الموضوع: السيارات و اشكالها

المشاركة الأصلية كتبت بواسطة ehabbasha30

الهيوندى الانترا القديمة موديل اواخر التسعينات اوالفين تقريبا من الخلف شبة الفهد الاسود بالظبط خصوصا الفوانيس بالليل
مرة وانا مسافر بالليل وهى قدامى ببص ليها كان فهد باصصلى ومحمرلى عينة.... مش ممكن التشابة الفظيع دة

هههههههههه شكلك بتخاف منها !!!! فعلا شكل الفهد بس مش شرط الاسود افرض ان العربيه لونها ابيض او ازرق او اى لون تانى ولا الفهد الاسود له شكل معين ؟؟؟

المشاركة الأصلية كتبت بواسطة ehabbasha30

فى يا جماعة برضو تويوتا ايكو فيها شبة من السمكة
واسمحولى ليا راى
الياريس مش شكل حاجة من اللى انتو قلتوها...هى شكلها غبى لوحدها
انا اسف

هى لا خلاف ان شكلها غبييييييييييى بس بتدى ايحائات بتختلف من شخص للتانى ممكن من غباءها تكون مش عارف تشبهها بحاجه .
اعتذر للجماعه الى بيحبو الياريس بس اصل الشكل اذواق

المشاركة الأصلية كتبت بواسطة karaktar

التيدا من الامام واخده شكل الضفدع

تمااااااااااااااااام

المشاركة الأصلية كتبت بواسطة amelsahn

كان ليا واحد صاحبى عنده بيتلز قديمه بيضاء... ماكانش بيقول عليها غير "بانيو مقلوب"!!!

بانيو هى حصلت يقول على البيتلز كده و يشبهها بقطعه من قطع الحمام طيب الحمد لله انها جت على اد البانيو بس .
بهظر اوعى تزعل

المشاركة الأصلية كتبت بواسطة amrico

موضوع جامد جدا
ربنا يخليك يا جميل
انا بشوف التويوتا الياريس بوشها الغريب من قدام أكن واحد واخد بونية ولا بوكس بين عينيه.

الهيونداي إلانترا الجديدا شكلها زى واحد محشور في بوؤه أكل وخدوده منفوخين.

الكورولا لجديدة شكلها كده أكنها مركبة نص خلفى

الأوكتافيا الa5 بتفكرنى وهى ماشية قدامى بالليل ومنورة النور بلوحة كشف النظر عند دكتور العيون لو تاخدوا بالكم عبارة عن حرفين C واحد معدول وواحد مقلوب زى بتاع كشف النظارة.
اساسا هى مكتوب عنها ان الفوانيس مستوحاه من حرف ال c
اللانسر البومة من كتر مابقت منتشرة انا كل ماشوفها بفتكر (لامؤاخذة) شبشب انتشر جدا فى فترة من الفترات كان مكتوب عليه بالإنجليزي O2 ومسميها O2

اوصافك حلوه و تموت من الضحك و خصوصا الكورولا الى مركبه نص دى فعلا شكلها مش راكب على بعضه

المشاركة الأصلية كتبت بواسطة نور القمر

السريون بحس انها شبه شوز البيبهات او الاقزام
بوزه قصير ومبعجر

ههههههه حلوه مبعجر دى ههه