مواطن: «عندى ١٣ عيل ونصيبى ٢٠ رغيف فقط» والمصيلحى يسأله: «مين اللى جابهم إنت ولا أنا؟

**LONLY** · 25-01-2009 04:56 PM

المشاركة الأصلية كتبت بواسطة alijandroo

بس هو مين أصلاً اللي من حقه يصنف الناس قسم يستحق العيش وقسم لا يستحق؟
هي دي مش برضة صفة من صفات الخالق وحده سبحانه وتعالى

أستاذى الفاضل ربنا سبحانه وتعالى بيده كل شئ بس ده مش رزق ده المفروض توزيع للدعم بمعنى أن بتوزع على الناس حقوقهم بس مش هتدى لكل واحد خمسه جنيه فى أيده لأ بتنزل دعم على رغيف العيش مثلا و حاجات تانيه كتير وبعدين مهو العيش موجود كتير بس مش مدعم ( يعنى بسعره الحقيقى) عرفت بقى مين إللى من حقه يصنف الناس
و طبعا الأخ ramberandt أتحرق دمه شويه فا ده ظهر فى الكلام وعلى فكره أنا متفق معاه مع أختلاف الأسلوب

**abzoabzo** · 25-01-2009 05:08 PM

المفروض يعدموا العينة ده
يعنى شغله يوم ويوم
يتجوز ويخلف الجيش ده

:b4_592: اصحاب العقول فى راحة

**human** · 25-01-2009 05:50 PM

ماهى احكومه مش عارفه تعلمه و تقوله لا 13 عيل كتير
الحكومه هى اللى بقالها 27 سنه بتصوت من الخلفه واللى بيخلفوها و ماما كريمه و حركه المرأه من كل ناحيه و انظر حولك و كل الهبل اللى عملوه لغايه ماما سوزان و القراءه للجميع و برضه ماقدروش يفهموا الناس ان الخلفه الكتير بتضر المجتمع
طيب يبقى العيب فى الراجل ده ازاى؟؟؟؟ لو الحكومه اصلا مش قادره توصله هو و مراته و تفهمهم

اكيد العيب فة الشعب و الناس انهم مش قد الحكومه الاليكترونيه

يا عم قول يا باسط و خلوا الناس تمارس الخلفه خللى المسئول يتشوى فى جهنم لما ربنا يسأله هو عمل ايه عشان الناس ديه

**amir** · 25-01-2009 06:30 PM

المشكله مزدوجه
طبعا الجزء الخاص بالراجل اللي مخلف 13 عيل ده جزء تمت مناقشته و عجبتني بعض الردود الثوريه
لكن الجزء الخاص بالحكومه ناقص شويه

لازم الدوله تقوم بدورها في رعايه و توفير الحياه الكريمه للشعب
و شعبنا يا جماعه مش القاهره و الجيزه و الاسكندريه
حد دخل علي برنامج جوجل ايرث و بص شاف مساحه القاهره قد ايه مقارنه بباقي مصر؟!!!
احنا عايشين مع غالبيه كاسحه من الاميين و الفئات الاقل حظا في التعليم و العمل و الحياه
ناس بيعيشو في اوضه و صاله اب و ام و عيال و ممكن اهلهم كمان (شفتها بعيني مره في كشف منزلي و صعبو عليا قوييييييييييييييييي)
فلو الحكومه مش موجهه اهتمامها للناس دول يبقي الوضع مش مظبوط و في خلل قاتل
لازم حملات توعيه عن طريق التلفزيون و المؤتمرات و الذهاب لاماكن الناس دي و توعيتها و توفير اساليب منع الحمل بالمجان ليهم و الاهتمام بيهم كمواطنين شرفاء لهم نفس حقوقنا

ياريت الكلمه القذره بتاعت مواطن بسيط تختفي من حياتنا للابد
اصل معني ان في مواطن بسيط ان في مواطن سوبر
و مواطن بسيط دي بتحمل من معاني الاضهاد و الاحتقار ما لا يخفي علي اي حد
اي مواطن "بسيط" بيساوي الدنيا كلها عند مراته و عياله و امه و ابوه

زيي و زي الناس كلها
و لو في يوم حسينا اننا احسن منهم و اننا لنا حق الحياه الكريمه و هما لأ علشان وضعهم المادي او الاجتماعي يبقي مختلفناش عن اي ديكتاتور او مسئول ظالم بينظر لينا احنا نفس النظره
و كلنا طبعا بنكره الظلم
انا عارف ان مفيش في ايدينا كتير نعمله لكن في نفس الوقت في القليل اللي ممكن نعمله
لو حد فينا و احنا عددنا مش قليل و بنعمل في مختلف مجالات الحياه, لو حد فينا في يوم اتعامل مع الناس دي يا ريت يكون عنده رحمه و عطف في قلبه كافيه انه يتعامل معاهم بكل ود و احترام و رحمه و كأنه بيتعامل مع اي حد تاني من نفس مستواه
شويه رحمه مننا علي الناس الاقل حظا مننا
يمكن ربنا يحنن قلب المسؤلين علينا
و يصلح حالنا جميعا

**CryptonX** · 25-01-2009 06:35 PM

13 عيل ؟

ده حتى رقم نحس يا شيخ !!

و هو في ست ( مع احترامي الكامل للستات ) تقدر علي 13 عيل ؟؟ حتى لو توفرت الفلوس ؟

يا جماعة ده ملوش علاقة بالفقر او بالغناء ده جهل منه و سوء توعية !

يعني لو راجل مليونير عنده 13 عيل برده جهل و غباء !

ربنا يهدي !