الى اعضاء نايل موتورز الطنطاوية للعلم والافادة

**gado2416** · 07-10-2009 01:35 PM

المشاركة الأصلية كتبت بواسطة modii

احسن سمكري هو اسامه رمضان مكانه عند المرور الجديد
احسن ميكانيكي هو احمد علام عند المرشحه بالضبط جنب الارض بتاع downtown
من افضل البهيجيه محمد جمعه في القرشي
كهربائي طارق في محمد فريد
الناس دي كلها كويسه بس غاليه شويه بس الصراحه شغلهم يستاهل

مع احترامى لحضرتك احمد علام ده ميكانيكى على ماتفرج منو لله كان هيبوظلى الكمبيوتر
بتاع العربيه ويخلينى اشترى جديد بسبب عدم كفائتو

**MohaMed_Refaat** · 07-10-2009 05:28 PM

المشاركة الأصلية كتبت بواسطة magyver

دة مصطفي فوزي دة بقي بيعمل كل حاجة

هو مصطفى هو الوحيد اللى شغال فى تنفيخ وتضبيط العربيات وتسقيط مكن
وهو بيجيب معظم حجاتة من الحرفيين ويضبطها عندة فى الورشة
هو عامل عربية السمنودى البوما
وعربية بومبا الاسترا gtc
وغيرة .......
اخر مرة كنت عندة كان بيشطب فى ال 128 مسقطلها مكنة 1600 لانشيا وفتحة سقف وجنوط وابواب لامبو امامى والخلفى بتفتح لورا ناحية الشنطة عربية عجيبة .

**moh_taia** · 31-10-2009 09:13 PM

حد يا جماعه يعرف مكان عنده جهاز تنظيف الإنجيكشن فى طنطا ؟

**MohaMed_Refaat** · 01-11-2009 07:48 AM

المشاركة الأصلية كتبت بواسطة moh_taia

حد يا جماعه يعرف مكان عنده جهاز تنظيف الإنجيكشن فى طنطا ؟

شوف مركز فوزى اللى فى ش صدقى .

**moh_taia** · 01-11-2009 04:49 PM

شكرا على ردك هشوفه ان شاء الله

**azazi** · 17-11-2009 05:35 PM

المشاركة الأصلية كتبت بواسطة MohaMed_Refaat

مصطفى فوزى هو خبير تسقيط المكن اخر مرة كنت عندة لما كنت بضبط عربيتى كان عندة مكنة 1600 لانشيا كان بيسقطها فى 128 .

لكن اشهر واحد فى حوار تهبيط العربية هو وائل العفشجى ودة فى اخر سكة المحلة من عند ش حسن رضوان قدام المرور الجديد تعدى المزلقان * اول يمين حتلاقى الورشة بتاعتة هناك .

يا جماعة لو سمحتولي
وائل دة مش صنايعي شاطر ولا حاجة و عن تجربة
روحتلو مرة عشان حاجة هايفة دخاللي في حوارات كانت هتخربلي طلمبة الباور على الرغم ان كان كل اللي فيها ان ماسورة الباور كانت مش مربوطة كويس فكانت الطلمبة بتاخد هوا و كان حلها ربط الوصلة و تزويد زيت و بعداها اشتغلت تمام ...دة كان في عربيتي chrysler neon

**MohaMed_Refaat** · 17-11-2009 10:27 PM

المشاركة الأصلية كتبت بواسطة azazi

يا جماعة لو سمحتولي
وائل دة مش صنايعي شاطر ولا حاجة و عن تجربة
روحتلو مرة عشان حاجة هايفة دخاللي في حوارات كانت هتخربلي طلمبة الباور على الرغم ان كان كل اللي فيها ان ماسورة الباور كانت مش مربوطة كويس فكانت الطلمبة بتاخد هوا و كان حلها ربط الوصلة و تزويد زيت و بعداها اشتغلت تمام ...دة كان في عربيتي chrysler neon

انا مجربتوش بس انا بقول على اشهر الصنايعية انا قولت فى اول الموضوع على بتاع العفشة اللى انا بتعامل معاة وهو كويس جدااااااااا.
لكن وائل معروف اوى فى طنطا فى حوار التسقيط .

