ايه ياعم مايكل فينك يا راجل واحشني ....
هتنور ياباشاوالله المقابلة بعبقريتك ..... واحشني يا مايكل
ارجو المتابعة لمعرفة اخر تفاصيل المقابلة
علي فكره انا سمعت مره في التليفزيون ان الجته لما تتفرط تعمل حوالي 23 مليون جنيه
طبعا احنا نبيعها جمله وحنرضي ب15 نظرا لظروف السوق
والمفاجاه انهم مش بيحتاجوا للحمه في حاجه يعني عما حياخدوا شويه الاكسسوار اللي جوه ودي فايده لينا لانهم حينضفوه
واحب ابشر محمد بيك السعندي وباقي الاعضاء ان محمد عبد الرحمن كان عندي امبارح وشكله كان بيروح جيم فمفيش دهون كتير
يعني محدش يقلق من الكوليسترول
استاذ عصام كمال
شرفتني واخجلتني بزوقك وكرمك
سواء عن طريق المكالمه التليفونيه اللي تمت بيننا او الرساله اللي حضرتك رديت بيها عليا
دلوقتي يا جماعه اللي تم بيني وبين عصام بيك كمان
الاتفاق علي انه عازمنا عنده في الفيلا وبيني وبينكم العرض مغري جدا ومش عارف اقول ايه عليه بس الرد في الاول والاخر حيكون للاعضاء الكرام
بكرمه الحاتمي متطوعا مشكورا قال ان الغدا حيكون فراخ وارز بسمتي
وبعد محاولات معدومه الجدوي مني ان الفيلا تكون مكان لتواجدنا واننا نبقي نتصرف في موضوع الاكل اثناء المقابله طبعا كل ده قوبل بالرفض من جانبه واصراره علي العزومه
فتم الاتفاق علي ما يلي
ان استاذ عصام حيتكفل بالغدا واحنا حنتكفل بباقي الاوبشن اللي حيكون موجود حوالين الغدا من سلطات وحلويات ومشروبات وكل ما يندرج تحت هذا البند
(فينك يا محمد بيك يا سعدني تلحقني بكلامك الحلو علشان مش عارف اكتب )
وبصراحه الراجل من كرمه حسسني اني لو ضغطت عليه شويه ممكن يغيرلنا عربياتنا كمان بعربيات جديده
تحياتي ليك يا عصام بيك لكرمك وادبك وجمال اخلاقك
وبرضه في الاول والاخر احب اقول ان الراي حيكون للاعضاء في تحديد مكان المقابله
وبكده عندنا اختيار من اتنين وهو
1:حدائق المنتزه كمكان حيتسع لعربياتنا من غير ما نكون قلقانين عليها
2: فيلا عصام بيك كمال بالبيطاش وفيها نفس الامكانيات بالنسبه لعدم القلق علي العربيات
وليكم تحديد المكان علي حسب الاتفاق
الاختيارات الان قوية جدا
احب اشكر اصحابها جدا جدا
وبالنسبة لى انا ما عنديش مانع للاثنين ولو انى مش عايز نتقل على استاذ عصام Boty50
والراى بالشورى برضه
وانا سعيد جدا من الاخبار الجميلة الخاصة بالمحافظة على اللياقة البدنية للاستاذ محمد عبد الرحمن والله الواحد كده ما يفكرش فى موضوع الكوليسترول خالص يعنى مش محتاجيين سفن اب او بيبسى وبكده نبقى وفرنا كتير
لو الاخ الفاضل محمد عبد الرحمن تكرم وطلب من ادارة المنتدى بعمل الاتى اكون شاكرا له جدا
- وضع تصويت بمكان اللقاء اما فى العجمى او المنتزة
- وضع تصويت باختيار وجبة الغذاء اما دجاج على الطريقة الهندية ام لحوم طازجة مصرية 100% وخالية من الكوليسترول تماما (هههههههههههههههههههههههه هههههههههههههههه)
والله الواحد كده شكله حيبتدى يجوع
