مساعدة فى ساوند سستم بسيط

**shery103** · 26-01-2009 06:39 AM

السلام عليكم و رحمة الله و بركاته

انا يا جماعة عربيتى بيكانتو 2008
و اول ما جبتها ركبتلها هيد يونيت sony CDX-GT670U
CD,USB,AUX

و الباور بتاعتها 52Wx4
و شغالة على السماعات اللى نازلة فى العربية
الفكرة ان الصوت مش نقى خالص و خصوصا لو عليته شوية :k30:
انا عايزة اعمل سستم بسيط خالص ، باقل تعديل فى العربية ( يعنى مثلا لو فى سماعات كويسة نفس مقاس اللى فى العربية عشان مقطعش فى حاجة يبقى تمام )

و متطلباتى مش كتير ، عايزة الصوت يبقى نقى و واضح ( لان السماعات بتاعة العربية بتزن و الصوت بيشوش لما بعليها )

و بما انى لا افقه اى حاجة فى الموضوع ده
فكنت محتاجة مساعدة فى
1- اشترى ايه ( بالتفصيل )
2- منين بالظبط
3- مين هيركب ( نفس المحل و لا حد تانى )
4- هيعملى مشاكل مع الضمان و لا لأ ؟؟؟
5- و طبعا التكلفة التوتال للموضوع ده (معنديش ليميت بس عشان ابقى عاملة حسابى )

و بس كده ، و ميرسى مقدما

**HNaga** · 26-01-2009 12:48 PM

أول حاجة شوف مقاسات السماعات فى عربيتك كام

**fahd_628** · 26-01-2009 03:23 PM

ممكن يا باشا تشيل الرف الأصلى الى ورا و تعمل بدالة رف خشب و تقطع فية و تحط سماعات كينوود 5 واى 500 وات دية ب 350 - 400 جنية تقريبا و لو عاوز تشغلهم صح تجيب امبليفير كينوود 350 وات ( يستحسن تجيب امبليفير قوى زى ما سمعت من الأخوة هنا يبقى الوات بتاعة اكبر من الوات بتاع السماعات يعنى تجيب حاجة 500 وات ) او لو عاوز امبليفير اكبر علشان بعدين لو عاوز تجيب صب او حاجة يبقى كينوود 720 وات و دة ب 750 جنية تقريبا

**hanystar** · 26-01-2009 11:55 PM

لو السماعات بتزن وصوتها مشوش ممكن يغيروها فى التوكيل على حسابهم بما إن عربيتك فى الضمان
أنا السماعات اللى عندى كانت بتزن برضه وعرضوا عليا تغييرها (توكيل كيا) لكن ساعتها السماعات مكنتش موجودة فى المخزن عندهم .
أما لو كنتى هتشترى سماعات وتركبيها برة فمافيش مشكلة خالص بالنسبة للضمان - أنا كنت سألتهم فى النقطة دى .

**shery103** · 28-01-2009 11:22 PM

شكرا يا جماعة جدا على كل ردودكم

بس ممكن حد يرشحلى محل موثوق فيه فى شارع دمشق مثلا ( عشان هو اللى جنبى ) اشترى منه الحاجات و يكون شغله نضيف فى التركيب كمان ؟؟

و شكرااا