Getz or Frv

**Hosam_Optrawy** · 25-01-2009 11:30 PM

ال frv اوسع من الجيتز
ال frv اشيك وشكل جديد
باقى المميزات فى صالح الجيتز

**احمدعبدالعزيز** · 26-01-2009 08:55 AM

انا افضل Getz هيواندى سياره كوريا اصبحت من اهم صناع السيارت .

اما FRV سياره صينى وانا لا اثق فى المنتج الصينى .

**MEMES** · 26-01-2009 09:46 AM

المشاركة الأصلية كتبت بواسطة zizo

انا افضل Getz هيواندى سياره كوريا اصبحت من اهم صناع السيارت .

اما FRV سياره صينى وانا لا اثق فى المنتج الصينى .

شكرا لرد حضرتك

طيب لو كان الصينى ارخص ب20الف مثلا هتفضل على رأيك ؟

**tutankhamoun** · 26-01-2009 11:29 AM

لا دي و لا دي
الجيتز ثبات ضايع ضايع بجد

و العربية الصيني لو عايز تغامر و تجرب ... أتكل على الله هي أحسن من الجيتز في كل حاجة ما عدا أنها مش متجربة و صيني
إنما هي في فئة أعلى من فئة الجيتز ...... الجيتز عربية صغيرة زي فئة البيكانتو و العربيات الصغيرة بس بموتور كبير شوية و ده من العيوب مش المميزات

السيريون طبعا أحسن من الأثنين
أوسع من الجيتز ...و أثبت من الجيتز في السرعات و متجربة بعكس الصيني

و فيه كمان النيو أكسنت ........ أحسن من الجيتز مليون مرة

فيه كمان حاجة
موتور الجيتز 105 حصان زي بتاع الفيرنا
إنما اللي في الألنترا راكب في الألنتر و الكيا سيراتو فقط

إللي راكب في الماتركس و الفيرنا و الجيتز واحد ( تقريبا ) مش متأكد من الماتركس قوي .

لو بتدور على عربية في فئة 75 ألف و حاجة محترمة
فيه السيريون و الفيات البونتو كلاسيك

ربنا يوفق إن شاء الله

**MEMES** · 27-01-2009 01:23 PM

المشاركة الأصلية كتبت بواسطة tutankhamoun

لا دي و لا دي
الجيتز ثبات ضايع ضايع بجد

و العربية الصيني لو عايز تغامر و تجرب ... أتكل على الله هي أحسن من الجيتز في كل حاجة ما عدا أنها مش متجربة و صيني
إنما هي في فئة أعلى من فئة الجيتز ...... الجيتز عربية صغيرة زي فئة البيكانتو و العربيات الصغيرة بس بموتور كبير شوية و ده من العيوب مش المميزات

السيريون طبعا أحسن من الأثنين
أوسع من الجيتز ...و أثبت من الجيتز في السرعات و متجربة بعكس الصيني

و فيه كمان النيو أكسنت ........ أحسن من الجيتز مليون مرة

فيه كمان حاجة
موتور الجيتز 105 حصان زي بتاع الفيرنا
إنما اللي في الألنترا راكب في الألنتر و الكيا سيراتو فقط

إللي راكب في الماتركس و الفيرنا و الجيتز واحد ( تقريبا ) مش متأكد من الماتركس قوي .

لو بتدور على عربية في فئة 75 ألف و حاجة محترمة
فيه السيريون و الفيات البونتو كلاسيك

ربنا يوفق إن شاء الله

توت باشا اولا الف شكر لرد حضرتك
بس عندى كام ملحوظه (وده رأى الشخصى)
حضرتك شركت الجيتز خاااااااالص بس الاول حضرتك جربتها ؟
ازااى تبقى frv فئه اعلى مع ان الجيتز نفس الماتور و 105 حصان مفهومش كلمه (مش زى الفيرنا)وكماليتها أعلى (موديل فتحه السقفhigh line )
الوسع هى اضيق من frv واوسع من السيريون وده عن تجربه.
وماتوره اكبر من ماتور السيريون ومافهاش مشكله تخبيط الدركسيون بتاعها
و المفاجئه ان قطع غيارها ارخص من الاتنين وكمان سعرها
انا مش عايز أقولك انها قريبه للجين 2 بس من غير مشاكلها(وزنها 1150)يعنى أزاى ثبات ضايع!!!!
لو حضرتك جربتها ياريت تحكى تجربتك لكن لو ده رأى شخصى فأنا بحترم أرائك كلها و متابع تعليقاتك و بجد نورت بمرورك ومستنى رد حضرتك.
(الاختلاف فى الرأى لا يفسد الود) ياريت حضرتك متزعلش منى.

