشترى العربية مش زيرو؟ ومتلعب فيها؟ يعنى خرجت بره الضمان
ولا حاضرتك رايك ايه؟
العربية أصلا سمعتها مش محتاجة كلام (بص حواليك) دى أكتر عربية بياعة الكام سنة اللى فاتت من غير توكيل ولا أى اعلانات
ربنا يعينك و لو ليك حق ربنا هيردهولك
شوف جهاز حماية المستهلك
الاستاذ المحترم
انا صديق شخصى للدكتور ايمن
المشكلة لاتزال موجودة
انا طلبت منه ينتظر بموضوع المحضر لانى كلمت ظابط فى اسيوط يساعده و نخلص ودى
لكن حتى الان هما مش معبرينه ز محدش بيرد علية
يا جماعة الراجل منهار خالص ياريت تعذروه وادارة المنتدى تعذره
_____________________________________
تم فتح العضوية و إلغاء الإيقاف لمساعدته فى حل مشكلته
مشـــــــــرف عام - 2
احب اوضح بعض الأمور :
- العربية خليجي من استيراد ناشيونال موتورز
- ضمان ميتسوبيشي اليابان يغطي فقط السيارات المباعة من الوكيل اما السيارات المعاد تصديرها من الخليج فليس لها ضمان لدى الوكيل ولا تغطيها ميتسوبيشي اليابان بضمانها و هذا ما يمكن ان تقدمه ميتسوبيشي اليابان ، لكن ضمان الخليجي بيقدمه التاجر اللي بايع العربية على نفقته الخاصة
- القانون المصري هو الذي سمح لأي تاجر باستيراد سيارات من اي بلد بخلاف بلد المنشأ منعا للاحتكار وكتير من الوكلاء تضرروا من كده خاصة بعد الأزمة المالية العالمية الأخيرة انما لم يتم تغيير القانون
- العربية ياباني ومش مستعملة ولا حاجه وكمان اعتقد مفيهاش حاجه محتاجة ضمان انما تقدر تقول ملعوب فيها حاجات مكسورة وحاجات مش موجودة يعني محتاجة شوية اصلاح بسيط وترجع زيرو تاني ومشكلة المفتاح اللي حصلت دي ان المفتاح فقد الشفرة نتيجة التعرض لمجال مغناطيسي او ربما صدمة ومحتاج اعادة تشفير تاني انما كان المفروض المفتاح الاحيتاطي الداخلي الحديد يفتح والظاهر المفتاح الداخلي متبدل بمفتاح داخلي حديد لعربية تانية وده التفسير الوحيد انه مش بيفتح ده بخلاف ان العربية لها مفتاحين مش مفتاح واحد
انما من الآخر كل ما حدث ليس عيب صناعة او حتى العربية معيوبة انما زي ما قلت الظاهر في المعرض او المخزن او في الطريق اتعرضت للعب فيها شوية وكل ده يتصلح بسهولة
انا نصحت صاحب العربية في موضوعه في منتدى ميتسوبيشي اولا انه يشتكي لجهاز حماية المستهلك وثانيا انه يجيب العربية التوكيل نشوف فيها ايه ونصلحه او ناقصها ايه ونكمله علشان ترجع عروسة تاني
الصراحة يا با شمهندس الواحد كان منحاز لتجار الخليجي وفاكر ان التاجر كده بيقدمله خدمة عظيمة وانه بيجيبله حاجة مميزة وان القانون اللي اتعمل كده في صالح المستهلك بس بعد الواحد ماشاف الحوارات دي حسيت فعلا ان الوكيل مافيش افضل منه و المفروض يلغوا القانون اللي بيسمح للتاجر بأستيراد سيارات من اي بلد بخلاف بلد المنشأ طالما ان فيه ناس بالشكل ده بيتلاعبوا بالمستهلكين حفاظا علي المستهلك وفي نفس الوقت لازم يبقي في علاقة ثقة بين المستهلك والوكيل يعني معاملة محترمة وخدمة ما بعد البيع تكون افضل وقطع غيار متوفرة وسعرها يكون معقول وفي المتناول (والحاجات دي اغلب التوكيلات ممبتعملهاش) وكده المستهلك ماظنش انه هايبص برة ابدا.
تصدق انى لسه واخد بالى من ان ناشيونال موتورز دول بتوع السايبا برايد , ده على فكره معروفين بعدم الامانه ومنفوخين على الفاضى من زمان اوى
كان لى سابقه تعامل معاهم و انتهت بإنى مسحت بكرامه مدير المبيعات الارض فى معرض اوتوماك اللى فات وفرجت عليه نص المعرض وعرفتهم انه ولا حاجه
معرفش هو عماد ده ولا مين بس كل اللى اعرفه انه شخص مش محترم نهائى ويومها لولا الناس والله كنت همسك فيه
والله نايل موتورز شعبيته مش بتكبر من قليل ولا من فراغاقتباس:
_____________________________________
تم فتح العضوية و إلغاء الإيقاف لمساعدته فى حل مشكلته
مشـــــــــرف عام - 2
بسم الله ما شاء الله
وشكرا للاداره ومستنين دخول العضو يمكن نقدر نساعده
A.Yakout