فيها بيض فى المقصات
عرض للطباعة
اسعار قطع غيار ال 132 مش غاليه ولا حاجه.... بل بالعكس رخيصه.اقتباس:
؟؟ و كمان سؤال يا أحلى رابطة ... أسعار قطع الغيار حسب الموجود فى الرابطة قريب جدا من ال 128 مع إن المشهور إن ال 132 قطع غيارها غالية و لا تقارن بأسعار ال 128 !! ممكن توضيح ؟ ؟
ومادون ذلك كله اشاعات... وربما اللي طلع الاشاعات دي الناس اللي شغاله في الاستيراد علشان تعرف تشتغل. وخصوصآ ان ال 132 منتشره في اماكن اماكن. مش زي ال 128 اللي بنشوفها زي التكاتك (تشبيه لبيان الكثره وليس لتقليل قيمة السيارة)
متزعلش نفسك يا lonewolf الموضوع زي مانت قلت مش مستاهل وهو فعلا ابسط من كده... بس احنا بنتكلم عن معلومه وانت بتتكلم عن حاله خاصه...اقتباس:
الموضوع مفيهوش كسوف ولا حاجه الموضوع ببساطه انى معنديش وقت افضل لازق هنا طول الوقت
المهم ان فيه سؤال اتسال و فيه رد اتبعت
و لو اخدتها على محمل الاساءه فانا اسف ان رديت باقتباس
بس برضه مش عارف انتم بتجادلوا ليه فى حاجه انتم معندكوش عنها لا فكره ولا دليل
بقول احنا كنا شاريين العربيه من الكويت سنة 82 و نزلناها مصر
و طبعا الناس الفاهمه عارفه انه من المستحيل تدخل عربيه مصر لو انت مش اول مالك ليها
و ورقها لسه عندى
و علشان اريحكم مش هاعمله سكان ولا هاعرضه هنا علشان الموضوع مش مستاهل و خد اكبر من حجمه
و شكرا لزوقكم الرفيع والمستوى العالى فى المناقشه
و برضه لو حد احتاج اى حاجه إن شاء الله مش هاتاخر عليه
فالفيات المدويلات القديمه زيه زي البيجو ال 504 كلنا عارفين انه بيبقي وارد اوروبي. وليس خليجي...
ولو الموضوع معاك حاله خاصه فمش معني ده اننا نعممها كمعلومه.
طيب ما احنا هنا في مصر كل فين وفين لما تشوف فيراري. لكن بنشوفها.
انا لو رحت أي معرض في أي دولة وقلت له انا عاوز عربيه معينه حيجيبها لي استيراد. وكله بتمنه.
لكن مش معني كده انها متوفره في المعارض. لان كل دوله ليها ظروفها المناخيه والاقتصاديه والتسويقيه.
والاختلاف في الرأي لا يفسد في الود قضيه.
مافيش حاجه اسمها دبرياج واطي ودبرياج عالي (في تصميم المصنع)اقتباس:
هو دبرياج ال 132 واطى اصلا و لا ده على حسب كل واحد ..؟
قيمته الافتراضيه واحده وثابته... لكن الطبيعي اننا لما بنعمر الدبرياج (أول مره بعد استلام العربيه من الزيرو.... ودواليك فيما بعد ) طبيعي ان مستوي الدبرياج بيبقي تقديري للفني او الميكانيكي ...
وبالنسبة لينا في ناس بتحب توطي الدبرياج (ده بيرحها في السواقه أكتر )زيي مثلآ. لكن مش معني كده انك توطي الدبرياج بحيث انه يعاكسك في الغيارات... وناس تانيه العكس...
والصح طبعآ لما الدبرياج يكون مظبوط (الغيارات سلسه - المارشليه سهل ومابينعرش - مافيش صوت في الفتيس بعد النقله - عصاية الفتيس ثابته ومابترعش بعد النقل - سحب العربيه كويس - لوحبيت تأمرك بتأمرك - لما تنور الفتيس يتم الفصل الكامل لتروس الفتيس... وهكذا) وده طبعآ علي اعتبار ان تعاملنا كله مع توطية وتعلية الدبرياج مع التعامل مع الفتيس والماكينة كثوابت حالتها جيدة جدآ.
كراسي طياره هي كراسي ال BMW السبور يا باشا.اقتباس:
يعنى اية طيارة قصدك ريكارو او سبور يعنى
انا اللى اعرفة ان الريكارو يركب على اى عربية .....
السؤال ده مش سهل اي حد يجوب عليه.اقتباس:
هي الصفيحة تمشي كام كيلو ل فيات 132 1600سي سي
1- لازم ال 132 اللي معاه تكون 1600 علشان يقدر يفيدك.
2- تقييم الاستهلاك جوا البلد غير برا البلد.
3- الموضوع بيختلف علي حسب حالة العربيه.
وانا حاجاوبك حسب تجربتي.
(مواصفات العربيه ) موتور 1600 سي سي - عامرة كاملة للسيارة (ماكينة-فتيس-عافشة كامله جديدة - طقم جنوط 15" وكاوتش جديد) غير باقي التعديلات.
وبعد التلين لمدة اسبوع...
كانت بتعمل 230 كم/الصفيحة سفر طوالي.
وجوا البلد من 120 : 160 كم/الصفيحة.
شكرا ..
اصلى ركبت 3 132 وكلهم كان دبرياجهم واااطى جدا ..
ولما سالت واحد منهم قالى هى العربية كده .. فكنت مستغرب وحبيت اسال بس .
ألف شكر ، جزاكم الله خيراً ..... يعنى لو فيه عربية حالة كويسة أتوكل على الله و مخافش من قطع الغيار و سحب البنزين ؟؟ و لا الميزانية هتخرف ؟؟
بالنسبة لاستهلاك البنزين.اقتباس:
ألف شكر ، جزاكم الله خيراً ..... يعنى لو فيه عربية حالة كويسة أتوكل على الله و مخافش من قطع الغيار و سحب البنزين ؟؟ و لا الميزانية هتخرف ؟؟
1600 افل من 1800
1800 اقل من 2000
قطع الغيار متوفرة.. ومش غاليه.
توكل علي الله.
بارك الله فيك أخى الكريم ،، ربنا يجزيك كل خير .
عايزين خبرات تانية يا رجالة ... أخبار استهلاك البنزين و قطع الغيار مع بقية الناس إيه ؟؟اقتباس:
هي الصفيحة تمشي كام كيلو ل فيات 132 1600سي سي
بص يا سيدي انا معايا واحدة 1600 كانت الاول بتاكل مني بنزين جامد ظبت الكاربرتير والاسبرتير والتاكيهات وطقم البوجيهات والكوندينسر والابلايتين والميكانيكي بيقولي مفهاش الهوا والصفيحة بتعمل معايا 120 لغاية 130 كيلو مع اني برده لما جيت سالت هنا عالمنتدي قبل ما اشتري زيك كده الرجالة قالولي بتعمل 170 كيلو بصراحة مش عارف المشكلة فين عندي ولا هي فعلا بتعمل كده .
بالنسبة لقطع الغيار بصراحة قطع غيارها رخيصة ومتوفرة دي متقلقش منها .
120 كيلو ... لو بره البلد يبقى خراب بيوت ... طيب حد عنده فكره ال 128 بتعمل كام عشان نقارن ؟؟ __ ربنا يبارك فيك __