**tutankhamoun** · 27-01-2009 02:08 PM

المشاركة الأصلية كتبت بواسطة MEMES

توت باشا اولا الف شكر لرد حضرتك
بس عندى كام ملحوظه (وده رأى الشخصى)
حضرتك شركت الجيتز خاااااااالص بس الاول حضرتك جربتها ؟
ازااى تبقى frv فئه اعلى مع ان الجيتز نفس الماتور و 105 حصان مفهومش كلمه (مش زى الفيرنا)وكماليتها أعلى (موديل فتحه السقفhigh line )
الوسع هى اضيق من frv واوسع من السيريون وده عن تجربه.
وماتوره اكبر من ماتور السيريون ومافهاش مشكله تخبيط الدركسيون بتاعها
و المفاجئه ان قطع غيارها ارخص من الاتنين وكمان سعرها
انا مش عايز أقولك انها قريبه للجين 2 بس من غير مشاكلها(وزنها 1150)يعنى أزاى ثبات ضايع!!!!
لو حضرتك جربتها ياريت تحكى تجربتك لكن لو ده رأى شخصى فأنا بحترم أرائك كلها و متابع تعليقاتك و بجد نورت بمرورك ومستنى رد حضرتك.
(الاختلاف فى الرأى لا يفسد الود) ياريت حضرتك متزعلش منى.

اولا ألف شكر على الذوق يا جميل في الرد و طبعا أختلاف الرأي لا يُفسد للود قضية و أحنا كلنا أخوات بالتأكيد.
تصحيح ........ الجيتز 1050 كجم فقط و ليس 1150 !!
الثبات مش بالوزن بس
الثبات له عوامل كثيرة
ارتفاع السيارة عن الأرض
عرض السيارة الكلي و اللي بيسمح بثبات أعلى في الملفات
تصميم السيارة
مقاس الكاوتش
الجيتز مش قريبة من الجين 2 في حاجة غير في السعر و قوة المحرك فقط لا غير

وزن الجين 2 بيصل ل 1200 كجم و الجيتز 1050 كجم
عرض الجين 2 بيصل ل 2600 ملم و الجيتز 2450 ملم
طول الجين 2 بيصل 4310 مم و الجيتز 3820 ملم
مقاس الكاوتش في الجين 2 مقاس 15 و الجيتز تقريبا 13 أو 14 على الأكثر و عرضه قليل
شوفت الفرق كبير ازاي ...... ده فرق يخلي الجيتز في فئة السيارات الصغيرة زي البيكانتو و الأي 10 ... مع أختلاف الموتور الكبير في الجيتز
أما ال الأف أر في ......... مقاساتها متقاربة من مقاسات الجين 2 و لكن تجربتي لها = صفر و كل لكلامي عن الصيني أرقام فقط بدون تجربة

أما الجيتز طبعا جربتها و العربية تسارعها رهيب رهيب رهيب رهيب بجد
صاروخ فعلا
و لكن ما فائدة الصاروخ على السرعات العالية ؟؟؟ و لو أخدت ملف و روحت لبست في الرصيف أو العربية أنقلبت ؟؟؟؟

اللي في فئة الجين 2 ( فئة الحجم )
الأف أر في ..... الفيرنا ...... الأكسنت ..... الاسبرانزا 516 و الكورلا القديمة و الفورد فوكاس و اللانسر و السيراتو و الالنترا القديمة

إنما الجيتز في فئة
السيارات السوبر ميني
زي البيكانتو ....... I10 ...... هي عربية صغيرة بموتور كبير بس !

و أنا بأنصحك لوجه الله فقط لا غير
و حتى أنا قلت لو عايز هيونداي برضه عندك الأكسنت أحسن منها كتير و برضه الفيرنا أحسن منها و في فئة أعلى حتى مع أختلاف السعر

أنا ركبتها ( الجيتز و لم أشعر بالأمان نهائي بعد سرعة 90 .... حست ان العربية بتنط و مش مظبوطة و عايزة تتقلب ........... مع قوة موتورها و نعومته )

بالنسبة لمشاكل الجين 2 في التقفيل ........ طبعا الجيتز مشاكلها في التقفيل قليلة جدا و إن كانت لا تُذكر
و لك تحياتي و دعائي لك بتوفيق الله لك إن شاء الله في أختيار سيارة ممتازة

**tutankhamoun** · 27-01-2009 02:19 PM

تعديل على كلامي
الجيتز في فئة أي 20 و ليس أي 10 ....... الفئة دي أسمها فئة السيارات السوبر صغيرة سوبر ميني

**MEMES** · 27-01-2009 02:23 PM

فعلا king ياتوت باشا ورغم انى مازلت على رأى بالنسبه للجيتز بس بجد المنتدى ده كسب قوته وموضوعيته واسلوبه الراقى من الاعضاء اللى زى حضرتك.
شكرا لموضوعيتك فى عرض وجهه نظرى
و ان شاء الله بعد استلامى العربيه أرجوك تقبل الدعوه لعمل test شامل ونحطه فى موضوع عشان الكل يستفيد من رأيك(يارب ساعتها تغير رأيك فى الجيتز)

-

-

مشاهدة نتائج الإستطلاع: ايهما تفضل ؟

الموضوع: Getz or Frv

LinkBack

أدوات الموضوع

عرض

-

-

-

-

-

-

-

-

المواضيع المتشابهه

Getz vs Aveo

getz colours

to..GETZ..or not to..GETZ

getz

HYUNDAI Getz 1,6 GLS

الكلمات الدلالية لهذا الموضوع

المفضلات

المفضلات

ضوابط المشاركة