+10000000000000
وبعدين لو الاخ معندوش مشكلة ان الغلابة دول يناموا مين الي هيحافظ على أمن الغلابة الي زيهم بس صاحيين في شغلهم ومتمرمطين في المواصلات ؟؟؟
السؤال الي دايما بساله بقه بيعملوا كده ازاي في العربيات مع انهم نايمين على طول :44:
طبعا يخافوا
زي ما وضحت في مداخلتي قبل كده انهم ممنوع يضربوا نار او يستعملوا السلاح الميري
وتبقي فيها جزاءات ويمكن محاكمة عسكرية لو طلقة نقصت دا بافتراض ان معاهم سلاح صالح للاستخدام او هم اصلا بيعرفوا يستخدموه
يعني ببساطة كل واحد بدراعه
وعهلشان كده هم دايما في مواجهة اي عصابة بيكونوا في الموقف الاضعف
لك الله يا مصر
مين اللي قال ان نومهم مش مشكلة؟؟
بالعكس لكن اسبابه في نظري قهرية
العالم دي في الغالب الاعم ملهاش مواعيد وشغالين مرمطونات
يظهر ان سعادتك مدخلتش الجيش او ملكش احتكاك بيهم
الحفاظ علي الامن مسؤولية مؤسسة الداخلية ورؤسائها ووزير الداخلية ومديري الامن هم اللي بيحطوا القواعد وينظموا العمل
الناس دي متملكش من امرها شئولا تحل ولا تربط
ةبيتداس عليهم بالجزم
طب سؤال تاني
العربيية بتاعة النجدة دي مش في تشكيل الدورية ظابط وامين شرطة؟
فينهم
ليه مش موجودين
اقولك الامين والظابط مريحين في القسم
يا سادة كل قسم فيه غرف نوم وتلفزيون ودش وتلاجة واللذي منه وسعات اكتر من كده
انهي اهون الراجل الغلبان اللي نايم علي كرسي العربية وفاتح الجهاز ولو حد شخط فيه وقاله اطلع في ظرف 10 ثواني حيكون طالع
ولا الباشا اللي نايم فوق بيشخر
والله دي مش مشكلتنا .. احنا نستحق يكون لينا شرطة تحمينا .. والي خلاهم نايمين والي خلا الي اعلى منهم منظموش مواعيدهم على حد كلامك ده لاننا ساكتين وبنقول غلابة .. وصلت ؟
لا سعادتي مدخلتش الجيش .. بس شفته فيديو :shyy:
يا باشا الي بتكلم عنه ملوش علاقة باني دخلت الجيش ولا لأ ..
الي بتكلم بيه عملا بمبدأ (لا يصح إلا الصحيح)
مهو ناس كتير بتصحي 6 الصبح تروح شغلها وعلى ما بتروح بيكون بقالها 12 ساعة شغل وسواقه والذي منه ليه مش بيناموا في شغلهم ؟؟
ده غير الي بيشتغل شغلتين عشان ياكل ..
مش مبرر حضرتك الي بتقوله ده ..
انا مليش دعوة بالحل والربط ..
انا طالب منهم يكونوا موجودين ولو خيالات مآته لكن كده ممكن يتسرقوا لو فيه موبايل قدامهم ع التابلوه ولا فلوس في جيبهم ولا حتى علبة سجاير
على كلامك ده المفروض ننام احنا كمان وكل واحد ينام في شغله ونقول لما الي فوق يتصلح نبقى نتصلح
آسف مش متفق مع سعادتك
والله كل اللي قصدته وكان واضح من تعليقاتي ان المنظومة كلها هي السبب ويجب اصلاحها من اعلي لاسفل وليس العكس
لو فرضنا ان حضرتك عندك عمل خاص وفي موظفيين بيشتغلوا معاك وحضرتك لسبب ما قررت ان الناس دي تشتغل 16 ساعة في اليوم وسعات اكتر من كده واحيانا يطبقوا يومين و 3 ويقبضوا مرتبات متدنية جدا ومتاكلش عيش حاف
تفتكر بعد 5شهور شركتك حتبقي افضل ولا اسوا
وايه حيكون مردودهم افضل؟؟؟؟
ومين حيكون السبب لو اهملوا في عملهم؟؟
يا تري انهم خرعين ومهملين؟ ولا حيكون مدير العمل اللي لا يحسن الادارة ولا يشعر بمن دونه ويعتبرهم الات او حيوانات
الخلاففي الراي لا يفسد للود اية قضية وسعيد جدا بالحوار معاك ومستواه الذي يستحق التقدير والاحترام
والله يا فندم لو انا عملت كده ده حسب رؤيتي ولاحظ مجرد ملاحظة ان الي هيوافق يشتغل هيكون عارف ظروف العمل والمرتب قبل ما يشتغل .. يعني محدش هيضربه على ايده .. والنقطة دي معاك حق فيها ان الي بيبوظ الشغل في مصر الناس الي بتقبل تشتغل عدجد ساعات كتير بمرتب غير مجزي ولا عادل م الاساس ويمكن ده الي بيخلي ناس مستواها التعليمي اقل من ناس تانيه شغاله وصاحب الشغل بيقول اهي ماشية :ma:
وبالمناسبة تم عمل اختراع اسمه ورديات عشان كده .. عشان يبقى فيه شغل على كذا فترة في المنظمات والشركات الكبيرة الي بتشتغل على مدار اليوم ..
هو غلط والمفروض يتحاكمو
بس قبل متحاكم دول حاكم الاعلى منهم
العسكرى بيفضل فوق ال 12 ساعه اما قاعد فى العربيه دى
او زيهم قاعد فى عربيه عامله زى الترحيلات كدة
ودى بتبقى عامله زى فرن المايكروويف تقريبا
اما واقف خدمه على اى مكان
و اى رتبه اعلى منه بتفترى عليه
ومرتبه مبيكفيش اى حاجه اساسا وعايزة يفضل صاحى
دة غير مشاوير المدرسه والسوق و الملاهى
اة هما غلط بس قبل متححاسب دول حاسب الاعلى منهم