هو الفحم بكام اليومين دول يا استاذ Shnory وافتكر ان بلاش فلفل اسود علشان اللى قلته قبل كده بس ممكن نزود من الكمون والبهارات الهندية
سلامى للجميع
متاسف نسيت
وكمان تصويت باليوم اما 6 او 13 فبراير
ويا ريت الادارة تستجيب بسرعة علشان نلحق نوضب لو حيكون فيه توضيب
اولا : بشكر عصام بيه على كرمه الزائد في استضافة اعضاءاليكس جروب في فيلته وده هيكون شرف كبير لينا
وبالنسبة لتفاصيل المقابلة فزي ماقال اخويه وحبيبي محمد الشنوري
ثانيا : انا برجو من جميع الاعضاء متابعة الاقتراحات عبر الموضوع للادلاء بارائهم حول تفاصيل التجمع من زمان ومكان
ثالثا : مع احترامي لجميع الاعضاء سواء اللي تفضلو بمشاركتنا في اقتراحات تخص تفاصيل المقابلة او سواء الذين لم يتفضلو بالتدخل في الموضوع او الادلاء بارائهم ... سوف يتم الاعلان النهائي عن جميع تفاصيل المقابلة يوم السبت 31 يناير ... في موضوع منفصل عن الموضوع الرئيسي وسيتم ارسال رسائل خاصة لاخطار الاعضاء بتفاصيل المقابلة المحددة
رابعا : لازالة الملابسات وعدم افتراض سوء النية باهمال بعض الاعضاء او عدم اخطارهم بالمقابلة .. لقد قمت بارسال رسائل خاصة الى جميع اعضاء جروب اليكس تنبيها لهم باجراءات المقابلة
وتم تنبيه بعض الاعضاء عن طريق وسائل اخرى سواء عبر الايميل او عبر المقابلات الحية او بدخولهم من تلقاء انفسهم الموضوع وغالبا فقد تم اخطار جميع اعضاء جروب اليكس وعلمهم بالمقابلة
ونتيجة لذلك سيتم تحديد تفاصيل المقابلة من زمان ومكان نسبة الي اراء الاعضاء الذين شاركو في الاقتراحات وسيتم احترام رغباتهم وارائهم واقتراحاتهم
يعنى معنى كده اننا مش محتاجين تصويت هو كان حيكون طريقة جميلة لجمع الاراء
بس حنعرف ازاى مين حابب اى اختيار او ميعاد علما بان الردود كلها تتمحور بينهم جميعا
استاذي محمد السعدني : بشكر حضرتك على تفاعلك الدائم ومتابعتك لاخبار المقابلة والجروب
وبالنسبة لموضوع الصويتات فانا والله طلبت من الادارة اكتر من مرة الموضوع ده بس واضح ان الادارة مشغولة اليومين دول فكتر خيرهم انهم استجابو بطلب التثبيت
ونظرا لعدم اتساع الوقت بعمل مواضيع منفصلة لاستطلاعات الراي بالمكان والزمان للمقابلة
فانا على اد ما اقدر هحاول استشف رغبات الاعضاء واقتراحاتهم نحو تفاصيل المقابلة من خلال المشاركات والردود .. وسيتم الاعلان عن اخر تفاصيل المقابلة غدا باذن الله السبت الموافق 31 يناير وبكده هيكون ادمنا حوالي 6 ايام نقدر خلالهم الاستعدادات وابلاغ باقي الاعضاء وهكذا
وحتى وقتنا هذا ومن الواضح ان رغبات الاعضاء تتجه نحو يوم الجمعة الموافق 6 - 2 وده بالنسبة للزمان
اما بالنسبة للمكان فحتى الان لا توجد خلاف من اي عضو شارك في الاقتراحات سواء اكانت المقابل قي المنتزة او عند العضو المحترم استاذ عصام
وفي انهاية بشكرك جدا يا استاذ محمد على تفاعلك معنا وبجد نفسي اشوفك عشان واحشني جدا