معلش يا موحا انا عايز اسالك سؤال انت عمرك شوفتهم فعلا بيمشو يدورو على الحراميه وقطاع الطرق ؟؟
مع احترامي لرأيك بس اللي عايز ينام ينام في وقت راحته مش في وقت شغله
دول حاليا زي قلتهم وجودهم زي عدمه وانت لو محمتش نفسك مش هتلاقي حد يحميك :N_no[1]:
وفيها ايه لما ينامو بالنهار المهم يصحوا باليل .... مش كده ولا أيه ؟!!!!
مش عارف متهيألي كدة انهم مش نايمين
دول عاملين كمين لحد و عاملين نفسهم نايمين
:36_9_4::36_9_4:
صياعة شرطة بقى
اولا احب اوضح ان شرطة النجدة دول بيتحركوا استجابة لبلاغ ما ودول غير الدورية الراكبة او الحراسات الليلية اللي حضرتك بتقصدهم
ثانيا العسكري والامباشي دول لما يشتغلوا 8 ساعات ويرتاحوا 16 زي باقي البشر ويكون لهم مكان ادمي يناموا فيه واكل صحي وزي محترم ومرتب يغنيهم عن مد الايادي للرشوة تبقي تحاسبهم
العسكري ده بيقبص علي مااذكر 68 جنيه في الشهر وبيشتغل 14 ساعة وساعات اكتر حسب اوامر الباشا الظابط
وبيشتغل نجدة وسواق خصوصي للباشا ومراسلة للمدام ودادة للعيال وسجان ومسؤول اشارة وكل حاجة
وبيوفرولهم عنابر يناموا فيها زي المساجين بلا تهوية او شبابيك او حتي مراتب ادمية
وبياكلوا اكل زي ال...... استغفر الله العظيم
وبعد كه اما ينام علي كرسي العربية طول الليل
مقدرش الومه لانه اصلا جسمانيا غير مؤهل للسهر
فقو يصل دوريته في الحادية عشر ظهرا ويتركها في السادسة غالبا
لك الله يا مصر
اما الدورية الراكبة او الحراسة الليلية فسبب تقاعسها مشابه وضف الي ذلك كسل الضباط واستهتارهم
ورفضهم النزول مع الدورية
في حين امن العساكر فير مصرح لهم باطلاق النار وليست لهم سلطة ضبطية قضائية اثناء الدورية الا في حالات التلبس في نطاق عملهم هذا الي جانب قلة عددهم
فاذا ما واجهوا عصابة حيكونو هم اللي في موقف الاضعف
يا سيدي المنظومة بالكامل خربانة
والظباط والعساكر العدد في اللمون
وبمجرد ان الظابط يعلق 3 نجوم تلاقيه بطل ينزل وردية ليل وكل شغله بالنهار فتلاقي بالليل الملازمين بس
ودول نصهم فرحان بنفسه ومعوج وحاسس انه بقي الحاكم بامر الله
والنص التاني لا بايده ولا برجله ومحتاس وملخوم ومش فاهم حاجة وخايف من اللي اكبر منه
والعساكر بتتفرج ومتعرفش تقول غير تمام يا باشا
والظباط الكبار ميهمهمش غير كله تمام يا ريس
وظباط المباحث بيربو مرشدين ومجرمين صغيرين علشان يجبولهم القضايا لحد عندهم وبيعملوا فرق تعذيب وكل واحد فيهم كل اللي يهمه انه يترقي او يروح امن الدولة وما ادراك ما امن الدولة
وظباط المرور اهم حاجة تحصيل المخالفات والمصالحات علشان نسبتهم منها
وكله تمام يا ريس
لك الله يا مصر