المشاركة الأصلية كتبت بواسطة gearsboy
أنا عايز حد يلحقني ياجماعة فى مشكلتي دي
أنا لاحظت من كام يوم أن الردياتير بينقط بس على خفيف
والغريب أن القربة مليانه ومش متملي الردياتير وكنت بضطر أملاه مانيوال يعني أفك الغطا وأصب فيه ميه
والأغرب أن الردياتير شوية ينقط وشوية لآ
أنا قلت شكله أتخرم
رحت لواحد بتاع لحام ردياتيرات كشفلي عليه وقالي الردياتير سليم المشكلة فى المتور بياكل ميه
فكينا غطا الردياتير ومليناه ميه وأنا مدور العربية وكان فيه فقاعات هواء بالمياه
قلتله يعني أيه قالي جوان وش السلندر تقريبا أتاكل وعايز يتغير روح لميكانيكي محترم وخليه يغيرهولك
وعنها قمت رايح للميكيانيكي وقالى أوك هاغيرهولك بس دا هايكلفك 120 جنيه بالمصنعية
قلتله يعني فيها مشكلة لو مشيت بيها اليومين دول من غير لما أصلحها ولا أيه قالي والله براحتك بس دا للأمان علشان مايبوظلكش حاجه تانيه
المهم أخوكم ماعهوش ولا مليم دلوقتي ولحد أخر الشهر فهل أصلحها فعلا ولا أكبر لأول الشهر