**pro_samir** · 20-04-2010 06:55 AM

المشاركة الأصلية كتبت بواسطة dell

حمدي الميكانيكي اول شارع الامبابي من سعيد ميكانيكي ممتاز وبيفهم جدا واسعارة كويس

جزاك الله خيرا علي المشاركة دي

انا كنت مزنوق العربية اول امبارح مكانتش راضية تدور قعدت احاول فيها وشكيت في الكوندنسر غيرتة وقعدت احاول لحد ما البطارية نامت و زهقت ركنتها عند الأستاد قدام المصرية هههههه و روحت الشغل لأنة كان يوم أحد والناس كلها قافلة

وامبارح بقي خدت عربية واحد صاحبي روحت لفوزي في الورشة الجديدة ورا الملجأ في شارع جانبي من امبابي بس كالعادة مكنتش عارف اتكلم معاة اصلا وكل شوية يسيبني ويمشي وشوية يقولي معنديش حد ابعتة معاك وشوية يقولي العربيات اللي في الورشة أولي و روح شد العربية هاتهالي وبعدين قالي تعالي المغرب ربنا يسهل يمكن اعرف اجي معاك ، سيبتة ومشيت و لسة ماشي بالعربية كان معدي جنبي قالي تعالي الساعة 9 هاجي معاك اكيد

طبعا مكانش ينفع استناة دة كلة وانا مش ضامنة ومش فاضيلة أصلا و سألت علي شارع امبابي طلع هو الشارع اللي انا كنت فية سبحان الله وروحت لحمدي دة ، كان فرحان لما قلتلة انا جبتك من علي النت بيحسبني بهزر هههههههه

المهم عشر دقايق وجة معايا وكان فعلا الكوندنسر بس انا مكنتش رابطة في الأسبيراتير مكنتش اعرف انة لازم ياخد ارضي واصلا مكنتش عارف اربطة لأن السلك كان قصير ، المهم هو طول السلك وقفل الأسبيراتير وشيك علية و وصلنا من البطارية بتاع العربية التانية ودورنا دارت الحمد لله وروحت وصلتة الورشة خد 20 جنية

محمد يا رفعت كدة مركز فوزي دة طلع اللي انت كنت بتقولي علية علشان قياس كبس الموتور و هو هو اللي انا كنت بقول علية في الموضوع هنا بس ايام الورشة القديمة كان في أم المؤمنين ومكنتش اعرف مكانة الجديد غير لما سألت علية انهاردة ،،، بس الصراحة انا اتخنقت منة بقيت اقول علية دكتور فوزي

المهم دة رقم حمدي 0125642216 ، انا مجربتوش في حاجة كبيرة طبعا بس هو جدع ومحترم واشتغل في عربيات كتير جديدة وبقالة سبع سنين فاتح الورشة دي

**magyver** · 23-04-2010 06:46 PM

المشاركة الأصلية كتبت بواسطة MohaMed_Refaat

خلية يقولك هو انا مسمع اوى كدة

ههههههههههههه
بالنسبة لمصطفي فوزي انا اتعاملت معاة وعلي اللي شغال معاة محترم
بس اللي يشوف الورشة بتاعتو ماايقلشي دة حتي بيشتغل في سياات

الورشة متوحيش خاالص انو بيسقط وبيعمل كل حااجة
بس انا بقول انو بيعمل الحاجات دة برة
بس مصطفي جدع

-

الموضوع: الى اعضاء نايل موتورز الطنطاوية للعلم والافادة

LinkBack

أدوات الموضوع

عرض

-

-

-

-

-

المواضيع المتشابهه

نصيحة لكل اعضاء نايل موتورز

اعضاء نايل موتورز... طلب صعب جدا...

استفسار بعد اذن اعضاء نايل موتورز

اعضاء نايل موتورز ( اهداء )

الف مبروك عدد اعضاء نايل موتورز 10.000 عضو

الكلمات الدلالية لهذا الموضوع

المفضلات

المفضلات

ضوابط المشاركة