سعر جديد مع امكانيات جديده للبرلينس Frv الهاى لاين

**BaZzo0oKa** · 24-01-2009 08:30 PM

الناهرده اتصل بيا المهندس / طارق من البفاريه وقالى ان فى اوبشنز جديده فى البرلينس الهاى لاين
الى زاد المريات الكهرباء والكاست Mp3 مع زياده فالسعر 1900 جنيه بمعنى ان سعر العربيه الـfrv الهاى لاين 81900 الف جنيه مصرى انا شايف ان فرق قليل على فلوس كتير اوى

يعنى ادفع 7000 جنيه زياده علشان ( جنوت - سينسور - انزار - فوج لايت - مرايات كهرباء - كاست Mp3 )

ياريت من اهل الخبره تقولنا تستاهل ولا لاء !!

**kita66** · 24-01-2009 11:43 PM

ممكن تركب الحاجات ديه باقل من كده بكتيييييير

الجنوط 2000 جنيه
السينسور 200 جنيه
الفوج لايت 300جنيه
انزار 300جنيه
كاسيت mp3 1500 جنيه انضف نوع
المرايات لا اعلم بصراحه

**castelo** · 25-01-2009 01:48 AM

المشكلة ان اى حاجة فى الكهرباء لازم تعملها عندهم
و معرفش كمان ينفع تجيبها من برة ولا لازم من عندهم و الفوج لايت عندهم ب 500 و الانزار ب 500 و الكاسيت الله اعلم و مينفعش اى نوع عشان الكاسيت جزء من التابلوة

**momenhamdy** · 25-01-2009 05:34 AM

و الله يا جماعة انا شايف ان المجموعة البفارية توكيل البريليانس بيستعبطوا ايوة بيستعبوا يعني هي ناقصه زياده في سعر العربية و بعدين مين اليومين دول بيشتري اساساً في ظل ظروف الاقتصادية الي ما يعلم بيها غير ربنا و بعدين معلش يعني يبقي الفرق بينها و بين الجين 2 منيوال 4000 فقط و كذلك النيو اكسنت
يعني انا شايف ان كدا حرام اوي من التوكيل و خصوصاً ان مازال السوق مجربش العربية ....
وارجو لو في اي وجه نظر اخري من قبل الاعضاء المحترمين في هذه الجزئيه يوضحالي
و اسف جداُ للاطاله

**Eng. Rafy Samy** · 25-01-2009 11:09 AM

مع كامل احترامي لكل الآراء.
امبارح انا كنت عند الطارق في كارفور اسكندرية.
بسيط على العربية وفضلت افلي فيها لاكتر من ساعة وربع (البياع كان حيكرشني لأانه زهق مني )
انا كنت مجنون بالعربية جداً - جمعتلها اكتر من 300 صورة - و3 بورشور . و5 افلام فيديو من على الانترنت .
بس.....!!
يا خسارة العربية متستهلش .... معجبتنيش قوي ... لأسباب كتير ...
السعر قريب جداً من عربيات احسن منها ومتجربية ( 75000)
في عربيات جديد بنفس السعر وفول اوبشن من هاف .
العربية فيها عيوب تقفيل كتير.
مش وسعة قوي ياعني .
بصراحة انا اديلها 75% اجمالي .

وانا في المعرض بسيط على الهايما فاملي ( فول اوبشن 70000 - توكيل الطارق - تقفيل ممتاز ) انا بديها 90%

وكمان بسيط على البيرسونا
طبعاُ ملهاش حل ( هاف اوبشن 80000 يهني اغالي 5000 بس ) بديها 85%

وطبعا شفت البولو السيدان التحفة 85000 (معجزة )
يعني اغلي 10000 واسمها فولكس واجن

يعني اجمالي راي الfrv متستهلش وفي احسن منها.
وربنا يوفق الجميع