اقتباس:
في الغالب واير الدبرياج بيتقطع من عند الدواسة
انا قصدي من المنطقة اللي راكبة في بدال الدبرياج (من عند الدواسة)
وفعلآ ده اللي حصل عندك.
اقتباس:
ولو الواير مش بايت كويس في المشقبية. ومش داخل من مكانه الصح في الفتحة اللي تحت سرفو الفرامل. لازم بيتقطع
المشقبية : الجزء الموجود في البدال وبيركب فيه واير الدبرياج.
واير الدبرياج : هو الواير كامل طبعآ... وهو عبارة عن سلك زي سلك فرامل الدراجه بس أكثر سمكآ . داخل جراب بيكون لونه اصفر او اسود أو ازرق.
الفتحة اللي تحت سرفو الفرامل: دي الفتحة مابين الدواسة والحوض. واللي بيعدي منها الواير.
اقتباس:
المفروض قبل ما تركب الواير تكبس الجراب بتاعه (بييجي الواير جوه الجراب ) شحم ابيض...
علشان تضمن سهولة الحركة.
اقتباس:
لو لاقيته تقيل شد الواير بأفيز واربطه في خزنة السيرفو...
وده عن تجربة.
لو لاقيته لسه تقيل معاك... شد الجراب بأفيز بلاستيك. واربطه في خزنة سرفو الفرامل علشان ياخد شككل منحني ومايبقاش تقيل...
وده كان آخر حل بالنسبة لي بعد ما يأست من تقل الدبرياج...
وعلي فكرة دبرياج ال 132 اصلآ تقيل. وعدم مرونة الواير داخل الجراب بيزود التقل بتاعه...
وممكن تركب ديسك واسطوانة بتوع شاهين. ودول حيخلوا الدبرياج ميه.
وانا فعلا شوفتها في اكتر من عربيه واستغربت من خفية الدبرياج. بس الموضوع بيدخل له في 300 جنيه غير المصنعية.
اقتباس:
فعلا الخمس مرات القطع كان فى مكان واحد بس مش فى السلك فى الجزاء اللى متركب فى بدال الدبرياج
لو الدبرياج كان خفيف معاك.
يبقي في احتمال من 2 :
1- الميكانيكي اللي ركب لك الدبرياج : ماكنش مركبة صح.
المفروض الاول تعللي علي الدبرياج من الفتيس (الفورش). وبعدين تركب الواير نم تحت. وبعدين تطلعه وتمرره من الفتحه الموجوده في الدواسة. وتثبته في البدال (علي ما اتذكر بيتثبت بمسمار وصامولة 12 ) واهم حاجه التثبيت في البدال لأن الواير لو ملفوف حيقطع بعد فترة... لازم يكون في العدي يعني مش مبروم يمين او شمال ...
وبعدين تظبط الدبرياج من تحت... توطيه علشان يعطي افضل مستوي لفصل بلية الدبرياج.
اقتباس:
الف شكر للباشاDrift_LOVEلانه لخص المشكله فى كلمتين.اما بالنسبه لترجمه الكلام ياعماد باشا فهى بمنتهى البساطه1-المشقبيه وهى (عباره عن المكان اللى بيركب فيه السلك عند البدال).2-الواير(WIRE)وهو سلك الدبرياج نفسه.اما المكان اللى تحت فهو يقصد الفورش.3-الفورش هو جزء راكب فى الفيتيس وهو المسؤل عن فصل البليه(بليه الدبرياج) عن الديسك والاسطوانه.وكل ده بيتم من البدال الى الفورش عن طريق سلك الدبرياج.
اتمنى انى اكون وضحت لك الموضوع .ولو فى اى حد من اعضاء الرابطه عنده اى جديد فى الموضوع يفيدنا لان ده عيب محرج جدا.
+10000000000000000000